ഹരിപ്പാട്, കരുവാറ്റ, വീയപുരം, ചെറുതന, പള്ളിപ്പാട് പ്രദേശങ്ങളിലുള്ളവര് ജാഗ്രത പാലിക്കണമെന്നും വെള്ളം ഉയരാന് സാധ്യതയുള്ള പ്രദേശത്ത് താമസിക്കുന്നവര് പ്രധാനപ്പെട്ട രേഖകള്, അവശ്യ വസ്തുക്കള് എന്നിവ പ്രത്യേക കിറ്റുകളിലാക്കി സൂക്ഷിക്കണം എന്നും അറിയിപ്പുണ്ട്
അച്ചന്കോവിലാറില് ജലനിരപ്പ് ഉയരുന്നു. ഈ സാഹചര്യത്തില് ജനങ്ങള് ജാഗ്രത പാലിക്കണമെന്ന് ആലപ്പുഴ ജില്ലാ കലക്ടര് ഡോ.അദീല അബ്ദുള്ള അറിയിച്ചു. അച്ചന്കോവിലാറിന്റെ സമീപത്തുള്ളവര് വേണ്ട സുരക്ഷാ മുന്കരുതലുകള് സ്വീകരിക്കണമെന്നും കലക്ടര് അറിയിച്ചു.
ഹരിപ്പാട്, കരുവാറ്റ, വീയപുരം, ചെറുതന, പള്ളിപ്പാട് പ്രദേശങ്ങളിലുള്ളവര് ജാഗ്രത പാലിക്കണമെന്നും വെള്ളം ഉയരാന് സാധ്യതയുള്ള പ്രദേശത്ത് താമസിക്കുന്നവര് പ്രധാനപ്പെട്ട രേഖകള്, അവശ്യ വസ്തുക്കള് എന്നിവ പ്രത്യേക കിറ്റുകളിലാക്കി സൂക്ഷിക്കണം എന്നും അറിയിപ്പുണ്ട് . ഇത്തരം കിറ്റുകള് വീടിന്റെ ഏറ്റവും ഉയര്ന്ന ഭാഗങ്ങളില് സൂക്ഷിക്കാന് ശ്രമിക്കണമെന്നും കലക്ടര് നിര്ദ്ദേശിച്ചു.
സംസ്ഥാനത്ത് അടുത്ത മൂന്ന് മണിക്കൂറില് ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രം നല്കുന്ന മുന്നറിയിപ്പ്. മണിക്കൂറില് 50 മീറ്റര് വേഗതയില് കാറ്റ് വീശുമെന്നും മുന്നറിയിപ്പില് പറയുന്നു. കാലവര്ഷക്കെടുതിയില് ഇതുവരെ 44 പേരാണ് കേരളത്തില് മരണമടഞ്ഞത്. അടുത്ത 24 മണിക്കൂര് കേരളത്തില് ശക്തമായ മഴ തുടരുമെന്ന് കഴിഞ്ഞ ദിവസം കാലാവസ്ഥാ നിരീക്ഷണ കേന്ദ്രവും മുന്നറിയിപ്പ് നല്കിയിരുന്നു.
വയനാട്,മലപ്പുറം, ഇടുക്കി, പാലക്കാട്, കണ്ണൂര്, എറണാകുളം, ഇടുക്കി ജില്ലകളില് ശനിയാഴ്ചയും റെഡ് അലര്ട്ട് നിലവിലുണ്ട്.
https://www.facebook.com/Malayalivartha
