ഇടഞ്ഞോടിയ ആനയുടെ ആക്രമണത്തില്‍ പാപ്പാന്‍ കൊല്ലപ്പെട്ടു. കോട്ടയം ചെങ്ങളത്ത് ആണ് ആനയുടെ ആക്രമണത്തിൽ പാപ്പാൻ മരണമടഞ്ഞത് . ഒന്നാം പാപ്പാനായ വിക്രം (26) ആണ് ദുരന്തത്തിൽ കൊല്ലപ്പെട്ടത് തിരുനക്കര മഹാദേവ ക്ഷേത്രത്തിലെ തിരുനക്കര ശിവന്‍ എന്ന ആനയാണ് ഇടഞ്ഞത്. ആനയുടെ ഒന്നാം പാപ്പാന്‍ വിക്രമാണ് കൊല്ലപ്പെട്ടത്. മഹാദേവ ക്ഷേത്രത്തിലെ അൽപശി ഉത്സവത്തിന്റെ ആറാട്ട് എഴുന്നള്ളത്തിന് ശേഷം ആനയെ ചെങ്ങളത്ത് കാവിൽ തളയ്ക്കാനായി കൊണ്ടു വരുന്നതിനിടെ ഇല്ലിക്കൽ ആമ്പക്കുഴി ഭാഗത്ത് വച്ച് ആന ഇടയുകയായിരുന്നു. വഴിയിൽ കണ്ട സ്വകാര്യ ബസിന് നേരെയും ആനയുടെ ആക്രമണമുണ്ടായി.

സ്വകാര്യ ബസിന് നേരെയും ആനയുടെ ആക്രമണമുണ്ടായി. ബസിന്റെ മുന്നിലെ ചില്ല് പൂര്‍ണമായും തകര്‍ത്തു. തുടര്‍ന്നും ആന ഇടയുകയായിരുന്നു. ആനയെ തളയ്ക്കാന്‍ ആനപ്പുറത്ത് നിന്ന് ചങ്ങലയില്‍ തൂങ്ങി താഴേയ്ക്ക് ഇറങ്ങുന്നതിനിടെ സമീപത്തെ ഇലക്ട്രിക് പോസ്റ്റിനിടയില്‍വെച്ച് വിക്രമിനെ ആന അമര്‍ത്തുകയായിരുന്നു. വിക്രം സംഭവസ്ഥലത്തുവെച്ചുതന്നെ മരിച്ചു.പാപ്പാനെ നാട്ടുകാർ ഇടപെട്ട് രക്ഷപെടുത്തി മെഡിക്കൽ കോളജ് ആശുപത്രിയിൽ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. തുടർന്ന് ചെങ്ങളം ഭാഗത്തേയ്ക്ക് ഓടിയ ആന , മരുതന ഇടക്കേരിച്ചിറ റോഡിൽ നില ഉറപ്പിച്ചിരിക്കുകയാണ്. ആനയെ തളയ്ക്കാനുള്ള ശ്രമം ഇപ്പോഴും തുടരുകയാണ്. മദപ്പാടിലായിരുന്ന ആനയെ ദിവസങ്ങൾക്ക് മുൻപാണ് ആറാട്ടിനായി എഴുന്നള്ളിച്ചത്.