മൊബൈലിൽ പകർത്തിയ നഗ്ന ദൃശ്യങ്ങൾ പ്രചരിപ്പിക്കുമെന്ന് ഭീഷണിപ്പെടുത്തി പണം തട്ടാൻ ശ്രമിച്ച കേസിൽ യുവാവ് അറസ്റ്റിൽ. തിരുവനന്തപുരം പൂവച്ചൽ വീരണകാവ് വില്ലേജിൽ കുന്നാരി കരിക്കകത്ത് വിഷ്ണു ടി.രാജാണ് (25) ഫെയ്സ്ബുക്കിലൂടെ പരിചയപ്പെട്ട യുവതിയെ പ്രണയം നടിച്ച് പീഡിപ്പിച്ച ശേഷം മൊബൈൽ ഫോണിൽ നഗ്ന ചിത്രങ്ങളെടുത്ത് ഭീഷണിപ്പെടുത്തിയത്. തിരുവല്ല ചുമത്ര സ്വദേശിനിയായ യുവതിയെയാണ് കഴിഞ്ഞ 22ന് കോട്ടയം റെയിൽവേ സ്റ്റേഷനു സമീപത്തെ ലോഡ്ജിൽ പീഡനത്തിനിരയാക്കിയത്.

പോലീസിൽ പരാതി നൽകിയ യുവതി പൊലീസിന്റെ നിർദേശപ്രകാരം യുവാവിനെ തിരുവല്ല റെയിൽവേ സ്റ്റേഷനിലേക്ക് വിളിച്ചു വരുത്തി. തുടർന്ന് തിരുവല്ല സിഐയുടെ നേതൃത്വത്തിലുള്ള പൊലീസ് സംഘം പ്രതിയെ അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കി റിമാൻഡ് ചെയ്തു.