മുഖ്യമന്ത്രിയുടെ വാക്കുകളില് ഉറച്ച വിശ്വാസം; ഇനിയൊരു കുഞ്ഞിനും ഇങ്ങനെ സംഭവിക്കരുത്; ഒരു അച്ഛനും അമ്മയ്ക്കും ഇത്തരത്തില് നീതിക്കായി കാത്തിരിക്കേണ്ടി വരരുത്; വാളയാര് കേസില് സി.ബി.ഐ അന്വേഷണം വേണമെന്ന് ആവശ്യപ്പെട്ട തങ്ങളോട് മുഖ്യമന്ത്രി അനുകൂലമായി പ്രതികരിച്ചതായി പെണ്കുട്ടികളുടെ മാതാപിതാക്കള്
മുഖ്യമന്ത്രി പിണറായി വിജയൻ നല്കിയ വാക്കില് തങ്ങള്ക്ക് ഉറച്ച വിശ്വാസമുണ്ടെന്ന് വാളയാര് പെൺകുട്ടികളുടെ മാതാപിതാക്കൾ. വാളയാര് കേസില് സി.ബി.ഐ അന്വേഷണം വേണമെന്ന് ആവശ്യപ്പെട്ട തങ്ങളോട് മുഖ്യമന്ത്രി അനുകൂലമായി പ്രതികരിച്ചതായി പെണ്കുട്ടികളുടെ മാതാപിതാക്കള് പ്രതികരിച്ചു. മുഖ്യമന്ത്രിയുമായി നടത്തിയ കൂടിക്കാഴ്ചയ്ക്ക് ശേഷം കുട്ടികളുടെ മാതാപിതാക്കൾ മാധ്യമണങ്ങളെ അറിയിക്കുകയായിരുന്നു ഇക്കാര്യം.
കൂടിക്കാഴ്ചയില് കേസ് സി.ബി.ഐയെ കൊണ്ട് അന്വേഷിക്കണമെന്നാണ് തങ്ങള് മുഖ്യമന്ത്രിയോട് അവശ്യപ്പെട്ടതെന്നും അതിനുവേണ്ട എല്ലാ സൗകര്യങ്ങളും ചെയ്തുതരാമെന്ന് മുഖ്യമന്ത്രി വാക്ക് നല്കിയതായി മാതാപിതാക്കൾ പറഞ്ഞു. ഇനിയൊരു കുഞ്ഞിനും ഇങ്ങനെ സംഭവിക്കരുത്. ഒരു അച്ഛനും അമ്മയ്ക്കും ഇത്തരത്തിത്തില് നീതിക്കായി കാത്തിരിക്കേണ്ടി വരരുത്. ഞങ്ങളുടെ കുട്ടികള്ക്ക് നീതി ലഭിക്കണം. അന്വേഷണത്തില് വീഴ്ച വരുത്തിയ ഉദ്യോഗസ്ഥര്ക്കെതിരെ നടപടി വേണം. ഈ ആവശ്യങ്ങളാണ് തങ്ങള് മുഖ്യമന്ത്രിക്ക് ഉന്നയിച്ചതെന്ന് ഇവര് പറഞ്ഞു. കെ.പി.എം.എസ് ജനറല് സെക്രട്ടറി പുന്നല ശ്രീകുമാറിനൊപ്പമാണ് പെണ്കുട്ടികളുടെ മാതാപിതാക്കള് മുഖ്യമന്ത്രിയെ കണ്ടത്. സംഭവത്തില് സി.ബി.ഐ അന്വേഷണം വേണമെന്ന ആവശ്യവുമായി മാതാപിതാക്കള് കോടതിയെ സമീപിച്ചാല് എതിര്ക്കില്ലെന്ന് മുഖ്യമന്ത്രി ഉറപ്പ് നല്കിയതായി പുന്നല ശ്രീകുമാര് പറഞ്ഞു.
https://www.facebook.com/Malayalivartha
