യു.എ.പി.എ ചുമത്തപ്പെട്ട വിദ്യാര്‍ഥികളുടെ ജാമ്യാപേക്ഷ കോടതി തള്ളി. എന്നാൽ ഹൈക്കോടതിയെ സമീപിക്കുമെന്ന്‌ കുടുംബം വ്യക്തമാക്കി. ഈ കേസില്‍ പിടിക്കപ്പെട്ടവരുടെ ജാമ്യത്തിനായി ഉടനെ തന്നെ ഹൈക്കോടതിയെ സമീപിക്കുമെന്ന് പ്രതിഭാഗം പറഞ്ഞു. കോടതിയില്‍ വിശ്വാസിക്കുന്നുവെന്നും കെട്ടിച്ച ചമച്ച തെളിവുകളാണ് പൊലീസ് ഉണ്ടാക്കിയതെന്നും താഹയുടെ കുടുംബം പറഞ്ഞു. എഫ്‌ഐആറിൽ കുറ്റസമ്മതം നടത്തിയെന്നു പറയുന്നു മാത്രമല്ല തെളിവുകളും നിര്‍ണായകമാണ്. കൂടാതെ യു.എ.പി.എ ചുമത്തപ്പെട്ടരിക്കുന്നതിനാല്‍ ജാമ്യം അനുവദിക്കില്ലെന്ന് കോടതി പറഞ്ഞു. എന്നാല്‍, അഭിഭാഷകര്‍ക്ക് പ്രതികളെ കാണാന്‍ അനുവാദം ഉണ്ട്.

പ്രതികള്‍ പുറത്തിറങ്ങിയാല്‍ അന്വേഷണത്തെ ബാധിക്കുമെന്നും കൂടുതല്‍ അന്വേഷണം നടത്തേണ്ടതുണ്ടെന്നും പ്രോസിക്യൂഷനും കോടതിയില്‍ നിലപാട് സ്വീകരിച്ചു. ഇതോടെയാണ് കോടതി ജാമ്യാപേക്ഷ നിരസിച്ചത്.യുഎപിഎ പ്രത്യേക കോടതി കൂടിയായ കോഴിക്കോട് പ്രിന്‍സിപ്പല്‍ സെഷന്‍സ് കോടതിയിലാണ് ജാമ്യാപേക്ഷ നൽകിയിരുന്നത്.