ഓണ്ലൈന് തട്ടിപ്പുകള് നടത്തിയിരുന്ന കാമറൂണ് സ്വദേശിയെ മഞ്ചേരി പോലീസ് ഹൈദരബാദില് അറസ്റ്റ് ചെയ്തു
വിവിധ രീതിയിലുള്ള ഓണ്ലൈന് തട്ടിപ്പുകള് ഹൈടെക് സാങ്കേതിക വിദ്യകളുപയോഗിച്ച് നടത്തിയിരുന്ന കാമറൂണ് സ്വദേശി മൈക്കിള് ബൂന്വി ബോന്വ (29) യെ മഞ്ചേരി പോലീസ് ഹൈദരാബാദില് നിന്നും അറസ്റ്റ് ചെയ്തു. താമസസ്ഥലം രഹസ്യമായി കണ്ടെത്തിയശേഷം പുലര്ച്ചെ നടത്തിയ ഓപ്പറേഷനിലൂടെയാണ് പ്രതിയെ പിടികൂടിയത്.
മഞ്ചേരി പോലീസ് ഇതേ കേസില് കാമറൂണ് സ്വദേശികളായ രണ്ടു പേരെ കഴിഞ്ഞ മാസം അറസ്റ്റ് ചെയ്തിരുന്നു. മെഡിക്കല് വിസയിലാണ് പ്രതി ഇന്ത്യയില് വന്നത്. എന്നാല്, പ്രതി ബന്ധപ്പെട്ട ഫോറിനേഴ്സ് ബ്രാഞ്ചില് രജിസ്റ്റര് ചെയ്ുകയോ വിസ പുതുക്കുകയോ ചെയ്യാതെ അനധികൃതമായി രാജ്യത്ത് തങ്ങുകയായിരുന്നു. ഇതോടെ കഴിഞ്ഞ ആറ് മാസത്തിനിടെ ഓണ്ലൈന് തട്ടിപ്പ് കേസില് മഞ്ചേരി പോലീസ് സ്റ്റേഷനില് അറസ്റ്റ് ചെയ്യുന്ന പ്രതികളുടെ എണ്ണം എട്ടായി.
മഞ്ചേരിയിലെ സ്ഥാപനത്തിന്റെ പേരും രസീതുകളും വെബ്സൈറ്റും മറ്റും ഉപയോഗിച്ച് വിവിധ ഉത്പന്നങ്ങള് വാഗ്ദാനം ചെയ്ത്, ആരോ ഒരാള് പണം തട്ടിയെന്നു പറഞ്ഞു ഇതരസംസ്ഥാനക്കാരന് പരാതിക്കാരനെ ബന്ധപ്പെട്ടതിനെ തുടര്ന്ന് നല്കിയ കേസിന്റെ അന്വേഷണത്തിലാണ് പ്രതി പിടിയിലാകുന്നത്.
പ്രതികളില് നിന്നും തട്ടിപ്പിനുപയോഗിച്ച മൊബൈല് ഫോണുകള്, സിം കാര്ഡുകള്, റൂട്ടറുകള്, ലാപ്ടോപ്പുകള് തുടങ്ങി നിരവധി സാധനങ്ങള് പിടിച്ചെടുത്തിട്ടുണ്ട്. ഇതര സംസ്ഥാനങ്ങളിലുള്ളവരും മറ്റു രാജ്യക്കാരും ഇവരുടെ തട്ടിപ്പിനിരയായിട്ടുണ്ടെന്നു സൂചനകളുണ്ട്.
മലപ്പുറം ജില്ലാ പോലീസ് മേധാവി പ്രതീഷ് കുമാറിന്റെ നിര്ദ്ദേശപ്രകാരം മലപ്പുറം ഡിവൈ.എസ്.പി: ജലീല് തോട്ടത്തില്, മഞ്ചേരി സി.ഐ: എന്.ബി. ഷൈജു, എസ്.ഐ: ജലീല് കറുത്തേടത്ത് എന്നിവരുടെ മേല്നോട്ടത്തില് സൈബര് ഫോറന്സിക് ടീം അംഗം എന്.എം. അബ്ദുല്ല ബാബു, സ്പെഷല് ഇന്വെസ്റ്റിഗേഷന് ടീം അംഗങ്ങളായ ടി.പി. മധുസൂദനന്, ഹരിലാല്, ലിജിന്, ഷഹബിന് എന്നിവരാണ് ഹൈദരാബാദില് നിന്നും പ്രതികളെ അറസ്റ്റ് ചെയ്തത്.
https://www.facebook.com/Malayalivartha
