നടിയെ ആക്രമിച്ച കേസിൽ സംസ്ഥാന സർക്കാർ സത്യവാങ് മൂലത്തിന് മറുപടി നൽകാൻ ഒരാഴ്ച സമയം വേണമെന്ന് ആവശ്യപ്പെട്ട് ദിലീപ്
നടിയെ അക്രമിച്ച കേസില് സര്ക്കാരിന്റെ സത്യവാങ്മൂലത്തിന് മറുപടി നല്കാന് ഒരാഴ്ച സമയം വേണമെന്ന് നടൻ ദിലീപ്. നാളെ പരിഗണിക്കാന് ഇരിക്കുന്ന കേസ് ഒരാഴ്ചത്തേക്ക് മാറ്റി വയ്ക്കണമെന്നവശ്യപ്പെട്ട് ദിലീപ് സുപ്രീം കോടതിയില് അപേക്ഷ നല്കി. കേസിലെ പ്രധാനപ്പെട്ട തെളിവായ മെമ്മറി കാര്ഡിന്റെ പകര്പ്പാവശ്യപ്പെട്ട് ദിലീപ് നല്കിയ ഹര്ജിയിലുള്ള തുടര്വാദമാണ് നാളെ സുപ്രീം കോടതിയുടെ പരിഗണനയ്ക്ക് വരുന്നത്. ദിലീപിന് മെമ്മറി കാര്ഡ് കൈമാറാന് സാധിക്കാത്തതിന്റെ കാരണങ്ങള് വിശദമാക്കി സംസ്ഥാന സര്ക്കാര് ഹര്ജിയില് സത്യവാങ്മൂലം സമര്പ്പിക്കുകയും ചെയ്തിരുന്നു. ഇതിനുള്ള മറുപടി നല്കാന് തനിക്ക് ഒരാഴ്ചത്തെ സമയം വേണമെന്നാണ് ദിലീപ് ഇപ്പോള് ആവശ്യപ്പെട്ടിരിക്കുന്നത്.
കേസില് ദിലീപിന് വേണ്ടി ഹാജരാകുന്ന മുകുള് റോത്തഗിയ്ക്കും നാളെ ഹാജരാകന് അസൗകര്യമുണ്ട്. അതുക്കൊണ്ട് കേസ് ഒരാഴ്ചത്തക്ക് നീട്ടിവെക്കണമെന്നാണ് ദിലീപിന്റെ അപേക്ഷയില് പറയുന്നു. നടിയെ ആക്രമിച്ച കേസിൽ ദൃശ്യങ്ങളുടെ പകർപ്പുള്ള മെമ്മറി കാർഡ് നടൻ ദിലീപിനു നൽകിയാൽ ദുരുപയോഗിക്കപ്പെടുമെന്ന ആശങ്കയുണ്ടെന്ന് സംസ്ഥാന സർക്കാർ കഴിഞ്ഞമാസം സുപ്രീം കോടതിയിൽ നൽകിയ എതിർസത്യവാങ്മൂലത്തിൽ വ്യക്തമാക്കിയിരുന്നു. നടിക്ക് സ്വകാര്യത സംരക്ഷിക്കാനുള്ള ഭരണഘടനാപരമായ അവകാശം മാനിക്കണം. ദൃശ്യങ്ങൾ ദിലീപും അഭിഭാഷകനും 2 തവണ കണ്ടതാണ്. ഇനിയും കാണുന്നതിനു തടസമില്ല.
എന്നാൽ, പകർപ്പ് തൊണ്ടിമുതലാണ്. അത് അവർക്കു നൽകാൻ പാടില്ല. ആദ്യ ഭാര്യ, ആക്രമിക്കപ്പെട്ട നടി, അന്വേഷണ ഉദ്യോഗസ്ഥൻ തുടങ്ങിയവർക്കെതിരെ ദിലീപ് ആരോപണങ്ങൾ ഉന്നയിക്കുന്നത് വിചാരണ വൈകിപ്പിക്കാനാണെന്നും സത്യവാങ്മൂലത്തിൽ സർക്കാർ ആരോപിച്ചിരിക്കുന്നത്. ഹർജി നാളെ പരിഗണിക്കാനിരിക്കെയാണ് ദിലീപിന്റെ പുതിയ അപേക്ഷ.അപേക്ഷ നാളെ ജസ്റ്റിസ് എ എന് ഖാന്വില്ക്കര് അധ്യക്ഷനായ ബെഞ്ച് പരിഗണിക്കാനിരിക്കെയാണ് ദിലീപിന്റെ പുതിയ അപേക്ഷ. കേസില് ഹാജരാകാന് മുതിര്ന്ന അഭിഭാഷകനായ ഹരീന് പി.റാവലിനെ പ്രോസിക്യൂഷന് നിയോഗിച്ചിരുന്നു.
നടിയെ ആക്രമിച്ച കേസില് നിരപരാധിത്വം തെളിയിക്കാൻ വീഡിയോയിലെ സംഭാഷണങ്ങള് ഉപകരിക്കും എന്നായിരുന്നു ദിലീപ് വാദിച്ചിരുന്നത്. കോടതിയില് സമര്പ്പിച്ച ദൃശ്യങ്ങളില് എഡിറ്റിങ് നടന്നിട്ടുണ്ടെന്നും ദിലീപ് വാദിച്ചിരുന്നു. നടിയെ ആക്രമിച്ച് നീലച്ചിത്രം പകര്ത്താനാണ് പ്രതികള് ഉദ്ദേശിച്ചിരുന്നത് എന്നാണ് പ്രോസിക്യൂഷന്റെ വാദം. ഇത് പുറത്ത് വന്നാല് ഇരയ്ക്ക് ആജീവനാന്തം ഭീഷണിയുണ്ടാകുമെന്നും പ്രോസിക്യൂഷൻ കോടതിയിൽ വ്യക്തമാക്കിയിരുന്നു. മെമ്മറി കാർഡ് തൊണ്ടി മുതൽ തന്നെയാണെന്നും തെളിവായി മാത്രം പരിഗണിക്കാവുന്ന ഒന്നല്ലെന്നും വിലയിരുത്തിയാണ് ദിലീപിന്റെ ആവശ്യം അന്ന് ഹൈക്കോടതി തള്ളിയത്. അതിനെതിരെയാണ് ദിലീപ് സുപ്രീം കോടതിയിൽ പോയത്.
https://www.facebook.com/Malayalivartha
