പ്രണയം താങ്ങാനാകാതെ കണ്ണൂരിലെ വീട്ടമ്മ അത്യാവശ്യ സാധനങ്ങളുമെടുത്ത് കാമുകനെത്തേടി ഇറങ്ങി; അച്ഛന്റെ പേരിലുള്ള മൊബൈൽ കണക്ഷൻ ഉപയോഗിച്ച് രണ്ട് മക്കളുള്ള വീട്ടമ്മയെ വളച്ചെടുത്ത പ്ലസ് വൺ കാമുകനെക്കണ്ട് വീട്ടമ്മയും ഞെട്ടി, വീട്ടമ്മയെക്കണ്ട് പേടിച്ച് നിലവിളിച്ച് നാട്ടുകാരെ കൂട്ടി വിദ്യാർത്ഥിയും: കണ്ണൂരിൽ അരങ്ങേറിയ സിനിമയെ വെല്ലുന്ന നാടകീയ രംഗങ്ങൾ ഇങ്ങനെ...
കണ്ണൂരിൽ പ്രണയം തലയ്ക്ക് പിടിച്ച് ഭര്ത്താവിനെയും മക്കളെയും ഉപേക്ഷിച്ച് കാമുകനെ തേടിപ്പോയ വീട്ടമ്മയ്ക്ക് കിട്ടിയത് മുട്ടന് പണി. ഭര്ത്താവും മക്കളും അറിയായെ ഏറെ നാളായി മൊബൈല് ഫോണില് പ്രണയം പങ്കുവെച്ച വീട്ടമ്മ ഒടുവില് ആരും അറിയാതെ കാമുകനെ തേടി വീടുവിട്ടിറങ്ങുകയായിരുന്നു. പ്രണയം താങ്ങാനാകാതെ ഇവർ തന്റെ കാമുകനെ തേടി ചെന്നപ്പോഴാണ് തനിക്ക് പറ്റിയ അമളി ഇവർ തിരിച്ചറിഞ്ഞത്. പ്ലസ് വണ്ണിൽ പഠിക്കുന്ന ആൺകുട്ടിയുമായാണ് വീട്ടമ്മ ഏറെ നാളുകളായി ഫോണിലൂടെ ബന്ധം പുലർത്തിയിരുന്നത്. മാത്രമല്ല തന്നെക്കാൾ മുതിർന്ന കാമുകിയെ കണ്ട് കുട്ടികാമുകൻ പേടിച്ച് പൊട്ടിക്കരഞ്ഞുകൊണ്ട് വീടിനകത്ത് ഒളിച്ചിരിക്കുകയും ചെയ്തു.
പ്രണയ പാരവശ്യം കാരണം അത്യാവശ്യ സാധനങ്ങളുമെടുത്ത് വീടുവിട്ടിറങ്ങിയ യുവതി ഒടുവിൽ എന്ത് ചെയ്യണം എന്നറിയാതെ കുഴങ്ങി വീടിന് മുൻപിൽ ഇരിപ്പുറപ്പിക്കുകയായിരുന്നു. സംഭവമറിഞ്ഞ് നാട്ടുകാർ വീടിന് മുൻപിൽ തടിച്ച് കൂടാൻ അധികം സമയം വേണ്ടിവന്നില്ല. തുടർന്ന് ഒരു വഴിയും മുൻപിൽ കാണാതിരുന്ന യുവതി ഒടുവിൽ ഉപേക്ഷിച്ചുപോയ ഭർത്താവിനെ തന്നെ വീട്ടിലേക്ക് വിളിച്ചുവരുത്തുകയായിരുന്നു. വൈകാതെ സ്ഥലത്തെത്തിയ ഭർത്താവ് ഒളിച്ചോടിയ ഭാര്യയെ വീട്ടിലേക്ക് കൂട്ടിക്കൊണ്ട് പോകുകയായിരുന്നു. തന്റെ അച്ഛന്റെ പേരിലുള്ള മൊബൈൽ കണക്ഷൻ ഉപയോഗിച്ചാണ് മീശ പോലും മുളയ്ക്കാത്ത കുട്ടികാമുകൻ രണ്ട് മക്കളും ഭർത്താവുമുള്ള സ്ത്രീയുമായി ബന്ധം സ്ഥാപിക്കുന്നതും വീട്ടമ്മയുമായി പ്രണയത്തിലായതും. സിനിമയെ വെല്ലുന്ന സംഭവങ്ങളാണ് വിദ്യാർത്ഥിയുടെ വീട്ടുമുറ്റത്ത് അരങ്ങേറിയത്.
കുറച്ച് നാളുകൾക്ക് മുമ്പാണ് 17ഉം 13ഉം വയസ്സുള്ള കുട്ടികളെ ഉപേക്ഷിച്ച് വിവാഹിതനായ കാമുകനൊപ്പം ഒളിച്ചോടിയ വീട്ടമ്മയെ പോലീസ് പിടികൂടി കോടതിയില് ഹാജരാക്കി റിമാന്ഡ് ചെയ്തത്. ഭര്തൃവീട്ടിലെ കിടക്കയും കട്ടിലും ഗ്യാസ് സിലിണ്ടറും ഉള്പ്പെടെയുള്ള സാധനങ്ങളുമായാണ് വീട്ടമ്മ കാമുകനൊപ്പം പോയത്. കണ്ണൂക്കരയിലെ പിലാക്കണ്ടി ഷീബ, കാമുകന് കോടിയേരി മാങ്ങോട്ട് താഴക്കുനി സുജിത്ത് എന്നിവരായിരുന്നു കഥയിലെ താരങ്ങൾ ആയിരുന്നത്. പിലാക്കണ്ടി പ്രകാശന്റെ ഭാര്യയാണ് ഷീബ. പതിനേഴ്, പതിമൂന്ന് വയസ്സുപ്രായമുള്ള രണ്ടു കുട്ടികളെ തനിച്ചാക്കിയാണ് ഷീബ വീട്ടിലെ ഗ്യാസ് സിലിണ്ടര്, കട്ടില്, കിടക്ക ഉള്പ്പെടെയുള്ള സാധനങ്ങളുമായി കാമുകനൊപ്പം ഒളിച്ചോടിയത്. സുജിത്തിന് രണ്ടു മക്കളുണ്ട്. സുജിത്ത് ആംബുലന്സ് ഡ്രൈവറാണ്. ഇന്ഷുറന്സ് കമ്പനി ഏജന്റായ ഷീബ രണ്ട് വർഷമായി സുജിത്തുമായി പ്രണയത്തിലായിരുന്നു.
https://www.facebook.com/Malayalivartha
