വിദ്യാര്ത്ഥികള്ക്കെതിരെ അച്ചടക്ക നടപടിയെടുത്തു ; സ്കൂളിന് തീയിട്ടു ; പത്തോളം ക്ലാസ് മുറികൾ കത്തി നശിച്ചു
27 APRIL 2019 01:06 PM IST
മലയാളി വാര്ത്ത
മണിപ്പൂരിലെ കാക്ചിങ്ങിലാണ് നാടിനെ നടുക്കിയ ക്രൂര സംഭവം അരങ്ങേറിയത്. ഏറെ പാരമ്പര്യമുള്ള സെന്റ് ജോസഫ് ഹയര് സെക്കന്ഡറി സ്കൂളിനാണ് തീയിട്ടത്. പത്തോളം ക്ലാസ് മുറികൾ കത്തി നശിച്ചു. പ്രധാനപ്പെട്ട നിരവധി രേഖകളും കത്തിനശിച്ചതായി സ്കൂൾ അധികൃതർ അറിയിച്ചു . 1400ലേറെ വിദ്യാര്ത്ഥികളാണ് സ്കൂളില് പഠിക്കുന്നത്.
സാമൂഹ്യമാധ്യമങ്ങള് വഴി അധ്യാപികയെയും സ്കൂളിനെയും അപകീര്ത്തിപ്പെടുത്താന് ശ്രമിച്ചതിനാണ് ആറു വിദ്യാര്ത്ഥികളെ പുറത്താക്കിയത്. എന്നാല്, നടപടിയില് ചില വിദ്യാര്ത്ഥികള്ക്ക് എതിര്പ്പുണ്ടായിരുന്നതായും അവരാണ് അക്രമത്തിന് പിന്നിലെന്ന് സംശയിക്കുന്നതായും മന്ത്രി ലെറ്റ്പാവോ ഹയോകിപ് പറഞ്ഞു. ക്ലാസുകള് ഉടന് പുനര്നിര്മിക്കുമെന്നും അധ്യയന ദിവസങ്ങള് നഷ്ടപ്പെടുത്തില്ലെന്നും മന്ത്രി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
