മുഖ്യമന്ത്രി തീവ്രനിലപാടുള്ളവരെ ശബരിമലയില് കൊണ്ടുപോയതിന് മാപ്പുപറയണമെന്ന് കെ.മുരളീധരന് എം.എല്.എ
തീവ്രനിലപാടുള്ളവര് ഉണ്ടെന്ന ഇന്റലിജന്സ് റിപ്പോര്ട്ടിനെതുടര്ന്ന് 'ആര്പ്പോ ആര്ത്തവം' പരിപാടിയില് പങ്കെടുക്കാതിരുന്ന മുഖ്യമന്ത്രി തീവ്രനിലപാടുള്ളവരെ ശബരിമലയില് കൊണ്ടുപോയതിന് മാപ്പുപറയണമെന്ന് കെ.മുരളീധരന് എം.എല്.എ.
തീവ്ര നിലപാടുള്ളവര് പരിപാടിയില് ഉണ്ടെന്ന ഇന്റലിജന്സ് റിപ്പോര്ട്ട് അനുസരിച്ചാണ് മുഖ്യമന്ത്രി പരിപാടിയില് പങ്കെടുക്കാതിരുന്നത്. ആ പരിപാടിയില് ശബരിമലയില് ദര്ശനം നടത്തിയ ബിന്ദുവും കനകദുര്ഗയും ഉണ്ടായിരുന്നു. അതേ തീവ്രസ്വഭാവം ഉള്ളവരെയാണ് ദിവസങ്ങളോളം പൊലീസ് കസ്റ്റഡിയില്
വച്ചതും.
കെ. മുരളീധരന് കോണ്ഗ്രസ് പാര്ട്ടിയിലുള്ള സ്ഥാനം അറിയാന് ദേവസ്വം ബോര്ഡ് പ്രസിഡന്റ് പദ്മകുമാര് പത്രം വായിക്കണമെന്നും അദ്ദേഹം പറഞ്ഞു. പല തവണ വാക്ക് മാറ്റിയതിന് ഒളിംപിക്സ് അവാര്ഡ് ഉണ്ടെങ്കില് സ്വര്ണം പത്മകുമാറിനും വെള്ളി കടകംപള്ളി സുരേന്ദ്രനും ലഭിക്കുമെന്നും മുരളീധരന് പരിഹസിച്ചു.
ഒന്നുകില് പദ്മകുമാര് പാര്ട്ടി തീരുമാനം പറയണം. അല്ലെങ്കില് സ്വന്തം നിലപാട് പറയണം. പാര്ട്ടിയേയും വിശ്വാസികളെയും വഞ്ചിച്ച ഇങ്ങനെ ഉള്ളവര്ക്ക് കയറി കിടക്കാന് ഉള്ള ഇടം അല്ല യു.ഡി.എഫ്. മകരവിളക്ക് കഴിഞ്ഞു പാര്ട്ടി തന്നെ പദ്മകുമാറിന്റെ രാജി ആവശ്യപ്പെടുമെന്നും മുരളീധരന് പറഞ്ഞു.
https://www.facebook.com/Malayalivartha
