തോക്കുണ്ടാക്കാന് പഠിച്ചത് യൂട്യൂബിലൂടെ... ആ തോക്കില് നിന്നും വെടിയേറ്റത് സുഹൃത്തിന്!
നായാട്ടിനിടെ, കോഴിക്കോട് വിലങ്ങാട് യുവാവ് വെടിയേറ്റു മരിച്ചതില് സൃഹൃത്ത് അറസ്റ്റില്. വളയംതൊട്ടിയില് ലിബിന് മാത്യു (28) വാണ് അറസ്റ്റിലായത്. ലിപിന്റെ കൈവശമുണ്ടായിരുന്ന തോക്കില് നിന്നു വെടിയേറ്റാണ് റഷീദ് മരിച്ചത്. അബദ്ധത്തില് വെടിയുതിര്ത്തെന്നാണ് ലിപിന് പൊലിസിനോട് പറഞ്ഞത്. ലിപിന് സ്വന്തമായി ഉണ്ടാക്കിയതാണ് തോക്കെന്നും ഇതിന് ലൈസന്സ് ഇല്ലെന്നും പൊലിസ് കണ്ടെത്തിയിരുന്നു
കഴിഞ്ഞ ദിവസം രാത്രി 9-ന് പുള്ളിപ്പാറക്കടുത്താണ് റഷീദിന് വെടിയേറ്റത്. വെടിയേറ്റ വിവരം നാട്ടുകാരെ അറിയിച്ചത്് ലിബിന് മാത്യു തന്നെയാണ്. ഉടന്തന്നെ കുറ്റ്യാടി ഗവ. താലൂക്ക് ആശുപത്രിയില് എത്തിച്ചെങ്കിലും രക്ഷിക്കാനായില്ല. അയല്വാസികളായ റഷീദും ലിബിന് മാത്യുവും ശനിയാഴ്ച രാത്രിയാണ് നായാട്ടിനു പോയത്.
കുന്നില്മുകളിലുള്ള സ്ഥലത്തേക്ക് ലിബിന് മാത്യു തോക്കുമായി മുന്നില്പോവുകയായിരുന്നു. പിന്നാലെ പോയ റഷീദ് ഉപയോഗിച്ച ഹെഡ് ലൈറ്റിന്റെ പ്രകാശത്തില് എന്തോ അനക്കം കേട്ട ദിക്കിലേക്ക് ലിബിന് മാത്യു അബദ്ധത്തില് വെടിവയ്ക്കുകയായിരുന്നുവെന്ന് പൊലീസ് പറഞ്ഞു. പ്രതിയെ ഇന്നു കോടതിയില് ഹാജരാക്കും.
കണ്ണൂര് ക്രൈം ബ്രാഞ്ച് സയിന്റിഫിക് ഓഫിസര് ഡോ. ഹെല്ന, കോഴിക്കോട് റൂറല് വിരലടയാള വിദഗ്ധന് ദിജീഷ് പ്രസാദ് എന്നിവര് മൃതദേഹ പരിശോധന നടത്തി. ഇന്സ്പെക്ടര് എന്. സുനില്കുമാറിന്റെ നേതൃത്വത്തില് ലിബിന് മാത്യുവിനെ സംഭവസ്ഥലത്ത് എത്തിച്ചു തെളിവെടുപ്പ് നടത്തി. അപകടമുണ്ടായ സ്ഥലത്തുനിന്ന് തോക്ക് പൊലീസ് കസ്റ്റഡിയില് എടുത്തു. വെല്ഡിങ് ജോലിക്കാരനായ ലിബിന് മാത്യു യൂട്യൂബില് നിന്നു പഠിച്ചാണ് ഒരു തിര നിറയ്ക്കാവുന്ന തോക്ക് നിര്മിച്ചതെന്ന് പൊലീസ് പറഞ്ഞു.
മനപ്പൂര്വമല്ലാത്ത നരഹത്യ വകുപ്പ് അനുസരിച്ചാണ് ലിപിന്റെ അറസ്റ്റ് രേഖപ്പെടുത്തിയത്. ലിപിന് സ്വന്തമായി ഉണ്ടാക്കിയതാണ് നാടന് തോക്ക് .ഇതിന് ലൈസന്സും ഉണ്ടായിരുന്നില്ല. യൂ ട്യൂബിലൂടെയാണ് തോക്കുണ്ടാക്കാന് പഠിച്ചതെന്നാണ് പൊലിസിനു നല്കിയ മൊഴി. റഷീദിന്റെ ബന്ധുക്കള് കൂടുതല് അന്വേഷണം ആവശ്യപ്പെട്ടിട്ടുണ്ട്. പുള്ളിപ്പാറ വനത്തിനു സമീപം വച്ചായതിനാലും നായാട്ടിനിടെ ഉണ്ടായ അപകടമായതിനാലും വനം വകുപ്പും അന്വേഷണം നടത്തുന്നുണ്ട്. ഇതിനായി പ്രതിയെ കസ്റ്റഡിയില് വാങ്ങാനാണ് തീരുമാനം.
പെയിന്റിങ് ജോലിക്കാരനാണ് റഷീദ്. മണ്ടേപ്പുറം അമ്മദ്, ഹാജറ ദമ്പതികളുടെ മകനാണ്. ഭാര്യ. സറീന. മക്കള്. ഹന്ന ഫാത്തിമ, മുഹമ്മദ് സൈനുല് ആബിദീന്. മൃതദേഹം മെഡിക്കല് കോളജ് ആശുപത്രിയിലേക്ക് മാറ്റി. ഇന്ന് പോസ്റ്റ് മോര്ട്ടത്തിനു ശേഷം കബറടക്കം നടക്കും.
https://www.facebook.com/Malayalivartha
