പാലക്കാട് അതിശക്തമായ മഴ തുടരുന്നു. പൂഞ്ചോല, മൂന്നേക്കര്‍, പാലക്കയം അച്ചിലട്ടി, മംഗലം ഡാം, പാലക്കുഴി എന്നിവിടങ്ങളില്‍ ഉരുള്‍പൊട്ടലുണ്ടായതായി റിപ്പോര്‍ട്ട്. പാലക്കാട് നഗരത്തില്‍ വെള്ളം കയറി വാഹന ഗതാഗതം തടസപ്പെട്ടു. കല്‍പ്പാത്തി പുഴയോരത്തുള്ള വീടുകളെല്ലാം വെള്ളത്തിനടിയിലായി.

പുത്തൂര്‍, ശംഖുവാരത്തോട് മേഖലകളിലെല്ലാം വീടുകളില്‍ വെള്ളം കയറി. അട്ടപ്പാടി പുറംലോകവുമായി ബന്ധമില്ലാത്ത അവസ്ഥയിലാണ്. മണ്ണിടിച്ചിലും മരം വീണുമാണ് അട്ടപ്പാടി ഒറ്റപ്പെട്ടത്. വൈദ്യുതി ബന്ധവുമില്ല. ഭവാനി, ശിരുവാണി പുഴകള്‍ കരകവിഞ്ഞൊഴുകുകുകയാണ്.