അഖിലിനെ കുത്തിയത് ശിവരഞ്ജിത് തന്നെ,യൂണിവേഴ്‍സിറ്റി കോളേജിലെ എസ്എഫ്ഐ യൂണിറ്റ് പ്രസിഡന്‍റ് ശിവരഞ്ജിത്ത് തന്നെയാണെന്ന് അഖിൽ പോലീസിന് മൊഴി നൽകി .. നസീം തന്നെ പിടിച്ചു വെച്ചു ശിവരഞ്ജിത് നെഞ്ചിൽ കുത്തി. യൂണിറ്റ് കമ്മിറ്റീ അംഗങ്ങളുടെ നിർദ്ദേശങ്ങൾ അനുസരിക്കാത്തത്തിന്റെ പ്രകോപനത്തിലാണ് തന്നെ കുത്തിയത് എന്ന് അഖിൽ പോലിസിനു നൽകിയ മൊഴിയിൽ പറയുന്നു .യൂണിവേഴ്‌സിറ്റി കോളേജ് വധശ്രമക്കേസില്‍ പരിക്കേറ്റ അഖിലിന്റെ ആരോഗ്യനില മെച്ചപ്പെട്ട സാഹചര്യത്തിലാണ് അന്വേഷണ സംഘം മൊഴിയെടുത്തത്. കേസില്‍ ദ്യക്‌സാക്ഷികളുടെ അടക്കം മൊഴിയുടെ അടിസ്ഥാനത്തില്‍ അറസ്റ്റിലായ ആറു പേരുള്‍പ്പടെ 16 പേര്‍ക്കെതിരെയാണ് നിലവില്‍ അന്വേഷണം നടക്കുന്നത്. അഖിലിന്റെ മൊഴി വിശദമായി പരിശോധിച്ച ശേഷം കേസില്‍ കൂടുതല്‍ പ്രതികളുണ്ടോയെന്ന് കണ്ടെത്താനാണ് അന്വേഷണ സംഘത്തിന്റെ തീരുമാനം. രാവിലെ മെഡിക്കല്‍ കോളേജ് ആശുപത്രിയിലെ തൊറാസിക് ഐസിയു റൂമില്‍ വെച്ചാണ് അഖിലിന്റെ മൊഴി രേഖപ്പെടുത്തിയത്.

മുഖ്യപ്രതികളായ ശിവരഞ്ജിത്തിന്റെയും, നസീമിന്റെയും കസ്റ്റഡി അപേക്ഷ രാവിലെ കോടതി പരിഗണിച്ചെങ്കിലും അന്വേഷണ ഉദ്യോഗസ്ഥന്‍ എത്താത്തതിനെ തുടര്‍ന്ന് മാറ്റി വെച്ചു. കസ്റ്റഡിയില്‍ വാങ്ങിയ ശേഷം വിശദമായി ചോദ്യം ചെയ്ത് ,യൂണിവേഴ്‌സിറ്റി കോളേജിലെത്തിച്ച് തെളിവെടുപ്പ് നടത്താനാണ് പൊലീസ് നീക്കം. പ്രതികളുപയോഗിച്ച ആയുധവും കണ്ടെത്തേണ്ടതുണ്ട്. അതേസമയം ആക്രമണത്തിനിരയായ വക്തിയും അക്രമിച്ചയാളും എസ് എഫ് ഐ ക്കാർ ,യൂണിവേഴ്സിറ്റി കോളേജിലെ വിദ്യാർത്ഥികൾ .സിപിഎം ന്റെ ഉൾപാർട്ടി പോര് പോഷക സംഘടനായായ എസ് എഫ് ഐ യിലും ഉണ്ടെന്നതിന്റെ തെളിവാണ് യൂണിവേഴ്സിറ്റി കോളേജിൽ നടന്ന സംഘർഷം ചൂണ്ടി കാണിക്കുന്നത്. അഖിലിനെ കൊല്ലാനായി ബോധപൂർവം കുത്തിയതായാണ് എഫ് ഐ ആറിൽ പറയുന്നത്. അഖിലിനെ കുത്തിയത് പെട്ടെന്നുള്ള പ്രകോപനത്തിലാണെന്ന് ശിവരഞ്ജിത്തും നസീമും പോലീസിനോട് പറഞ്ഞിരുന്നു . സംഘർഷത്തിന് കാരണം അഖിലു സംഘവുമാണെന്നും പ്രതികൾ നേരത്തെ പറഞ്ഞു.അതേസമയം യൂണിവേഴ്‌സിറ്റി കോളേജ് സംഘർഷവുമായി ബന്ധപ്പെട്ട് മുഖ്യ പ്രതികളായ ഇവരെ കോളേജിൽ നിന്ന് സസ്‌പെൻഡ് ചെയ്തിരുന്നു . അനിശ്ചിതകാലത്തേക്കാണ് വിദ്യാർത്ഥികളെ സസ്‌പെൻഡ് ചെയ്തിരിക്കുന്നത്.