കെ.എസ്.ആര്‍.ടി.സി. ബസ് നിയന്ത്രണം വിട്ടു. മതില്‍ ഇടിച്ചുതകര്‍ത്ത് പാഞ്ഞുകയറിയത് വീട്ടിലേക്ക്. കൊവ്വല്‍പ്പള്ളിയില്‍ വെച്ചായിരുന്നു സംഭവം നടന്നത്. തിങ്കളാഴ്ച പുലര്‍ച്ചെ 4.50-ഓടെ നടന്ന അപകടത്തിൽ നിരവധിപേര്‍ക്ക് പരുക്ക് പറ്റി . കോട്ടയത്ത് നിന്നും പാണത്തൂരിലേക്ക് വരികയായിരുന്നു ബസ്. സൂപ്പര്‍ ഫാസ്റ്റ് ബസ്സായിരുന്നു. ബസ് സമീപത്തെ ഹൈദര്‍ ഹാജിയുടെ വീടിൻറെ മതില്‍ തകര്‍ത്ത് തെങ്ങിലിടിച്ചു നിൽക്കുകയായിരുന്നു.

കണ്ടക്ടര്‍ക്ക് പരിക്കേറ്റു. കണ്ടക്ടര്‍ ചിറ്റാരിക്കാലിലെ മജോ മാത്യുവി(46)നെ മംഗളൂരുവിലെ മെഡിക്കല്‍ കോളേജ് ആസ്പത്രിയിൽ പ്രവേശിപ്പിച്ചു. ഡ്രൈവര്‍ കോളിച്ചാലിലെ കെ.കെ.സാബുവി(48)നെ ജില്ലാ ആസ്പത്രിയിൽ പ്രവേശിപ്പിച്ചു. ബസ്സിലുണ്ടായിരുന്ന നാല്‍പ്പതോളം യാത്രക്കാര്‍ക്കും പരുക്കേറ്റിരുന്നു എന്നാൽ . ആരുടെയും പരുക്ക് ഗുരുതരമല്ല എന്നത് ആശ്വാസകരമാണ് .