മുന്മന്ത്രിയുടെ മകനാണെന്ന കാര്യം മറച്ചുവെച്ചു; കുഞ്ഞിനെ കൊലപ്പെടുത്തുമെന്ന് ഭീഷണി മുഴക്കി ; സ്വന്തം ഇമെയില് ഐഡിയില് നിന്നാണ് ബിനോയ് യുവതിക്ക് ടൂറിസ്റ്റ് വിസ അയച്ച് നല്കിയതെന്ന് രേഖകള് വ്യക്തമാക്കുന്നു; ബിനോയിക്കെതിരെ കൂടുതൽ തെളിവ്
ബിനോയ് കോടിയേരിക്കെതിരെ പീഡന പരാതിയില് യുവതി പുതിയ തെളിവുകള് പുറത്തുവിട്ടു. തനിക്കും കുട്ടിക്കും ബിനോയ് വിസ അയച്ചതിന്റെ രേഖകളാണ് യുവതി പുറത്തുവിട്ടത്. സ്വന്തം ഇമെയില് ഐഡിയില് നിന്നാണ് ബിനോയ് യുവതിക്ക് ടൂറിസ്റ്റ് വിസ അയച്ച് നല്കിയതെന്ന് രേഖകള് വ്യക്തമാക്കുന്നു. യുവതിയുടെ ബിസിനസ് മെയില് ഐഡിയിലേക്കാണ് വിസ അയച്ചത്. 2015 ഏപ്രില് 21നാണ് ബിനോയ് വിസ അയച്ച് നല്കിയത്. വിസയ്ക്കൊപ്പം ദുബായ് സന്ദര്ശിക്കാന് വിമാന ടിക്കറ്റുകളും ഇ-മെയില് വഴി അയച്ച് നല്കിയിട്ടുണ്ട്.
കോടിയേരി ബാലകൃഷ്ണന് മുന് മന്ത്രിയാണെന്ന വിവരം മുന്കൂര് ജാമ്യാപേക്ഷയില് പ്രതി മറച്ചുവച്ചുവെന്നും യുവതി ആരോപിക്കുന്നു. ബിനോയ് ദുബായില് പ്രതിയായ ക്രിമിനല് കേസുകളുടെ വിവരവും അപേക്ഷയില് മറച്ചുവെച്ചെന്നും യുവതി കോടതിയെ അറിയിച്ചു. മകനെ തട്ടിക്കൊണ്ട് പോകുമെന്നും കൊലപ്പെടുത്തുമെന്നും ഭീഷണിപ്പെടുത്തിയ ബിനോയ്ക്ക് മുന്കൂര് ജാമ്യം നല്കരുതെന്നും യുവതി ആവശ്യപ്പെട്ടു.
അതേസമയം ബിഹാര് സ്വദേശിനിയായ യുവതിയുടെ പരാതിയില് ബിനോയി കോടിയേരിയെ തിങ്കളാഴ്ച വരെ അറസ്റ്റ് ചെയ്യരുതെന്ന് മുംബൈ കോടതി നിർദ്ദേശിച്ചു. ദിന്ദോഷി കോടതിയാണ് ബിനോയിയുടെ അറസ്റ്റ് തടഞ്ഞത്. ബിനോയിയുടെ മുന്കൂര് ജാമ്യാപേക്ഷയും കോടതി തിങ്കളാഴ്ച പരിഗണിക്കും.
കോടതി നടപടികള് ആരംഭിച്ചപ്പോള് യുവതിക്കായി പ്രത്യേക അഭിഭാഷകന്ഹാജരായി. വാദങ്ങള് അവതരിപ്പിക്കാന് അനുവദിക്കണമെന്ന് കോടതിയില് അപേക്ഷ നല്കി. എന്നാല് ഇതിനെ ബിനോയ് കോടിയേരിയുടെ അഭിഭാഷകന് എതിര്ത്തു. കേസ് നീട്ടിക്കൊണ്ട് പോകാനുള്ള തന്ത്രമാണ് ഇതെന്നാണ് ബിനോയിയുടെ അഭിഭാഷകന് ആരോപിച്ചത്. ഇക്കാര്യത്തില് കോടതിയില് തര്ക്കം നടന്നപ്പോളാണ് കേസില് എല്ലാവരുടെയും വാദം കേള്ക്കാന് കോടതി സന്നദ്ദമാണെന്ന് പറഞ്ഞുകൊണ്ട് വാദങ്ങള് എഴുതി നല്കാന് കോടതി യുവതിയുടെ അഭിഭാഷകനോട് നിര്ദ്ദേശിച്ചത്. നിരവധി തെളിവുകള് തങ്ങളുടെ പക്കല് ഉണ്ടെന്നാണ് അഭിഭാഷകന് പറഞ്ഞത്.
പ്രോസിക്യൂഷനെ അവിശ്വസിക്കുന്നില്ല, പ്രോസിക്യൂഷനെ സഹായിക്കാന് കൂടുതല് തെളിവുകള് ഹാജരാക്കാന് അനുവദിക്കണമെന്ന് അഭിഭാഷകന് കോടതിയില് അഭ്യര്ഥിച്ചു. ഇതോടെയാണ് വാദങ്ങള് എഴുതി നല്കാം പക്ഷെ വാദം നടത്താനാകില്ലെന്ന് കോടതി പറഞ്ഞത്. എഴുതി നല്കിയ വാദങ്ങള് പരിശോധിക്കേണ്ടതുള്ളതിനാല് തിങ്കളാഴ്ചത്തേക്ക് മാറ്റിവെക്കുകയാണ് കോടതി ചെയ്തത്. കേസില് വിധി വരുന്നതുവരെ ബിനോയ് കോടിയേരിയെ അറസ്റ്റ് ചെയ്യരുതെന്നും കോടതി നിര്ദ്ദേശിച്ചു.
ബിഹാർ സ്വദേശിനിയാണ് ബിനോയിക്കെതിരെ ലൈംഗിക ചൂഷണ പരാതി നൽകിയത്. വിവാഹവാഗ്ദാനം നൽകി വർഷങ്ങളോളം ലൈംഗിക ചൂഷണം നടത്തിയെന്നും ഈ ബന്ധത്തിൽ എട്ടുവയസള്ള കുട്ടിയുണ്ടെന്നും യുവതി ആരോപിച്ചിട്ടുണ്ട്. എന്നാൽ, തനിക്കെതിരെ യുവതി നൽകിയ പരാതി തള്ളി ബിനോയ് രംഗത്തെത്തിയിരുന്നു. തന്നെ ബ്ലാക്ക്മെയിൽ ചെയ്യാനുള്ള ശ്രമമാണ് കേസെന്നും ബിനോയ് പറഞ്ഞിരുന്നു.
https://www.facebook.com/Malayalivartha
