കേരളം ഇപ്പോൾ  കലിതുള്ളിയ കാലവർഷതെ കാണുമ്പോൾ ,കടന്നു പോയ പ്രളയത്തെ ഭയത്തോടെ ഓർത്തു പോകുന്നു, 2018ലെ മഹാപ്രളയം കേരളത്തെ ഒന്നാകെ മുക്കികളഞ്ഞു.അത്ര പെട്ടെന്ന് ഒന്നും  കഴിഞ്ഞു പോയ വർഷതെ നമ്മുക്ക് മറക്കാൻ സാധിക്കില്ല , എന്നിരുന്നാലും ആ ദുരന്ത പ്രളയത്തെ കേരളം ഒരുമിച്ച് അതിജീവിച്ചു.  മുഖ്യമന്ത്രി പിണറായി വിജയൻ ജില്ലാ കളക്ടർമാരുടെയും ഭരണ സംവിധാനങ്ങളുടെയും കേന്ദ്ര സേനകളുടെയും സന്നദ്ധ സംഘടനകളുടെയും നാട്ടുകാരുടെയും മൽസ്യ തൊഴിലാളികളുടെയും സോഷ്യൽ മീഡിയയുടെയും സഹായത്തോടെ രക്ഷാ പ്രവർത്തങ്ങൾ ഏകോപിച്ചു ദുരന്തത്തെ നേരിട്ടത് പ്രധാനമന്ത്രി നരേന്ദ്ര മോദിയുടെ പോലും അഭിനന്ദനം നേടി. 

സാമൂഹ്യമാധ്യമങ്ങളിലൂടെ ലോകം കൈകോർത്ത്  അതിജീവനത്തിനായി ഒരുമിച്ചു പൊരുതി.കേരളത്തെ രക്ഷിക്കുക എന്ന ഒറ്റ ലക്ഷ്യത്തിനായി. ഫോണും  കൈയിലേന്തി കുനിഞ്ഞു നടക്കുന്ന ഇന്നത്തെ യുവതലമുറയെ ക്രൂരമായി വിമർശിച്ചവർ സമൂഹമാധ്യമങ്ങളിലൂടെ കേരളത്തെ രക്ഷിക്കാൻ അവർ നടത്തിയ പോരാട്ടത്തെ കൈയടിച്ച് അഭിനന്ദിച്ചു. കേരളം ഇപ്പോൾ ഏറെ ഭയക്കുന്ന സാഹചര്യത്തിൽ ,കനത്ത മഴയെ തുടർന്ന് വിറങ്ങലിച്ചു നിൽക്കുന്ന ഈ അവസ്ഥയിലും സമൂഹമാധ്യമങ്ങൾ പ്രതേകിച്ച്  ഫേസ്ബുക്ക് വീണ്ടും ഓൺലൈൻ കണ്ട്രോൾ റൂമുകൾ ആവുന്നു  എന്നത് ആശ്വാസത്തിന് വകയാണ് ,അതേസമയം പല വ്യാജവാർത്തകളും സമൂഹ മാധ്യമങ്ങളിൽ പ്രചരിക്കുന്നുമുണ്ട്. 

കേരളം ഒറ്റകെട്ടായി പ്രളയത്തെ അതിജീവിച്ചത് പോലെ ഈ മഴ കെടുതിയെ ഒറ്റകേടായി നേരിടാൻ സജ്ജരാണ് ഓരോരുത്തരും ,സജ്ജരാകുകയാണ് കണ്ട്രോൾ റൂം ആയി പ്രവർത്തിക്കുന്ന ഫേസ്ബുക്ക് അടക്കമുള്ള സമൂഹമാധ്യമങ്ങൾ. കനത്ത മഴയേത്തുടര്‍ന്ന് സംസ്ഥാനത്തെ ചില ഡാമുകളുടെ ഷട്ടറുകള്‍ തുറന്നു. പൊതുജനങ്ങള്‍ ജാഗ്രത പാലിക്കണമെന്ന് കേരള സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നല്‍കി.പെരിങ്ങല്‍ക്കുത്ത്, മംഗലം, കുണ്ടല, കാഞ്ഞിരംപുഴ ഡാമുകളും മണിയാര്‍ തടയണയുമാണ് തുറന്നതെന്ന് അതോറിറ്റി ഫെയ്‌സ്ബുക്ക് വഴി അറിയിച്ചിട്ടുണ്ട് . 

കോഴിക്കോട് ജില്ലയിലെ കുറ്റ്യാടി ഡാമിന്റെ ഷട്ടറുകള്‍ തുറന്നു. കുറ്റ്യാടിപ്പുഴയുടെ തീരത്തുള്ളവര്‍ക്ക് ജാഗ്രതാ നിര്‍ദേശമുണ്ട്. അതേസമയം കോഴിക്കോട് ജില്ലയില്‍ ചാലിയാറും ഇരുവഞ്ഞിപ്പുഴയും കരകവിഞ്ഞൊഴുകുകയാണ്. പത്തനംതിട്ട ജില്ലയില്‍ പമ്പാനദിയും പലയിടത്തും കരകവിഞ്ഞൊഴുകയാണ്. മൂഴിയാര്‍ ഡാമിന്റെ ഷട്ടറുകള്‍ വെള്ളിയാഴ്ച രാവിലെ തുറക്കുമെന്ന് അറിയിച്ചിട്ടുണ്ട്. അതേസമയം ഇടുക്കി ജില്ലയിലെ കല്ലാര്‍കുട്ടി, പാംബ്ല, മലങ്കര ഡാമുകള്‍ നേരത്തേ തുറന്നിരുന്നു.