ബാലഭാസ്കര് അപകടത്തില് പെട്ടപ്പോള് വാഹനം ഓടിച്ചിരുന്ന ഡ്രൈവര് അര്ജുന് ക്രിമിനല് കേസുകളില് പ്രതിയാണെന്ന് പോലീസിന് വ്യക്തമായതോടെ സംശയനിഴലിലാകുന്നത് ബാലഭാസ്കറിന്റെ ഭാര്യയെ ചികിത്സിച്ചിരുന്ന ഡോക്ടറും കുടുംബവും
ബാലഭാസ്കര് അപകടത്തില് പെട്ടപ്പോള് വാഹനം ഓടിച്ചിരുന്ന ഡ്രൈവര് അര്ജുന് ക്രിമിനല് കേസുകളില് പ്രതിയാണെന്ന് പോലീസിന് വ്യക്തമായതോടെ സംശയനിഴലിലാകുന്നത് ബാലഭാസ്കറിന്റെ ഭാര്യയെ ചികിത്സിച്ചിരുന്ന ഡോക്ടറും കുടുംബവും . എന്നാല് അന്വേഷണം അര്ജൂനില് മാത്രം കേന്ദ്രീകരിക്കാന് ഒരു ഉന്നത സി പി എം നേതാവിന്റെ ബന്ധുക്കള് പോലീസില് ഇടപെടല് നടത്തുന്നതായി സംശയമുണ്ടെന്ന് ബാലഭാസ്കറിന്റെ കുടുംബവുമായി ബന്ധപ്പെട്ടവര് പറയുന്നു.
ബാലഭാസ്കറിന്റെ പിതാവ് നല്കിയ പരാതിയിലാണ് പോലീസ് അന്വേഷണം നടത്തിയത്. സാമ്പത്തിക ഇടപാടുകളില് ദുരൂഹത കണ്ടെത്തിയെങ്കിലും തെളിയിക്കാനായിട്ടില്ലെന്നാണ് പോലീസ് പറയുന്നത് അത്തരം കാര്യങ്ങള് തെളിയിക്കുന്നത് പോലീസിനെ സംബന്ധിച്ചടത്തോളം ബുദ്ധിമുട്ടായിരിക്കും. കാരണം ബാലഭാസ്കറിന്റെ സാമ്പത്തിക ഇടപാടുകളില് ചില സി പി എം നേതാക്കള്ക്ക് പങ്കുണ്ടെന്ന് പോലീസിനറിയാം. അപകട സമയത്ത് വാഹനം ഓടിച്ചിരുന്നത് താനല്ലെന്ന് െ്രെഡവര് അര്ജൂന് പറഞ്ഞിരുന്നു. എന്നാല് ബോധം തിരികെ കിട്ടിയ ലക്ഷ്മി വാഹനം ഓടിച്ചിരുന്നത് അര്ജൂനാണെന്ന് പറഞ്ഞതോടെയാണ് ചിത്രം മാറിയത്.
തിരുവനന്തപുരത്ത് കഞ്ഞിയും അപ്പവും വില്ക്കുന്ന കടകള് തുടങ്ങാന് മുടക്കിയ രണ്ട് കോടി ഉള്പ്പെടെ നിരവധി പേരുടെ കൈയില് ബാലഭാസ്കറിന്റെ പണമുണ്ട്. തന്റെ മാനേജറുടെയും ഡോക്ടറുടെയും നിര്ബന്ധത്തിന് വഴങ്ങി ചില സുഹൃത്തുക്കള്ക്കാണ് തുക നല്കിയതെന്ന് ബാലഭാസ്കറിന്റെ സുഹൃത്തുക്കള് പറയുന്നു. ഇതും പാലക്കാട്ടെ ആശുപത്രിയില് മുടക്കിയ പണവുമാണ് ബാലുവിന്റെയും മകളുടെയും ജീവന് അപഹരിച്ചതെന്ന് അഛന് കരുതുന്നു.
