ഇനി ഒരു കളിയും നടക്കില്ല... ബിന്ദു അമ്മിണിയും രഹന ഫാത്തിമയും സുപ്രീം കോടതിയുടെ അനുമതിയോടെ മലകയറാന് ശ്രമിക്കുമ്പോള് അതിന് തടയിട്ട് അരയ സമാജവും അഖില ഭാരതീയ അയ്യപ്പ ധര്മ്മ പ്രചാര സഭയും; ശബരിമലയില് യുവതി പ്രവേശനം അനുവദിക്കരുതെന്ന് അവശ്യപെട്ട് അരയ സമാജം സുപ്രീം കോടതിയില്
ശബരിമല ദര്ശനത്തിന് സംരക്ഷണം അനുവദിക്കണം എന്ന രഹ്ന ഫാത്തിമയുടെയും ബിന്ദു അമ്മിണിയുടെയും ആവശ്യം സുപ്രീം കോടതി പരിഗണിക്കാനിരിക്കെ ശക്തമായി പ്രതിരോധം തീര്ത്ത് അരയസമാജവും അഖില ഭാരതീയ അയ്യപ്പ ധര്മ്മ പ്രചാര സഭയും രംഗത്ത്. രഹ്ന ഫാത്തിമയുടെയും ബിന്ദു അമ്മിണിയുടെയും ആവശ്യം സുപ്രീം കോടതി അംഗീകരിക്കരുതെന്ന് ആവശ്യപ്പെട്ട് അരയ സമാജം സുപ്രീം കോടതിയെ സമീപിച്ചു. രഹ്ന ഫാത്തിമ നല്കിയ ഹര്ജിയില് കക്ഷി ചേരാന് ആണ് അരയ സമാജം സുപ്രീം കോടതിയില് അപേക്ഷ നല്കിയത്. കണ്ണന്കടവ് ശ്രീകുറുംബ ഭഗവതി ക്ഷേത്ര ധര്മ്മ പരിപാലന അരയസമാജമാണ് രംഗത്തെത്തിയിരിക്കുന്നത്.
ശബരിമല സന്ദര്ശിക്കാന് കോടതിയെ സമീപിച്ചവര് യഥാര്ത്ഥ ഭക്തരല്ലെന്ന് അപേക്ഷയില് അരയ സമാജം ചൂണ്ടിക്കാട്ടുന്നു. 'സ്വാര്ത്ഥ താത്പര്യങ്ങള് ഉള്ള രാഷ്ട്രീയ ആക്ടിവിസ്റ്റുകള് ആണ് കോടതിയെ സമീപിച്ചത്. പ്രശസ്തി ആണ് ലക്ഷ്യം'. ബലം പ്രയോഗിച്ച് യുവതികളെ ശബരിമലയില് പ്രവേശിപ്പിച്ചാല് അത് ശബരിമലയിലും സംസ്ഥാനത്തും നിലനില്ക്കുന്ന സമാധാന അന്തരീക്ഷം തകര്ക്കുമെന്നും അരയ സമാജം ചൂണ്ടിക്കാട്ടുന്നു.
ശബരിമല യുവതി പ്രവേശന വിഷയം, മുസ്ലിം സ്ത്രീകളുടെ പള്ളി പ്രവേശനം, പാഴ്സി സ്ത്രീകളുടെ ആരാധനാവകാശം തുടങ്ങിയ വിഷയങ്ങള് സുപ്രീം കോടതിയിലെ ഏഴംഗ ഭരണഘടന ബെഞ്ചിന്റെ പരിഗണനയ്ക്ക് വിട്ട വിഷയങ്ങള് ആണ്. ഇവയുടെ തീരുമാനം വന്ന ശേഷമേ ശബരിമല പുനഃപരിശോധന ഹര്ജികളില് അന്തിമ തീരുമാനം ഉണ്ടാവുകയുള്ളൂ.
