വേദനകളുടെ ലോകത്ത് നിന്ന് ലാൽസൻ യാത്രയാകുമ്പോൾ അവശേഷിക്കുന്നത് ഒരു സ്വപ്നം മാത്രം ബാക്കി. കാന്‍സര്‍ ചികിത്സക്കിടെ റേഡിയേഷനില്‍ അന്നനാളം കരിഞ്ഞുണങ്ങി. ഇത് കാരണം ഒരിറ്റു വെള്ളം ഇറക്കാനാകാതെ വർഷങ്ങൾ ജീവിച്ച് ക്യാന്സറിനോട് പൊരുതി ലാൽസൺ എന്ന പ്രവാസി യുവാവ് .

എ​ന്നാ​ല്‍, ഒ​ട്ടും​ത​ള​രാ​തെ, അ​ദ്ദേ​ഹം സ​മൂഹ മാ​ധ്യ​മ​ങ്ങ​ളി​ലൂ​ടെ ചി​കി​ത്സ​യു​ടെ ഓ​രോ അ​നു​ഭ​വ​വും പ​ങ്കു ​വെ​ച്ചു. ഏ​ക​ദേ​ശം ര​ണ്ടു വ​ര്‍​ഷം ​മുമ്പാ​യിരുന്നു ​ ബ​ഹ്​​റൈ​നി​ല്‍ പ്ര​വാ​സി​യാ​യി​രി​ക്കു​ന്ന വേ​ള​യി​ല്‍ തൃ​ശൂ​ര്‍ പു​ള്ളു സ്വ​ദേ​ശി​യാ​യ ലാ​ല്‍​സ​ന്‍, തൊ​ണ്ട​യി​ലെ അ​ര്‍​ബു​ദ​ബാ​ധ തി​രി​ച്ച​റി​യു​ന്ന​ത്. തു​ട​ര്‍​ന്ന്​ നാ​ട്ടി​ലേ​ക്ക്​ പോ​യി ചി​കി​ത്സ നടത്തുകയായിരുന്നു . ഒരു ഗ്ലാസ് വെള്ളം ഒറ്റയടിക്ക് കുടിക്കണമെന്നായിരുന്നു അദേഹത്തിന്റെ അവസാന ആഗ്രഹം . ഇപ്പോൾ അദ്ദേഹം പങ്ക് വച്ചിരുന്ന ഒരു കുറിപ്പ് വൈറലാകുകയാണ് ഒപ്പം നൊമ്പരവും.

പ്രിയമുള്ളവരേ കുറച്ചു നാളുകള്‍ക്ക് ശേഷമാണ് ഒരു പോസ്റ്റ്‌ ഇടുന്നത്. പല ദിവസങ്ങളിലും കടുത്ത ശര്ധി ആയിരുന്നു അതു കൊണ്ട് തീരെ വയ്യായിരുന്നു. ടൈപ്പ് ചെയ്യാന്‍ സാധിക്കാത്ത അവസ്ഥ ആയിരുന്നു. ഞാന്‍ ഇപ്പോഴും അതെ അവസ്ഥയില്‍ തന്നെ തുടരുകയാണ് tb യുടെ മരുന്ന് പോകുന്നതുകൊണ്ടാണ് ശര്ധി ഉണ്ടാവുന്നത് എന്നാല്‍ ആ മരുന്ന് ഒരിക്കലും നിര്‍ത്താന്‍ പറ്റാത്ത അവസ്ഥ ആണ് ഇപ്പോള്‍ ഉള്ളത്. ശര്ധി ആയതുകൊണ്ട് തന്നെ ശരീരം അതു താങ്ങുന്നില്ല അതുകൊണ്ട് ഭയങ്കര ഷീണം ആണ് ഒപ്പം പുറം വേദന കഠിനമായി തുടരുന്നു.

അയഡിന്‍ തെറാപ്പി കഴിഞ്ഞു ഇപ്പോള്‍ കാന്‍സര്‍ ഇനി ശരീരത്തില്‍ എത്ര ഉണ്ട് എന്നറിയാന്‍ ഉള്ള ടെസ്റ്റ്‌ നടത്താനുള്ള സമയം കഴിഞ്ഞു പക്ഷെ ആരോഗ്യ സ്ഥിതി മോശമായത് കൊണ്ട് ആ ടെസ്റ്റ്‌ നടത്താന്‍ പറ്റിയിട്ടില്ല കഴുത്തില്‍ ഇട്ട ട്യൂബ് ഇപ്പോഴും വളരെ അധികം ബുദ്ധിമുട്ട് എനിക്ക് ഉണ്ടാക്കുന്നുണ്ട് എന്നാല്‍ ആ ട്യൂബ് ഊരിയാല്‍ എനിക്ക് ശ്വാസം എടുക്കാന്‍ കഴിയില്ല എന്നാണ് ഡോക്ടര്‍ പറയുന്നത് അതുകൊണ്ട് കുറെ നാള്‍ കൂടി ആ ട്യൂബ് തുടരണം. ഒരു ഗ്ലാസ്‌ വെള്ളം ഒറ്റവലിക്ക് ദാഹം തീരുവോളം കുടിക്കണം എന്ന മോഹം ബാക്കി നില്കുന്നു

അതിലും ഉപരി എനിക്ക് ഒറ്റയ്ക്ക് നടന്നു ബാത്‌റൂമില്‍ പോകണം എന്നുള്ളത് വലിയ മോഹമാണ്. ഞാന്‍ സ്വപ്നം കാണുന്നുണ്ട് എല്ലാവരെയും പോലെ വെള്ളം കുടിക്കുന്ന രാവിലെ ഒരു കാപ്പി കുടിക്കുന്ന സുപ്രഭാതം അതു അകലെയല്ല എന്ന് ഞാന്‍ വിശ്വസിക്കുന്നു..ഇത്രയും സഹിക്കാന്‍ കഴിവ് തന്ന ദൈവം ഇനി എന്നേ കൈപിടിച്ച്‌ ഉയര്‍ത്തും എന്ന് എനിക്ക് ഉറപ്പാണ്... എനിക്ക് വേണ്ടി ഉദിച്ചുയരുന്ന പൊന്നു പുലരി വിദൂരമല്ല.. ഞാന്‍ ദാഹം തീരുവോളം വെള്ളം കുടിക്കുന്ന സമയം വിദൂരമല്ല. ജീവിതം പൊരുതി നേടാന്‍ ഉള്ളതാണെങ്കില്‍ പൊരുതി നേടുക തന്നെ ചെയ്യും.
സ്നേഹം മാത്രം.ലാല്‍സണ്‍ പുള്ള്