പണം അപഹരിക്കുന്നതിനായി സംവിധായകന് ബാലഭാസ്കറിനെ വാഹനാപകടമുണ്ടാക്കി കൊന്നതാണെന്നാണ് അഛനും കുടുംബത്തിനും സംശയം. ബാഭാസ്കറിന്റെ ഭാര്യയെ അപകടമുണ്ടാക്കിയവര് അവരുടെ വരുതിയില് ഭീഷണിപ്പെടുത്തി നിര്ത്തുന്നതായും പിതാവ് ആരോപിക്കുന്നു. ബാലുവിന്റെ വീട്ടില് സി സി റ്റി. വി. സ്ഥാപിക്കുകയും അതിന്റെ വിഷ്വലുകള് ബാലുവിന്റെ സ്റ്റാഫിലുള്ള ഒരാളുടെ ഫോണിലെത്തുകയും ചെയ്യുന്നു. ബാലുവിന്റെ ഭാര്യയെ കാണാന് ആരൊക്കെ വരുന്നു എന്നറിയാന് വേണ്ടിയാണത്രേ ഇത്.
അഛന് പരാതി നല്കിയ വിവരം അറിഞ്ഞയുടനെ ബാലഭാസ്കറിന്റെ മാനേജര്മാര് അഛനെതിരെ രംഗത്തെത്തി. അഛന് ഭ്രാന്താണെന്നാണ് അവള് പറഞ്ഞത്. എന്നാല് സത്യസന്ധമായി അന്വേഷിച്ചാല് വാഹനം ഇടിച്ചതല്ല ഇടിപ്പിച്ചതാണെന്ന് മനസിലാവുമെന്ന് പിതാവ് പറയുന്നു.
വാഹനം ഓടിച്ച അര്ജൂന് പാലക്കാട്ടെ ഡോക്ടറുടെ ഭാര്യയുടെ ചേട്ടന്റെ മകനാണ്. അപകടത്തിന് ഏതാനും ദിവസങ്ങള്ക്ക് മുമ്പാണ് ഇയാള് ബാലഭാസ്കറിന്റെ െ്രെഡവറായത്.
പാലക്കാട്ടെ ഡോക്ടറുടെ ആശുപത്രിയില് ബാലഭാസ്കര് കോടികള് മുടക്കിയിട്ടുണ്ട്. കുട്ടികള് ഇല്ലാത്തവര്ക്ക് ചികിത്സ നല്കുന്ന പാലക്കാട്ടെ പ്രമുഖ സ്ഥാപനങ്ങളിലൊന്നാണ് ഇത്. എത്രരൂപ മുടക്കിയിട്ടുണ്ടെന്ന് ബാലഭാസ്കറിന് മാത്രമേ അറിയാവൂ . ഡോക്ടറുടെ ഭാര്യയെ അപകടത്തിന്റെ പിറ്റേന്ന് ബാലുവിന്റെ വീട്ടുകാര് വിരട്ടിവിട്ടതാണ്. എന്നാല് രണ്ട് ദിവസം കഴിഞ്ഞപ്പോള് അവര് തിരിച്ചെത്തി. സാമ്പത്തിക രഹസ്യം പുറത്തറിയാതിരിക്കാന് വേണ്ടിയാണത്രേ ഇതെന്ന് ബന്ധുക്കള് പറയുന്നു . മുടക്കിയ പണത്തിന്റെ കണക്ക് ബാലുവിന്റെ ഭാര്യക്ക് പോലും കൃത്യമായി അറിയില്ലെന്നാണ് വിവരം.
വിവിധ ഇനം കഞ്ഞികള് വില്ക്കുന്ന കട തുടങ്ങാന് 75 ലക്ഷമാണ് മുടക്കിയത്. വിവിധ ഇനം അപ്പങ്ങള് വില്ക്കുന്ന കട തുടങ്ങാന് 50 ലക്ഷം മുടക്കിയത്രേ.
സി പി എം ഉന്നതന്റെ ബന്ധുക്കള്ക്ക് ബാലഭാസ്കറുമായി സാമ്പത്തിക ഇടപാടുണ്ടെന്ന വാര്ത്ത നേരത്തെ പുറത്തു വന്നിരുന്നു. എ. ടി. എം കവര്ച്ച കേസിലെ പ്രതികളെ സഹായിച്ചതിനാണ് അര്ജുന്റെ പേരില് ചെറുതുരുത്തി, ഒറപ്പാലം സ്റ്റേഷനുകളില് കേസുകളുള്ളത്.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
