കോഴിക്കോട് നഗരത്തില്‍ വന്‍ മയക്കുമരുന്ന് വേട്ട. പോലീസ് പിടികൂടിയത് പുതുവര്‍ഷ രാവ് ആഘോഷം ആക്കാന്‍ നിറം കൂട്ടാന്‍ കൊണ്ടുവന്ന ലഹരി വസ്തുക്കളാണ്. 2800 ലഹരി ഗുളികകളാണ് പിടികൂടിയത്. ഗുളികകളുമായി കോഴിക്കോട് എത്തിയ കല്ലായി വലിയ പറമ്പില്‍ 43കാരനായ സഹറത്ത് എന്ന ആളെ പോലീസ് അറസ്റ്റ് ചെയ്തിട്ടുണ്ട്.സബ് ഇന്‍സ്പെക്ടര്‍ സുഭാഷ് ചന്ദ്രന്റെ നേതൃത്വത്തിലുള്ള പന്നിയങ്കര പോലീസും നാര്‍ക്കോട്ടിക്ക് സെല്‍ അസി.കമ്മീഷണര്‍ പി സി ഹരിദാസിന്റെ നേതൃത്വത്തിലുള്ള ജില്ലാ ആന്റി നാര്‍ക്കോട്ടിക്ക് സ്പെഷല്‍ ആക്ഷന്‍ ഫോഴ്സും (ഡന്‍സാഫ്) ചേര്‍ന്നാണ് ഇയാളെ തന്ത്രപരമായി അറസ്റ്റ് ചെയ്തത്.
കല്ലായ് റെയില്‍വേ ഗുഡ്സ് യാഡിന് സമീപത്ത് നിന്നുമാണ് ഇയാളെ പിടികൂടിയത്.