സി.പി.എമ്മിനെതിരെ വ്യാജ വ്യാര്ത്ത നല്കിയ മലയാളമനോരമ പത്രത്തിനെതിരെ പാര്ട്ടി വക്കീല് നോട്ടീസ് അയച്ചു, പാലക്കാട് ഒറ്റപ്പാലം എര്യാകമ്മിറ്റിയാണ് നോട്ടീസ് അയച്ചിരിക്കുന്നത്
സി.പി.എമ്മിനെതിരെ വ്യാജ വ്യാര്ത്ത നല്കിയ മലയാളമനോരമ പത്രത്തിനെതിരെ പാര്ട്ടി വക്കീല് നോട്ടീസ് അയച്ചു. പാലക്കാട് ഒറ്റപ്പാലം എര്യാകമ്മിറ്റിയാണ് നോട്ടീസ് അയച്ചിരിക്കുന്നത്. ലക്കിടി പേരൂര് പഞ്ചായത്തിലെ തെക്കും ചെറോഡ് ഗ്രാനൈറ്റ് ക്രഷര് യൂണിറ്റ് പാര്ട്ട്ണറും മുസ്്ലിംലീഗ് നേതാവുമായ പി എ ഷൗക്കത്തലി, സിപിഎം ലോക്കല് കമ്മറ്റിയുമായി കരാറുണ്ടാക്കിയെന്നായിരുന്നു മനോരമ നല്കിയ വാര്ത്ത. ഈ കരാറില് നേതാക്കളാരും ഒപ്പിട്ടിട്ടില്ലെന്ന് സി.പി.എം ഏര്യാനേതൃത്വം ചൂണ്ടിക്കാട്ടുന്നു. ഷൗക്കത്തലിയും രണ്ട് ലീഗുകാരുമാണ് ഒപ്പിട്ടിരിക്കുന്നത്. സി.പി.എം ഒപ്പിടുന്ന കരാറുകളിലെല്ലാം കമ്മ്യൂണിസ്റ്റ് പാര് ഓഫ് ഇന്ത്യ മാര്ക്സിസ്റ്റ് എന്നെഴുതും. എന്നാല് പ്രസ്തുത കരാറില് അങ്ങനെ രേഖപ്പെടുത്തിയിട്ടില്ല. മാത്രമല്ല പേരൂര് പഞ്ചായത്ത് പ്രദേശത്ത് സി.പി.എമ്മിന് രണ്ട് ലോക്കല് കമ്മിറ്റികളാണുള്ളത്. അതില് ഏത് കമ്മിറ്റിയുമായാണ് കരാറില് ഒപ്പിട്ടതെന്നും വ്യക്തമാക്കുന്നില്ല. സാക്ഷികളായി ഒപ്പിട്ടിരിക്കുന്ന വി എ ഖാലിദും വി മുഹമ്മദും മുസ്ലിംലീഗ് പ്രവര്ത്തകരാണ്.
വര്ഷങ്ങളായി തുറന്ന് പ്രവര്ത്തിക്കുന്ന ക്വാറിക്കായി ഒരു വര്ഷം മുമ്പ് കരാര് ഒപ്പിട്ടെന്ന് പറയുന്നത് തന്നെ സംശകരമാണെന്ന് പാര്ട്ടി വൃത്തങ്ങള് പറഞ്ഞു. സംഭവം വിവാദമായതിനെ തുടര്ന്ന് മുസ്്ലിംലീഗ് ലക്കിടി പേരൂര് പഞ്ചായത്ത് അംഗവും ക്രഷര് യൂണിറ്റ് ഉടമയുമായ ഷൗക്കത്തലി രാജിവെച്ചു. ക്വാറി പ്രവര്ത്തനം മുടങ്ങാതിരിക്കാനായി എഴുതി നല്കിയ കരാര് ലീഗിന്റെ ഭരണഘടനയ്ക്ക് നിരക്കാത്തതാണെന്ന് മനസിലായതിനാലാണ് മണ്ഡലം ജനറള് സെക്രട്ടറി സ്ഥാനം ഒഴിഞ്ഞതെന്ന് ഷൗക്കത്തലി വ്യക്തമാക്കി. ലീഗ് പ്രദേശിക നേതൃത്വം ഷൗക്കത്ത് അലിയോട് വിശദീകരണം തേടിയിരുന്നു. എന്നാല് അച്ചടക്കനടപടി എടുക്കും മുമ്പ് രാജിവെക്കുകയായിരുന്നു. മനോരമ പത്രത്തിന്റെ പ്രിന്റര് ആന്ഡ് പബ്ലിഷര്, പി എ ഷൗക്കത്തലി തുടങ്ങിയവര്ക്കെതിരെയാണ് സി.പി.എം നോട്ടീസ് അയച്ചിരിക്കുന്നത്.
