മല്സ്യത്തൊഴിലാളികള്ക്കുള്ള ജാഗ്രത നിര്ദേശം
ഇന്ന് മുതല് മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് 60 കിലോമീറ്റര് വേഗതയിലും ശക്തമായ കാറ്റ് വീശാന് സാധ്യതയുള്ളതിനാല് ആന്ഡമാന് ദ്വീപ്, വടക്ക് ആന്ഡമാന് കടല് അതിനോട് ചേര്ന്നുള്ള തെക്ക് കിഴക്കന് മധ്യകിഴക്കന് ബംഗാള് ഉള്ക്കടല് പ്രദേശങ്ങളില് മത്സ്യത്തൊഴിലാളികള് മത്സ്യബന്ധനത്തിന് പോകരുതെന്ന് മുന്നറിയിപ്പ്. നാളെ മണിക്കൂറില് 50 മുതല് 60 കിലോമീറ്റര് വേഗതയിലും ചില അവസരങ്ങളില് 70 കിലോമീറ്റര് വേഗതയിലും ശക്തമായ കാറ്റ് വീശാന് സാധ്യതയുള്ള മധ്യകിഴക്ക് ബംഗാള് ഉള്ക്കടലിലും വ്യാഴാഴ്ച മധ്യ ബംഗാള് ഉള്ക്കടലില് മണിക്കൂറില് 80 മുതല് 90 കിലോമീറ്റര് വേഗതയിലും ചില അവസരങ്ങളില് 100 കി.മി. വേഗതയിലും ശക്തമായ കാറ്റ് വീശാന് സാധ്യതയുണ്ട്.
അടുത്ത 36 മണിക്കൂറിലേക്ക് വടക്ക് ആന്ഡമാന് കടലിലേക്കുള്ള മത്സ്യബന്ധനം പൂര്ണ്ണമായും നിരോധിച്ചിരിക്കുന്നു. നാളെ വരെ തെക്ക് കിഴക്ക്, മധ്യ കിഴക്ക് ബംഗാള് ഉള്ക്കടലിലേക്കുള്ള മത്സ്യബന്ധനം പൂര്ണ്ണമായും നിരോധിച്ചിരിക്കുന്നു. നാളെയും മറ്റന്നാളും മധ്യ കിഴക്ക് ബംഗാള് ഉള്ക്കടല്, മറ്റന്നാള് മുതല് 9 വരെ മധ്യകിഴക്ക്, മധ്യപടിഞ്ഞാറ് ബംഗാള് ഉള്ക്കടല് എട്ട് മുതല് വടക്കന് ബംഗാള് ഉള്ക്കടലും ഒഡീഷ പശ്ചിമ ബംഗാള് തീരങ്ങള് പ്രദേശങ്ങളില് മത്സ്യ തൊഴിലാളികള് കടലില് പോകരുതെന്ന് നിര്ദ്ദേശിക്കുന്നു.
https://www.facebook.com/Malayalivartha
