കേരളത്തെ കണ്ണീരിലാഴ്ത്തി മഴക്കെടുതികള്‍ തുടരുന്നു. ഇന്ന് സംസ്ഥാനത്ത് പൊലിഞ്ഞത് ആറു ജീവനുകളാണ്. ഇതോടെ സംസ്ഥാനത്തെ കാലവര്‍ഷക്കെടുതിയില്‍ മരിച്ചവരുടെ എണ്ണം പതിനഞ്ചായി. മലപ്പുറം എടവണ്ണ കുണ്ടുതോടില്‍ വീട് തകര്‍ന്ന് നാലു മരിച്ചു. കുണ്ടുതോട് സ്വദേശി ഉനൈസ്, സന, നുസ്രത്ത്, ശനില്‍ എന്നിവരാണ് മരിച്ചത്.
കുറ്റിയാടിയില്‍ ഒഴുക്കില്‍പ്പെട്ട് രണ്ടുപേര്‍ മരിച്ചു. മാക്കൂര്‍, മുഹമ്മദ് ഹാജി, ഷരീഫ് സഖാഫി എന്നിവരാണ് മരിച്ചത്. വയനാട് മേപ്പാടി മേഖലയില്‍ സ്ഥിതി അതീവഗുരുതരമാണ്. മേപ്പാടി ചൂരല്‍മല പുത്തുമലയില്‍ ആറിടത്ത് ഉരുള്‍പൊട്ടലുണ്ടായി. എസ്‌റ്റേറ്റ് ക്വാര്‍ട്ടേഴ്‌സും കന്റീനും മണ്ണിനടയിലാണ്.
ഇവിടെ റോഡുകളും പാലങ്ങളും തകര്‍ന്നത് രക്ഷാപ്രവര്‍ത്തനത്തെ പ്രതീകൂലമായി ബാധിക്കുന്നുണ്ട്.