യുഎപിഎ കേസില് രണ്ട് സിപിഎം പ്രവര്ത്തകരുടെ ജാമ്യാപേക്ഷയില് കോഴിക്കോട് ജില്ലാ സെഷന്സ് കോടതി വിധി ഇന്ന്.... യുഎപിഎ നിലനില്ക്കുമെന്നാണ് കോടതി നിരീക്ഷണമെങ്കില് ജാമ്യ സാധ്യത അടയും
പന്തീരങ്കാവ് യുഎപിഎ കേസില് രണ്ട് സിപിഎം പ്രവര്ത്തകരുടെ ജാമ്യാപേക്ഷയില് കോഴിക്കോട് ജില്ലാ സെഷന്സ് കോടതി ഇന്ന് വിധി പറയും. അലന് ഷുഹൈബിന്റെയും താഹ ഫസലിന്റെയും മാവോയിസ്റ്റ് ബന്ധം സംബന്ധിച്ച തെളിവുകള് പ്രോസിക്യൂഷന് കോടതിയില് ഇന്നലെ ഹാജരാക്കിയിരുന്നു. യു.എ.പി.എ ചുമത്താവുന്ന തരത്തിലുള്ള യാതൊന്നും ഇരുവരില് നിന്നും പിടിച്ചെടുത്തിട്ടില്ലെന്നും ജാമ്യം അനുവദിക്കണമെന്നും പ്രതിഭാഗം അഭിഭാഷകന് കോടതിയെ അറിയിച്ചിരുന്നു. യു.എ.പി.എ വകുപ്പുകള് ചുമത്തിയത് തെളിവുകളാടെയാണെന്നായിരുന്നു പ്രോസിക്യൂഷന് വാദം.
എന്നാല് യുഎപിഎ നിലനില്ക്കുമെന്നാണ് കോടതി നിരീക്ഷണമെങ്കില് ജാമ്യ സാധ്യത അടയും. യുഎപിഎ വിഷയത്തില് സര്ക്കാരില് നിന്ന് എന്തെങ്കിലും നിര്ദ്ദേശമുണ്ടോ എന്ന് കോടതി ആരാഞ്ഞപ്പോള് പ്രത്യേക നിര്ദ്ദേശമൊന്നും ഇല്ലെന്നായിരുന്നു പ്രോസിക്യൂട്ടര് എം കെ ജയകുമാറിന്റെ ഇന്നലത്തെ മറുപടി.
https://www.facebook.com/Malayalivartha
