സ്വയംഭരണ കോളജുകളുടെ പ്രവര്ത്തനം നിയന്ത്രിക്കാന് സര്ക്കാര് നിയമഭേദഗതിക്കൊരുങ്ങുന്നു...
സ്വയംഭരണ കോളജുകളുടെ പ്രവര്ത്തനം നിയന്ത്രിക്കാന് സര്ക്കാര് നിയമഭേദഗതിക്കൊരുങ്ങുന്നു. ഇതിന്റെ മുന്നോടിയായി മന്ത്രി ഡോ.കെ.ടി. ജലീല് അധ്യക്ഷനായ സ്വയംഭരണ കോളജ് അംഗീകാരസമിതി 25ന് യോഗം ചേരും. സ്വയംഭരണകോളജുകളുടെ പ്രവര്ത്തനം നിയന്ത്രിക്കാന് നിയമഭേദഗതി വേണമെന്ന ഉന്നത വിദ്യാഭ്യാസ കൗണ്സിലിന്റെ വിദഗ്ധസമിതി ശിപാര്ശയില് സര്ക്കാര് നടപടി സ്വീകരിച്ചിരുന്നില്ല. സര്ക്കാറിന്റെയും സര്വകലാശാലയുടെയും അനുമതിയില്ലാതെ വ്യാപകമായി സ്വാശ്രയ കോഴ്സ് തുടങ്ങിയതും പാഠ്യപദ്ധതി പരിഷ്കരിച്ചതും പരീക്ഷാരീതിയില് മാറ്റംവരുത്തിയതും വിദഗ്ധസമിതി കണ്ടെത്തിയിരുന്നു.
സ്വയംഭരണ കോളജുകള് ആരംഭിക്കുന്നതിന് 2014ല് നടത്തിയ നിയമനിര്മാണത്തിലെ ന്യൂനത സമിതി ചൂണ്ടിക്കാട്ടുകയും ചെയ്തിരുന്നു. ഇത് പരിഹരിക്കാന് നിയമഭേദഗതി വേണമെന്നായിരുന്നു ഡോ. ജോയ്ജോബ് കുളവേലില് അധ്യക്ഷനായ സമിതിയുടെ ശിപാര്ശ. പല കോളജുകളും സര്ക്കാറിന്റെയും സര്വകലാശാലയുടെയും അനുമതിയില്ലാതെ ഗവേണിങ് കൗണ്സില്, അക്കാദമിക് കൗണ്സില് എന്നിവയില് കൂടുതല് മാനേജ്മന്റെ് പ്രതിനിധികളെ ഉള്പ്പെടുത്തിയിരുന്നു. ഇത് ബന്ധപ്പെട്ട സമിതികളിലെ സര്ക്കാര് പ്രതിനിധികള് എതിര്ക്കുകയും സര്ക്കാറിന് റിപ്പോര്ട്ട് ചെയ്യുകയും ചെയ്തിരുന്നു. ഇന്േറണല് അസസ്മന്റെിനുള്ള മാര്ക്ക് അനുപാതം കൂട്ടി സ്വയംഭരണ കോളജുകള് പരീക്ഷാരീതിയിലും മാറ്റംവരുത്തിയിരുന്നു.
സ്വയംഭരണ കോളജുകള്ക്കായി നടത്തിയ നിയമനിര്മാണവും സര്വകലാശാല ചട്ടവും തമ്മിലെ വൈരുധ്യം തിരുത്തണമെന്നും സമിതി ശിപാര്ശ ചെയ്തിരുന്നു. ഇതിന് സര്വകലാശാല ചട്ടം ഭേദഗതി ചെയ്യണമെന്നും നിര്ദേശമുണ്ടായിരുന്നു.
"
https://www.facebook.com/Malayalivartha