ക്വാറി ഒരു മാസത്തോളം പൂട്ടിയിടേണ്ടിവന്നതിലാണ് പ്രാദേശിക സിപിഎം നേതാക്കള് ആവശ്യപ്പെട്ടത് അനുസരിച്ച് കരാറില് ഒപ്പിട്ടതെന്ന് പി.എ. ഷൗക്കത്തലിപറഞ്ഞിരുന്നു. ഖനനത്തിനിടെ കല്ലു തെറിച്ചു അടുത്തുള്ള വീടിന് നാശനഷ്ടം ഉണ്ടായതിനെ തുടര്ന്നാണ് സി.പി.എം നിലപാടിന് വഴങ്ങിയതെന്നും അയാള് പറയുന്നു. വീടിന്റെ ഷീറ്റ് മാറ്റിക്കൊടുത്തെങ്കിലും നാട്ടുകാരുടെ ഒപ്പുശേഖരണവും മറ്റും സിപിഎം നേതൃത്വത്തില് നടന്നിരുന്നു. പഞ്ചായത്തിലെ നാലാം വാര്ഡില് താനോ കുടുംബമോ ഇനി സിപിഎമ്മിനെതിരെ മത്സരിക്കില്ലെന്നും ബിജെപിയും ആര്എസ്എസുമായും രാഷ്ട്രീയ ബന്ധം സ്ഥാപിക്കില്ലെന്നും കരാറില് വ്യക്തമാക്കുന്നുണ്ട്. ബിസ്സിനസ്സില് പാര്ട്ടിയെ ബന്ധിപ്പിച്ചതിനെ തുടര്ന്നാണ് ലീഗ് നേതൃത്വം ഷൗക്കത്തലിയോട് വിശദീകരണം തേടിയത്. വിവാദ വാര്ത്ത മനോരമ ഓണ്ലൈനില് നിന്ന് പിന്വലിച്ചിട്ടുണ്ട്.
പാലക്കാട്ട് നിന്ന് മാതൃഭൂമിയും പാര്ട്ടിക്കെതിരെ വ്യാജ വാര്ത്ത നല്കിയെന്ന് മുഖപത്രമായ ദേശാഭിമാനി പറയുന്നു. പട്ടിത്തറ പഞ്ചായത്തില് 20 കോടി മുടക്കി നിര്മിക്കുന്ന ആയൂര്വേദ ടൂറിസം പദ്ധതിക്ക് സി.പി.എം തടസ്സം നില്ക്കുന്നെന്നാണ് മാതൃഭൂമി വാര്ത്ത പ്രസിദ്ധീകരിച്ചത്. പ്രദേശത്തെ സി.പി.എമ്മുകാരുടെ എതിര്പ്പിനെ തുടര്ന്നാണിതെന്നും വാര്ത്തയില് പറയുന്നു. എന്നാല് സാമ്പത്തികം കണ്ടെത്താന് വൈകിയതിനെ തുടര്ന്നാണ് പദ്ധതി താമസിച്ചതെന്നും സര്ക്കാരിന്റെ എല്ലാ പിന്തുണയും ഉണ്ടെന്നും ഉടമ സക്കീര് ഹുസൈന് വ്യക്തമാക്കി. തന്റെ ഭാഗം കേള്ക്കാതെയാണ് മാതൃഭൂമി വാര്ത്ത നല്കിയതെന്നും സക്കീര് ഹുസൈന് അറിയിച്ചതായി ദേശാഭിമാനി പറയുന്നു.
https://www.facebook.com/Malayalivartha