അതിനാല് ഇപ്പോള് തിരക്കിട്ട് ശബരിമലയിലേക്ക് യുവതി പ്രവേശനം അനുവദിക്കരുത്. യുവതി പ്രവേശനം തിരക്കിട്ട് അനുവദിച്ചാല് ഹിന്ദു സമൂഹത്തില് ഉണ്ടാകുന്ന മുറിവ് പിന്നീട് ശമിപ്പിക്കാന് കഴിയില്ലെന്നും അരയ സമാജം അപേക്ഷയില് അവകാശപ്പെടുന്നു.
അതേസമയം ശബരിമല സന്ദര്ശനത്തിന് സംരക്ഷണം തേടി രഹ്ന ഫാത്തിമ ഫയല് ചെയ്ത റിട്ട് ഹര്ജിയില് സുപ്രീം കോടതിയില് തടസ്സ ഹര്ജിയും വന്നിരിക്കുകയാണ്. അഖില ഭാരതീയ അയ്യപ്പ ധര്മ്മ പ്രചാര സഭയാണ് തടസ്സ ഹര്ജി ഫയല് ചെയ്തത്. തങ്ങളുടെ വാദം കേള്ക്കാതെ ഇടക്കാല ഉത്തരവ് പുറപ്പെടുവിക്കരുതെന്ന് ആവശ്യപ്പെട്ടാണ് തടസ്സ ഹര്ജി.
ശബരിമല ആചാര സംരക്ഷണ സമിതി തിങ്കളാഴ്ച രഹ്ന ഫാത്തിമയുടെ ഹര്ജിയില് തടസ്സ ഹര്ജി സമര്പ്പിച്ചേക്കും. ശബരിമല സന്ദര്ശനത്തിന് സംരക്ഷണം തേടി രഹ്ന ഫാത്തിമ നല്കിയ റിട്ട് ഹര്ജിക്ക് ഒപ്പം ബിന്ദു അമ്മിണിയുടെ അപേക്ഷയും ഈ ആഴ്ച കേള്ക്കാം എന്ന് ചീഫ് ജസ്റ്റിസ് എസ് എ ബോബ്ഡെ വ്യക്തമാക്കിയിരുന്നു.
ശബരിമല യുവതീ പ്രവേശന വിഷയത്തില് സുപ്രീം കോടതിയെ സമീപിച്ച് ബിന്ദു അമ്മിണി വീണ്ടും രംഗത്തെത്തിയതോടെ ശബരിമല വീണ്ടും ചര്ച്ചയിലായിരിക്കുകയാണ്. ശബരിമല വിധി നടപ്പിലാക്കാന് സംസ്ഥാന സര്ക്കാരിനോട് നിര്ദേശിക്കണം എന്നാവശ്യപ്പെട്ടാണ് ബിന്ദു അമ്മിണി സുപ്രീം കോടതിയില് അപേക്ഷ നല്കിയിരിക്കുന്നത്. ശബരിമലയിലേക്ക് എത്തുന്ന സ്ത്രീകളുടെ പ്രായം പരിശോധിക്കുന്ന പോലീസിന്റെ നടപടി അടിയന്തരമായി നിര്ത്തണമെന്നും ബിന്ദു അമ്മിണി ആവശ്യപ്പെടുന്നു.
യുവതീ പ്രവേശനം തടയുന്ന ആളുകള്ക്കെതിരെ നടപടി വേണമെന്നും ശബരിമല ദര്ശനത്തിന് ആഗ്രഹിക്കുന്ന യുവതികള്ക്ക് സംരക്ഷണം നല്കണം എന്നും ബിന്ദു അമ്മിണി അപേക്ഷയില് ആവശ്യപ്പെടുന്നു. ഇത് കൂടാതെ യുവതീ പ്രവേശനം അനുവദിച്ച് കൊണ്ടുളള സുപ്രീം കോടതി വിധിക്ക് സംസ്ഥാന സര്ക്കാര് പ്രചാരണം നല്കണം എന്നും ബിന്ദു അമ്മിണി ആവശ്യപ്പെടുന്നു. ഇതിനെ തടയിട്ടാണ് അരയസമൂഹം രംഗത്തെത്തിയത്.
https://www.facebook.com/Malayalivartha