ടി പി സെന്കുമാര് നിറഞ്ഞു നിന്നപ്പോള് ഭക്തര്ക്ക് ആവേശം ഇരട്ടിയായി... സര്ക്കാരിന്റെ ഖജനാവില് നിന്നും കോടികള് ചെലവിട്ട പൊളിഞ്ഞ മതിലല്ല, തെളിഞ്ഞ ജ്യോതിയായിട്ടാണ് അയ്യപ്പസംഗമത്തില് സനാതന ധര്മം സംരക്ഷിക്കാന് ലക്ഷക്കണക്കിന് വിശ്വാസികള് എത്തിയതെന്ന് മുന് ഡിജിപിയും ശബരിമല കര്മസമിതി അഖിലേന്ത്യ ഉപാധ്യക്ഷനുമായ ടി.പി. സെന്കുമാറിന്റെ വാക്കുകള്ക്ക് നിറഞ്ഞ കയ്യടി
ടി പി സെന്കുമാര് നിറഞ്ഞു നിന്നപ്പോള് ഭക്തര്ക്ക് ആവേശം ഇരട്ടി. സര്ക്കാരിന്റെ ഖജനാവില് നിന്നും കോടികള് ചെലവിട്ട പൊളിഞ്ഞ മതിലല്ല, തെളിഞ്ഞ ജ്യോതിയായിട്ടാണ് അയ്യപ്പസംഗമത്തില് സനാതന ധര്മം സംരക്ഷിക്കാന് ലക്ഷക്കണക്കിന് വിശ്വാസികള് എത്തിയതെന്ന് മുന് ഡിജിപിയും ശബരിമല കര്മസമിതി അഖിലേന്ത്യ ഉപാധ്യക്ഷനുമായ ടി.പി. സെന്കുമാറിന്റെ വാക്കുകള്ക്ക് നിറഞ്ഞ കയ്യടി. സംഗമത്തിന്റെ സ്വാഗത പ്രഭാഷണത്തില് സംസാരിക്കുകയായിരുന്നു അദ്ദേഹം.
സുപ്രീംകോടതി വിധിയെപ്പോലും ശരിയായ വിധത്തില് മാനിക്കാത്ത ചില ഐപിഎസ് ഉദ്യോഗസ്ഥരും കേരള സര്ക്കാരും നടത്തിയ ഹീന പ്രവൃത്തിയാണ് ഇത്തരത്തില് ഹിന്ദുമഹാസംഗമത്തിന് വേദിയൊരുക്കിയത്. കേരളത്തില് നിന്നുള്ളവരോ ശബരിമല വിശ്വാസത്തെ അറിയുന്നവരോ അല്ല കേസില് കക്ഷി ചേര്ന്നത്.
ശബരിമല കര്മ്മ സമിതി തിരുവനന്തപുരത്ത് നടത്തിയ അയ്യപ്പ ഭക്ത സംഗമത്തില് ഭരണഘടന തിരുത്തണമെന്ന പരോക്ഷ ആവശ്യവുമുയര്ത്തി ടി.പി സെന്കുമാര്. ന്യുനപക്ഷങ്ങള്ക്കുള്ള അവകാശങ്ങള് ഭൂരിപക്ഷത്തിനും ഉണ്ടെന്ന് ഭരണഘടനയില് എഴുതിച്ചേര്ത്താല് ഇപ്പോഴുള്ള എല്ലാ പ്രശ്നങ്ങളും അവസാനിക്കുമെന്ന് സെന്കുമാര് പറഞ്ഞു. ന്യൂനപക്ഷ ജനസംഖ്യ ഒന്പത് ശതമാനത്തില് നിന്ന് 21 ശതമാനമായി കുറഞ്ഞുവെന്ന പരിഹാസവും സെന്കുമാര് നടത്തി.
ശബരിമല തീര്ഥാടന കേന്ദ്രമാണ്, ടൂറിസ്റ്റ് കേന്ദ്രമല്ല. അവിശ്വാസികളായ ഏതാനും യുവതീരൂപങ്ങളെയാണ് അയ്യപ്പന്റെ പ്രതിഷ്ഠയ്ക്ക് മുന്നില് സര്ക്കാര് എത്തിക്കാന് ശ്രമിച്ചത്. എന്നാല് സര്ക്കാര് സുപ്രീംകോടതിയില് 51 യുവതികള് പ്രവേശിച്ചതായി നല്കിയ രേഖകള് യാഥാര്ഥ്യമല്ല.
സര്ക്കാരിന് 51 എന്ന നമ്പരിനോട് പ്രത്യേകം താല്പ്പര്യമുള്ളതിനാലാണ് ആ നമ്പര് തിരഞ്ഞെടുത്തതെന്ന് അദ്ദേഹം ആരോപിച്ചു. പല അമ്പലങ്ങളിലും വ്യത്യസ്തങ്ങളായ ആചാരങ്ങളാണ്. ശബരിമല ഒരു നിമിത്തവും തുടക്കവുമാണ്. സര്ക്കാറിന്റെ അടുത്ത കണ്ണ് പത്മനാഭസ്വാമിയുടെ സ്വത്തിലാണെന്നും അദ്ദേഹം പറഞ്ഞു.
സനാതന ധര്മ്മം സംരക്ഷിക്കാനുള്ള അവസാന അവസരമായി എന്ന അറിവിന്റെ അവതാരമാണ് ശബരിമല പ്രശ്നം. ധര്മ്മ പുനസ്ഥാപനം നടത്തേണ്ട സമയം അതിക്രമിച്ചു. നിസംഗരായിരുന്നാല് ബോംബുകളും ആയുധങ്ങളും നമ്മെ ഇല്ലാതാക്കും. ഉയര്ന്ന തലത്തില് ഇരുന്ന ബ്രാഹ്മണനെ ദളിതരേക്കാള് താഴ്ന്ന സാമ്പത്തിക നിലയില് എത്തിക്കുന്ന സോഷ്യലിസമാണ് കേരളത്തില് ജനാധിപത്യ സര്ക്കാരുകള് വന്നിട്ട് നടപ്പിലാക്കിയതെന്നും സെന്കുമാര് പറഞ്ഞു.
സര്ക്കാരിന്റെ കുതന്ത്രങ്ങള് തകര്ന്നുവീണുവെന്നും സെന്കുമാര് പറഞ്ഞു. വനിതാ മതിലാണോ അയ്യപ്പജ്യോതിയാണോ വലുതെന്ന് വിശ്വാസികള് 2019ല് തെളിയിക്കണമെന്ന് സെന്കുമാര് ആവശ്യപ്പെട്ടു.
https://www.facebook.com/Malayalivartha
