ശക്തമായ കടല്ക്ഷോഭം കാരണം നിരവധി വീടുകള് പൂര്ണമായി തകര്ന്നതിനെ തുടര്ന്ന് ജില്ലയുടെ തീരമേഖലകളില് നിന്ന് 19 കുടുംബങ്ങളെ സുരക്ഷിത കേന്ദ്രങ്ങളിലേക്കു മാറ്റിപാര്പ്പിച്ചു
ശക്തമായ കടല്ക്ഷോഭത്തെ തുടര്ന്ന് ജില്ലയുടെ തീരമേഖലകളില്നിന്ന് 19 കുടുംബങ്ങളെ സുരക്ഷിത കേന്ദ്രങ്ങളിലേക്കു മാറ്റിപാര്പ്പിച്ചു. കടല്ക്ഷോഭം രൂക്ഷമായ വലിയതുറ മേഖലയില് ഒമ്പതു വീടുകള് പൂര്ണമായി തകര്ന്നു. വലിയതുറ ബഡ്സ് യുപി സ്കൂള്, വലിയതുറ ഗവണ്മെന്റ് യുപി സ്കൂള് എന്നിവിടങ്ങളിലാണു ദുരിതാശ്വാസ ക്യാന്പുകള് തുറന്നത്.
ബഡ്സ് യുപി സ്കൂളിലെ ദുരിതാശ്വാസ ക്യാന്പില് എട്ടു കുടുംബങ്ങളിലെ 34 പേരും വലിയതുറ യുപിഎസില് 11 കുടുംബങ്ങളില് നിന്നുള്ള 35 പേരും താമസിക്കുന്നുണ്ട്. ഇവര്ക്ക് ആവശ്യമായ എല്ലാ സൗകര്യങ്ങളും ഇവിടെ ഏര്പ്പെടുത്തിയിട്ടുണ്ടെന്ന് ജില്ലാ കളക്ടര് ഡോ. കെ. വാസുകി പറഞ്ഞു.
തെക്കുകിഴക്കന് ശ്രീലങ്കയോടു ചേര്ന്നുള്ള സമുദ്ര ഭാഗത്ത് ശനിയാഴ്ചയോടെ ന്യൂനമര്ദം രൂപപ്പെടാന് സാധ്യതയുള്ളതിനാല് കേരളാ തീരത്ത് കടല് പ്രക്ഷുബ്ധമാകാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്. ഇതു മുന്നിര്ത്തി കടലില് മത്സ്യബന്ധനത്തിനു പോയിട്ടുള്ള എല്ലാവരും ഇന്ന് പുലര്ച്ചെ തന്നെ മടങ്ങിയെത്തണമെന്നായിരുന്നു അധികൃതരുടെ നിര്ദ്ദേശം. ദുരന്ത നിവാരണ അഥോറിറ്റിയുടെ മുന്നറിയിപ്പുകള് പൊതുജനങ്ങള് കൃത്യമായി പാലിക്കണമെന്നും കളക്ടര് അഭ്യര്ഥിച്ചു.
"
https://www.facebook.com/Malayalivartha