കേന്ദ്ര നേതൃത്വം ഇടപെട്ടു, പ്രതിപക്ഷ നേതൃസ്ഥാനം വിഎസ് രാജിവെയ്ക്കില്ല, സംസ്ഥാന സമ്മേളനത്തിലേക്ക് ഇന്ന് മടങ്ങും
സിപിഎം സംസ്ഥാന സമ്മേളനത്തില് രണ്ട് ദിവസമായി നിലനിന്ന പ്രതിസന്ധിയ്ക്ക് അയവ് വന്നു. വിഎസിന്റെ പ്രശ്നത്തില് കേന്ദ്ര നേതൃത്വം ഇടപെട്ടതിനെതുടര്ന്നാണ് ഇത്. ഇന്നലെ വൈകുന്നേരം വരെ വിഎസ് സമ്മേളനത്തിലേക്ക് തിരികെ പോകില്ലെന്നും പ്രതിപക്ഷ നേതൃസ്ഥാനം രാജിവെയ്ക്കുമെന്ന കടുത്ത നിലപാടിലായിരുന്നു. എന്നാല് ഇന്നലെ പാര്ട്ടി ജനറല്സെക്രട്ടറി പ്രകാശ് കരാട്ട് വിഎസ് അച്യുതാനന്ദനുമായി ചര്ച്ച നടത്തുകയും സമ്മേളനത്തില് മടങ്ങിവന്നാല് വിഎസിന്റെ പരാതികള് പരിഗണിയ്ക്കാമെന്നും അറിയിച്ചു. കൂടാതെ വി എസിന്റെ അഭിപ്രായങ്ങള് വരുന്ന പി ബി, കേന്ദ്ര കമ്മിറ്റി കൂടി ചര്ച്ച ചെയ്യുമെന്നും വി എസിനെ കാരാട്ട് ഫോണിലൂടെ അറിയിച്ചു. ഇതിനെ തുടര്ന്നാണ് വിഎസ് തന്റെ നിലപാടില് അയവ് വരുത്താന് തീരുമിനിച്ചത്.മാത്രമല്ല പിണറായി വിജയന് അവതരിപ്പിച്ച പ്രവര്ത്തന റിപ്പോര്ട്ടില് വിഎസിനെ കുറിച്ച്പറഞ്ഞിരിക്കുന്ന ചില ഭാഗങ്ങള് ഇന്നലെ മരവിപ്പിക്കുകയും ചെയ്തു. എന്നാല് വിഎസ് സമ്മേളനത്തിലേക്ക് മടങ്ങിപ്പോകുമോ എന്ന് അറിയില്ലെന്നാണ് അദ്ദേഹത്തിന്റെ വിശ്വസ്ഥര് പറയുന്നത്.
കരാട്ടിന്റെ ഇടപെടലും കരുണാകരന് റിപ്പോര്ട്ടിലെ വി എസിനെ വിമര്ശിക്കുന്ന ഭാഗം മരവിപ്പിക്കുവാന് തീരുമാനിച്ചതും കഴിഞ്ഞ ദിവസം സമ്മേളനകാര്യങ്ങള് വിശദീകരിക്കാന് വാര്ത്താസമ്മേളനം വിളിച്ച കൊടിയേരി ബാലകൃഷ്ണന് പറഞ്ഞിരുന്നു. പാര്ട്ടിയിലെ ബംഗാള് ഘടകവും വി എസിനൊപ്പമാണ്. സംഭവങ്ങള് ഈ രീതിയില് മുന്നേറുകയാണെങ്കില് വി എസ് തിങ്കളാഴ്ച ആലപ്പുഴയിലെത്തി പാര്ട്ടി സമ്മേളനത്തിന്റെ ഭാഗമാവുമെന്ന് അറിയുന്നു.
എന്നാല് തന്റ തീരുമാനങ്ങള് വിശദീകരിക്കാന് ഇന്ന് പതിനൊന്ന് മണിയക്ക് വിഎസ് മാധ്യമപ്രവര്ത്തകരെ കാണുന്നുണ്ട്. എന്ത്കൊണ്ടാണ് താന് സമ്മേളനത്തില് നിന്ന് ഇറങ്ങിപ്പോയതെന്ന് മാധ്യമപ്രവര്ത്തകരോട് പറയുമെന്നാണ് സൂചന. എന്നാല് പാര്ട്ടിക്കെതിരായുള്ള പരസ്യപ്രതികരണത്തിനുള്ള വേദിയായി ഈ പത്രസമ്മേളനം മാറിയാല് പാര്ട്ടി ശക്തമായ നടപടിയിലേക്ക് നീങ്ങേണ്ടി വരും. പാര്ട്ടിയിലെ സംഘടനാ തത്വങ്ങളില് നിന്നും വ്യതിചലിച്ച വി എസ് അച്യുതാന്ദന് തെറ്റു ചെയ്തെന്ന് കരുതുന്നുവെന്ന് പ്രകാശ് കാരാട്ട് ഇന്നലെ സമ്മേളന ചര്ച്ചയ്ക്ക് മറുപടിയായി പറഞ്ഞു. കമ്മ്യൂണിസ്റ്റ് പാര്ട്ടിയില് വിലപേശല് രാഷ്ടീയം അനുവദിക്കാനാവില്ലെന്നും പ്രകാശ് കാരാട്ട് അഭിപ്രായപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha