പ്ലാസ്റ്റിക് സഞ്ചിയില്‍ പൊതിഞ്ഞ് കുറ്റിക്കാട്ടില്‍ ഒളിപ്പിച്ചു വച്ചിരുന്ന നാടന്‍ ബോംബ് കടിച്ചെടുത്ത രണ്ടു നായകളുടെ തല ചിതറിത്തെറിച്ചു. ബുധനാഴ്ച ഉച്ചയ്ക്ക് ചുണ്ട-അമ്മാറമ്ബ് കോളനി റോഡിനു സമീപമാണ് സംഭവം. റബ്ബര്‍ തോട്ടത്തിലേക്ക് പോകുകയായിരുന്ന യുവാവിന്റെ കൂടെപ്പോയ രണ്ടു നായകളാണ് ബോംബുപൊട്ടി ചത്തത്. വിവരമറിഞ്ഞതിനെ തുടര്‍ന്ന് പോലീസും ബോംബ് സ്‌ക്വാര്‍ഡും സ്ഥലത്തെത്തി. സംഭവസ്ഥലത്തു നിന്നും കണ്ടെടുത്ത ഒരു ബോംബ് നിര്‍വീര്യമാക്കി. നായയുടെ തല ഉടലില്‍ നിന്നും വേര്‍പ്പെട്ട് പത്തു മീറ്റര്‍ അകലെ തെറിച്ചുവീണു. ശബ്ദം കേട്ട് സംഭവസ്ഥലത്തേക്ക് നാട്ടുകാര്‍ ഓടിയെത്തി. നാട്ടുകാര്‍ നോക്കിനില്‍ക്കെയാണ് രണ്ടാമത്തെ നായ മറ്റൊരു പൊതി കടിച്ചെടുക്കുന്നതും വായില്‍നിന്ന് ബോബ് പൊട്ടുന്നതും കണ്ടത്.