ഇങ്ങനെ പോയാല് ഭക്തര് ആ മതിലു പൊളിക്കും
സര്ക്കാര് ഇനിയെങ്കിലും പാഠം പഠിച്ചാല് നന്ന്. കേരളം വിശ്വാസികള്ക്കൊപ്പമാണ്. അത് വീണ്ടും തെളിയിക്കപ്പെട്ടിരിക്കുന്നു.
സര്ക്കാര് പണിയുന്ന വന്മതില് വിശ്വാസികളുടെ ആചാരാനുഷ്ഠാനങ്ങളുടെ നെഞ്ചത്താവരുത്. ആ മതിലിനു വളമിടാന് ഉത്തരം ഇത്തരം ആക്ടിവിസ്റ്റുകളെ ഇനിയും വാടകയ്ക്കെടുക്കരുത്. കേരളത്തിലെ വിശ്വാസി സമരങ്ങളൊക്കെ സഹന പാതയില് തന്നെയായിരുന്നു. സ്ത്രീ സമത്വത്തിനും മുന്നേറ്റത്തിനും സര്ക്കാരൊരുക്കുന്ന മതിലില് വിശ്വാസികളോടുള്ള വെല്ലുവിളിയല്ലാതെ മറ്റെന്തു സന്ദേശമാണുള്ളത്.
വനിതകള്ക്കു വേണ്ടി ഈ സര്ക്കാര് എന്തു ചെയ്തു. വീമ്പു പറയുന്ന ദേവസ്വം ബോര്ഡ് എന്തു ചെയ്യുന്നു. വനിതാ മതില് നമ്മുടെ സമൂഹത്തെ നെടുകെ പിളര്ക്കുമെന്ന് ഒരു വിഭാഗം ഉറപ്പിച്ചു പറയുന്ന വേളയില് തന്നെയാണ് ശബരിമലയില് ഏറെ അനിഷ്ട സംഭവങ്ങള് ഇന്നരങ്ങേറിയത്.
ഇനി മതിലുകെട്ടല് അത്രയെളുപ്പമാകില്ല. അയ്യപ്പജ്യോതി തെളിയിക്കാന് ആവേശവും കൂടും . വിശ്വാസികളുടെ ഏറെ ചോദ്യങ്ങള്ക്ക് ഇനിയുള്ള ദിവസങ്ങളില് സര്ക്കാര് ഉത്തരം പറയേണ്ടി വരും
നക്സല് ബന്ധം മനിതീ സംഘടനയ്ക്കുണ്ട് എന്നത് വാസ്തവം തന്നെ. തികഞ്ഞ ആക്ടിവിസ്റ്റുകള്. ഇപ്പോള് മാവോ ബന്ധവും ഉന്നയിക്കപ്പെടുന്നു. ഇത്തരത്തിലുള്ള സംഘടനയില് പെട്ടവരെ എന്തിന് പോലീസ് സംരക്ഷണയില് പമ്പയിലേക്ക് കൊണ്ടു വന്നു. എന്തു കൊണ്ട് വര്ഗീയ സംഘര്ഷത്തിനൊരുങ്ങി. ശബരിമലയിലേക്കു തിരിച്ച ഇവരെ അത്തരത്തില് പോലീസ് നിരീക്ഷണത്തിന് വിധേയരാക്കിയില്ല.
11 പേര് കൂട്ടം കൂടിയെത്തുക. അവര് കൂട്ടമായി പ്രതിഷേധിക്കുക. ഇതു നിരോധനാജ്ഞാ ലംഘനമല്ലേ എന്തു കൊണ്ട് പോലീസ് കര്ശന നടപടികളെടുത്തില്ല. വിശ്വാസികളുടെ ഇത്തരം ചോദ്യങ്ങള്ക്കു മുമ്പില് സര്ക്കാര് ഉത്തരം മുട്ടും തീര്ച്ച. ഏറെ ആരോപണങ്ങള്ക്കു മുന്നിലാണ് ഭക്തരുടെ വിശ്വാസ മതില് തകര്ത്ത് വിഭജനത്തിന്റെ മതില് പണിയാനൊരുങ്ങുന്നത്. രഹ്ന ഫാത്തിമ്മയും മനിതി സംഘനയും തമ്മിലുള്ള വ്യത്യാസമെന്ത്.
ഇരു കൂട്ടര്ക്കും നടപ്പിലാക്കേണ്ടിയിരുന്നത് ആക്ടിവിസമായിരുന്നില്ലേ. രഹ്നയ്ക്കും ആക്ടിവിസ്റ്റ് അമ്മിണിയ്ക്കും മനിതിയ്ക്കും മുന്നില് സര്ക്കാര് പരിഹസിക്കപ്പെടരുത്. നമുക്കു വേണ്ടത് വിഭജനത്തിന്റെ മതിലുകളല്ല, സ്നേഹത്തിന്റെ സാഹോദര്യത്തിന്റെ പാലങ്ങളാണ്.
എല്ലാ പാലങ്ങളും തകര്ന്ന് മതിലു പണിയുന്നവര് പരവതാനിയിടുന്നത് തന്റേടം കാണിക്കാന് ഇറങ്ങിത്തിരിക്കുന്ന ഇത്തരം ആക്ടിവിസ്റ്റുകള്ക്കാണ്. ഭക്തര് ജയിക്കുന്നത് വിശ്വാസത്തിലാണ്. നിരീശ്വര വാദികള് തോല്ക്കുന്നത് ആക്ടിവിസത്തിലുമാണ്.
പോരാടി നേടേണ്ടതല്ല ശബരിമലയുടെ ആചാരം. ആ ആചാരത്തെ മതിലുകെട്ടിത്തിരിക്കരുത്. ഭക്തരുടെ ഒരു കുതിപ്പില് എല്ലാ മതിലും ക്ഷണനേരം കൊണ്ട് തകരും. തിരിച്ചറിവുകളാണ് ഭരണാധികാരിയുടെ വിവേകം. പോരാട്ടം നീതിക്കു വേണ്ടിയാകണം
രാഷ്ട്രീയത്തിമിരം ബാധിച്ച മതിലുകള്ക്ക് പകരം ജനത്തിന് ക്രിയാത്മകമായി എന്തൊക്കെ കാര്യങ്ങള് ചെയ്യാം നമ്മുടെ സര്ക്കാര് വകുപ്പുകള് ഒന്നടങ്കം ഒരു ദിനം നഷ്ടപ്പെടുത്തുന്നത് എത്ര കോടി രൂപയാണ് പാഴാക്കുന്നത്. എത്രയോ കണ്ണീരു പുരണ്ട ഫയലുകളാണ് മാറ്റിവയ്ക്കപ്പെടുന്നത്.
https://www.facebook.com/Malayalivartha
