സൗജന്യ വൈഫൈ സംവിധാനം ഉപയോഗിക്കുന്നവര് ജാഗ്രത പാലിക്കണമെന്ന് കേരളാ പൊലീസിന്റെ മുന്നറിയിപ്പ്. നിങ്ങളുടെ സ്മാര്ട് ഫോണിലെ വിവരങ്ങളെല്ലാം ഹാക്കര്മാര് ചോര്ത്താനുള്ള സാധ്യത കൂടുതലാണെന്നും മുന്നറിയിപ്പില് വ്യക്തമാക്കുന്നു
സൗജന്യ വൈഫൈ സംവിധാനം ഉപയോഗിക്കുന്നവര് ജാഗ്രത പാലിക്കണമെന്ന് കേരളാ പൊലീസിന്റെ മുന്നറിയിപ്പ്. നിങ്ങളുടെ സ്മാര്ട് ഫോണിലെ വിവരങ്ങളെല്ലാം ഹാക്കര്മാര് ചോര്ത്താനുള്ള സാധ്യത കൂടുതലാണെന്നും മുന്നറിയിപ്പില് വ്യക്തമാക്കുന്നു. വൈഫൈ നല്കുന്നവര്ക്ക് ഉപയോക്താക്കളുടെ ഫോണിലേക്കും ലാപ്പ്ടോപ്പിലേക്കും മറ്റും നുഴഞ്ഞുകയറാകുമെന്നും പൊലീസ് പറയുന്നു. ഫോണിലെയോ കംപ്യൂട്ടറിലേയോ വിവരങ്ങള് ചോര്ത്താന് ഹാക്കര്മാര് വൈഫൈ സൗജന്യമായി നല്കാറുണ്ട്. റെയില്വേസ്റ്റേഷന്, ആശുപത്രി, ഹോട്ടലുകള് തുടങ്ങിയ നിരവധി പൊതുയിടങ്ങളില് വൈഫൈ ഫ്രീയായി നല്കുന്നുണ്ട്. അവിടങ്ങളിലും ഹാക്കര്മാര്ക്ക് നുഴഞ്ഞുകയറാനാകും.
ബാങ്ക് അക്കൗണ്ട് നമ്പര്, പാസ്വേഡ്, ആധാര് നമ്പര്, പാന് നമ്പര്, ഇമെയില് പാസ്വേഡ് അങ്ങനെ നിരവധി സ്വകാര്യവിവരങ്ങള് ഹാക്കര്മാര് ചോര്ത്താനുള്ള സാധ്യത കൂടുതലാണ്. ഫോണിലും ലാപ്ടോപ്പിലും മറ്റ് ഇലക്ട്രോണിക്സ് ഗാഡ്ജെറ്റുകളിലുമുള്ള വിവരങ്ങള് ചോരുന്നത് ഉപഭോക്താക്കളുടെ നിലനില്പ്പിനെ തന്നെ ബാധിക്കും. ഫോണിലും മറ്റുമുള്ള നിങ്ങളുടെ കോണ്ടാക്ട് നമ്പരുകള്, നിങ്ങള് ആരെയൊക്കെ വിളിക്കുന്നു, ആരോടൊക്കെ ചാറ്റ് ചെയ്യുന്നു, വീഡിയോ കോള് വിളിക്കുന്നു തുടങ്ങിയ വിവരങ്ങളെല്ലാം ഹാക്കര്മാര്ക്ക് ചോര്ത്താനാവും. അത് പോലെ നിങ്ങളുടെ മെയിലിലേലയും ഫെയിസ്ബുക്കിലേയും മറ്റും പാസ്വേഡുകള് ചോര്ത്തിയെടുത്ത ശേഷം അത് ദുരുപയോഗം ചെയ്യാനുമാവും.
പേഴ്സണല് ഡാറ്റാ, കമ്പ്യൂട്ടറിലും ഫോണിലും മറ്റും സൂക്ഷിച്ചിരിക്കുന്ന ഫയലുകള് എന്നിവയും ഹാക്കര്മാര് അതിവിദഗ്ധമായി മോഷ്ടിച്ചേക്കാം. സൗജന്യ വൈഫൈ നല്കുന്നവര്ക്ക് അവരുടെ നെറ്റ്വര്ക്കിംഗ് സംവിധാനം ഉപയോഗിക്കുന്ന ഉപകരണങ്ങളിലേക്ക് എളുപ്പത്തില് നുഴഞ്ഞുകയറാന് സാധിക്കും. സൗജന്യ വൈഫൈയില് കണക്ട് ചെയ്തിരിക്കുമ്പോള് ഉപഭോക്താവിന്റെ ഉപകരണത്തിലെ പ്രധാന ഇമെയിലുകള്, ക്രെഡിറ്റ് / ഡെബിറ്റ് കാര്ഡ് വിവരങ്ങള് എന്നിവയും ചോര്ത്താന് കഴിയും
വൈഫൈയില് രജിസ്റ്റര് ചെയ്യുമ്പോള് ഫോണ് നമ്പരുകള് നല്കണം. ഈ നമ്പരുകള് ഓണ്ലൈന് മാര്ക്കറ്റിംഗ് കമ്പനികള്ക്ക് നല്കി ഉത്പ്പന്നങ്ങളുടെ പ്രൊമോഷന് വേണ്ടി ഉപയോഗിക്കുന്നുണ്ട്. അതിലൂടെ അവര്ക്ക് വരുമാനം ഉണ്ടാക്കും. ഇത് സ്വകാര്യതയിലേക്കുള്ള കടന്ന് കയറ്റമാകില്ലെങ്കിലും ഓരോരുത്തരെയും ബുദ്ധിമുട്ടുണ്ടാക്കുന്ന തരത്തില് സന്ദേശങ്ങള് വരാനും വ്യക്തിഗത വിവരങ്ങള് ദുരുപയോഗം ചെയ്യാനും കഴിയുമെന്ന് സൈബര് രംഗത്തെ വിദഗ്ദ്ധര് ചൂണ്ടിക്കാട്ടുന്നു. ഇതിനെല്ലാം തടയിടാന് ഉണ്ടാക്കിയ സോഫ്റ്റ്വെയറുകള് പ്രമുഖ കമ്പനികള് പുറത്തിറക്കുന്നുണ്ട്.
https://www.facebook.com/Malayalivartha
