അങ്ങനെ ചീട്ടുകളികളിക്കാര്‍ക്ക് ആശ്വാസത്തിനുള്ള വഴി തുറന്ന് സുപ്രീം കോടതി വിധി. ചീട്ടുകളിക്കാര്‍ മുഴുവന്‍ അലസന്മാരാണെന്ന വിലയിരുത്തല്‍ ഇനി നിര്‍ത്താം. സുപ്രീംകോടതി വെള്ളിയാഴ്ച ചീട്ടുകളിയെ കായിക വിനോദമായി വിലയിരുത്തി. ചീട്ടു കളിക്കുമ്പോള്‍ ബുദ്ധിമാത്രമല്ല കൈകള്‍ കൂടി നന്നായി ഉപയോഗിക്കേണ്ടി വരുന്നതിനാല്‍ ചീട്ടു കളിയെ കായിക വിനോദമായി കരുതുന്നതില്‍ തെറ്റില്ലെന്ന് കോടതി വിലയിരുത്തി.
ചീട്ടുകളിയെ നേരമ്പോക്കോ പാര്‍ലന്‍ ഗെയിമായോ പ്രഖ്യാപിക്കണമെന്ന് ആവശ്യപ്പെട്ട് കേന്ദ്രം സമര്‍പ്പിച്ച ഹര്‍ജി തള്ളിക്കൊണ്ടായിരുന്നു സുപ്രീംകോടതിയുടെ കണ്ടെത്തല്‍. ഈ വിധിയോടെ സ്‌പോര്‍ട്‌സ് ഗുഡ്‌സിന് നല്‍കുന്ന എക്‌സൈസ് ഡ്യൂട്ടിയില്‍ നിന്നുള്ള ഇളവ് ചീട്ടു നിര്‍മ്മാതാക്കളായ കമ്പനികള്‍ക്ക് ലഭിക്കും. വ്യായാമത്തിനായി ഉപയോഗിക്കാത്ത ഉപകരണങ്ങള്‍ക്ക് ചുമത്തുന്ന ഒരു ശതമാനം നികുതി ഉണ്ടാകുകയും ചെയ്യും.
ചീട്ടുകളിയിലെ സെക്കണ്ടറി ഇനത്തിലേക്ക് വേര്‍തിരിക്കാനുള്ള നീക്കത്തെ വെല്ലുവിളിച്ചത് പാര്‍ക്‌സണ്‍സ് ഗ്രാഫിക്‌സ് ആയിരുന്നു. 2011 മുതല്‍ നികുതിയില്‍ നിന്നും ഒഴിവാക്കണം എന്ന അവകാശവാദം ഉന്നയിക്കുന്ന കമ്പനിയാണ് പാര്‍ക്ക്‌സണ്‍സ് ഗ്രാഫിക്‌സ്. ചീട്ടുകളി കായിക വിനോദം ആയതിനാല്‍ അഞ്ചു ശതമാനം നികുതിക്ക് കമ്പനി അര്‍ഹരാണെന്ന് 2014 ല്‍ ഒരു കോടതി വിധിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha