കര്‍ണാടകയിലെ മൈസൂരുവില്‍ 16 കാരനായ വിദ്യാര്‍ഥിയുടെ മുഖത്ത് അധ്യാപകന്‍ ഇടിച്ചതിനെ തുടര്‍ന്ന് കണ്ണില്‍ രക്തം കട്ടപിടിച്ചെന്ന് പരാതി. സംഭവത്തെ തുടര്‍ന്ന് വിദ്യാര്‍ഥിയുടെ പിതാവ് പൊലീസ് സ്‌റ്റേഷനിലെത്തി പരാതി നല്‍കുകയും അധ്യാപകനെതിരെ ശക്തമായ നിയമനടപടി ആവശ്യപ്പെടുകയും ചെയ്തു. മൈസൂരു പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

റെഹാന്‍ ഷെരീഫ് എന്ന വിദ്യാര്‍ഥിയാണ് ആക്രമണത്തിന് ഇരയായത്. വിദ്യാര്‍ഥി അപകടനില തരണം ചെയ്‌തെന്ന് ആശുപത്രി അധികൃതര്‍ അറിയിച്ചു. മുഖത്ത് ഇടിച്ച വിവരം ആരോടെങ്കിലും പറഞ്ഞാന്‍ ടിസി നല്‍കി സ്‌കൂളില്‍ നിന്ന് പുറത്താക്കുമെന്ന് അധ്യാപകന്‍ ഭീഷണിപ്പെടുത്തിയെന്നും പരാതിയില്‍ പറയുന്നു.