കെ .എസ് .കെ .ടി. യു ജില്ലാ സമ്മേളനത്തില് നടത്തി പ്രസംഗം വിവാദമായതിനെ തുടര്ന്ന് സി.പി.എം കോഴിക്കോട് ജില്ലാ സെക്രട്ടറി പി.മോഹനന് മലക്കംമറിഞ്ഞു
കെ .എസ് .കെ .ടി. യു ജില്ലാ സമ്മേളനത്തില് നടത്തി പ്രസംഗം വിവാദമായതിനെ തുടര്ന്ന് സി.പി.എം കോഴിക്കോട് ജില്ലാ സെക്രട്ടറി പി.മോഹനന് മലക്കംമറിഞ്ഞു. തീവ്രവാദികള് എന്നുള്ളത് കൊണ്ട് എന്.ഡി എഫിനെയും പോപ്പുലര് ഫ്രണ്ടിനെയുമാണ് ഉദ്ദേശിച്ചതെന്ന് ഇന്ന് പി.മോഹനന് ഫെയിസ്ബുക്കിലൂടെ തിരുത്ത് വരുത്തി. പ്രസംഗം വിവാദമായതോടെ മുസ്്ലിംലീഗും എസ്.ഡി.പി.ഐയും മറ്റ് ചില മുസ്്ലിം സംഘടനകളും മുതലെടുപ്പിന് എത്തുകയും ബി.ജെ.പി നേതാക്കള് പിന്തുണയ്ക്കുകയും ചെയ്തതോടെയാണ് മോഹനന് പ്രതിരോധത്തിലായത്.
ഒരു തരത്തിലും ഇസ്ലാം വിരുദ്ധ പരാമര്ശവും പ്രസംഗത്തില് നടത്തിയിട്ടില്ല. മാധ്യമങ്ങള് പ്രചരിപ്പിക്കുന്ന വീഡിയോ ക്ലിപ്പുകളില് തന്നെ വര്ഗീയ തീവ്രവാദികളും മാവോയിസ്റ്റുകളും തമ്മിലുള്ള ബന്ധത്തെ തുറന്നു കാട്ടുകയാണ് ചെയ്തതെന്നും അദ്ദേഹം പറയുന്നു.
തൊഴിലാളികളുടെയും അധ്വാനിക്കുന്ന വിഭാഗങ്ങളുടെയും മോചനത്തെയോ ക്ഷേമത്തെയോ ലക്ഷ്യം വെക്കുന്നതല്ല മാവോയിസ്റ്റുകളുടെ രാഷ്ട്രീയം. ഭീകരവാദികളും വര്ഗീയ തീവ്രവാദികളുമായി അവര് കൂട്ടുകൂടുന്നെന്ന് വിശദീകരിക്കുന്നതിനാണ് അവരുടെ എന് ഡിഎഫ് തീവ്രവാദ ബന്ധത്തെ സൂചിപ്പിച്ചത്. അത് ഇസ്ലാം വിരുദ്ധമാക്കുന്നത്? ആടിനെ പട്ടിയാക്കുന്ന പ്രചാരണ തന്ത്രമാണ് സാമൂഹ്യ മാധ്യമങ്ങളില് ചില കേന്ദ്രങ്ങള് നടത്തി കൊണ്ടിരിക്കുന്നത് .സി പി എം വിരുദ്ധതയാണ് അത്തരം നുണപ്രചരണങ്ങളുടെ അടിസ്ഥാനം.
എന് ഡി എഫിനെപോലുള്ള തീവ്രവാദ സംഘടനകളെ വിമര്ശിക്കുന്നതില് അക്കൂട്ടര് പ്രകോപിതരാവുന്നത് മനസിലാക്കാം. എന്നാല് മുസ്ലിം ലീഗുകാരെന്തിനാണ് എന് ഡി എഫുകാരെ പ്രതിരോധിക്കുന്നതെന്ന് മനസിലാവുന്നില്ല. തീവ്രവാദികള്ക്കെതിരായ വിമര്ശനത്തെ മുസ്ലിം സമുദായത്തിനെതിരായ ആക്ഷേപമാണെന്ന് വരുത്തി തീര്ത്ത് എന് ഡി എഫ് , പോപ്പുലര് ഫ്രണ്ടുകാരെ വെള്ളപൂശുന്നവരുടെ താല്പര്യം എന്തായാലും മുസ്ലിം സമുദായവുമായി ബന്ധപ്പെട്ടതല്ല. മുസ്ലിം സമുദായം എല്ലാ കാലത്തും തീവ്രവാദത്തെ എതിര്ത്തു പോന്നതാണെന്ന നല്ല ബോധ്യം എനിക്കും എന്റെ പാര്ടിക്കുമുണ്ടെന്നും പി. മോഹനന് പറയുന്നു. ദേശീയ തലത്തിലും കേരളത്തിലും സംഘപരിവാറിന്റെ ന്യൂനപക്ഷ വിരുദ്ധതക്കും മുസ്ലിം വേട്ടക്കുമെതിരെ ശക്തമായ നിലപാട് സ്വീകരിച്ചത് സി.പി.എമ്മാണ്.
യുഎപിഎ മാവോയിസ്റ്റ് പ്രശ്നത്തിലേക്ക് വന്നാല് ലീഗുകൂടി പങ്കാളിയായ ഉമ്മന് ചാണ്ടി സര്ക്കാറാണ് , കേരളത്തില് ചാര്ജ് ചെയ്ത 162 കേസുകളിര് 134 എണ്ണവും എടുത്തത്. യു എ പി എ വകുപ്പ് ഒരു വിധത്തിലും ദുരുപയോഗം ചെയ്യപ്പെടാന് അനുവദിക്കരുത്, നിയമാനുസൃത വഴികളിലൂടെ ഒഴിവാക്കണമെന്നതാണ് ഇടതു പക്ഷത്തിന്റെ നിലപാട്.
ആഗോള ഇസ്ലാമികഭീകരവാദത്തെയും എന് ഡി എഫ് പോലുള്ള തീവ്രവാദ സംഘടനകളെയും കേരളത്തിലെ എല്ലാ മുസ്ലിം സമുദായ നേതാക്കളും ഒരുപോലെ എതിര്ക്കുകയും ഇസ്ലാംവിശ്വാസികള്ക്കിടയില് ഇത്തരം ഛിദ്ര ശക്തികള് സ്വാധീനം ചെലുത്താന് നടത്തുന്ന നീക്കങ്ങളെ ജാഗ്രതയോടെ പ്രതിരോധിക്കുകയും ചെയ്യുന്നുണ്ട്്. എന്നാല് മുസ്ലിം ലീഗും യു ഡി എഫും തങ്ങളുടെ സങ്കുചിത രാഷ്ട്രീയ നേട്ടങ്ങള്ക്കായി പോപ്പുലര് ഫ്രണ്ടുകാരുമായി രഹസ്യവും പരസ്യവുമായ ബന്ധം പുലര്ത്തുന്നവരുമാണ്.
https://www.facebook.com/Malayalivartha