വേണാട് എക്സ്‌പ്രസ് അടിമുടി മാറുന്നു , ട്രെയിന്‍ യാത്ര ഇനി വിമാനയാത്രയ്ക്ക് തുല്യമാകും.: പുതിയ എൽഎച്ച് ബി കോച്ചുകൾ ഉപയോഗിച്ചുള്ള തിരുവനന്തപുരം ഷൊർണൂർ വേണാട് എക്സ്പ്രസിന്റെ സർവീസിനു തുടക്കമായി.. ട്രെയിനുകളില്‍ കുലുക്കമില്ലാതിരിയ്ക്കാന്‍ റെയില്‍വേ ഏര്‍പ്പെടുത്തിയ അത്യാധുനിക സംവിധാനം ആണ് എൽഎച്ച് ബി കോച്ചുകൾ

. യാത്രക്കാരിൽ നിന്നു മികച്ച പ്രതികരണമാണു പുതിയ കോച്ചുകൾ സംബന്ധിച്ചു ലഭിക്കുന്നത്. വീതി കൂടിയ സീറ്റുകളും കാലുകൾ നീട്ടി വയ്ക്കാനുള്ള സ്ഥല സൗകര്യവുമാണ് പ്രധാന ആകർഷണം..പഴയ ഇടുങ്ങിയ സീറ്റുകളിൽ തിങ്ങി ഞെരുങ്ങി യാത്ര ചെയ്തിരുന്നവർക്ക് പുതിയ കോച്ചുകൾ വലിയ ആശ്വാസമായി എന്നാണു യാത്രക്കാരുടെ പ്രതികരണം . പുഷ്ബാക്ക് സീറ്റുകളാണ് ജനറൽ കോച്ചുകളിലുള്ളത്.

എസി ചെയർകാറിലും മികച്ച സീറ്റുകളാണുള്ളത്. നല്ല സ്ഥല സൗകര്യവുമുണ്ട് എന്നതാണ് എടുത്തു പറയേണ്ട മറ്റൊരുഗുണം . വേണാടിന് പുതിയ കോച്ചുകൾ കിട്ടിയതിൽ ഏറെ സന്തോഷമുണ്ടെന്ന് സ്ഥിരം യാത്രക്കാർ പറഞ്ഞു. ട്രെയിന്റെ എറണാകുളം സൗത്തിലെ സ്റ്റോപ്പ് നിലനിർത്താനുള്ള തീരുമാനത്തേയും യാത്രക്കാർ സ്വാഗതം ചെയ്തു. സാമൂഹിക വിരുദ്ധർ സീറ്റുകൾ നശിപ്പിക്കാതിരിക്കാൻ സിസിടിവി ക്യാമറകൾ വേണമെന്നും യാത്രക്കാർ നിർദേശിക്കുന്നു.

ഏറെ കാലത്തെ കാത്തിരിപ്പിനൊടുവിലാണ് ജർമൻ സാങ്കേതിക വിദ്യയിൽ അധിഷ്ഠിതമായ ലിങ്ക് ഹോഫ്മാൻ ബുഷ് (എൽ എച്ച് ബി) കോച്ചുകൾ വേണാടിന് ലഭിച്ചത്. പരശുറാം, ഏറനാട് എക്സ്പ്രസുകൾക്കും എൽ എച്ച്ബി കോച്ചുകൾ വേണമെന്ന ആവശ്യം ശക്തമാണ്