നല്ലവര്ക്ക് കാലമില്ല... കൊച്ചിയില് നിന്നും തൃശൂരിലേക്ക് നാടുകടത്തിയ നിശാന്തിനി വീണ്ടും ഉന്നതര്ക്ക് ഭീഷണിയായി; കമ്മീഷണര് സ്ഥാനത്തു നിന്നും നീക്കാന് ശ്രമം
നല്ല കാര്യങ്ങള് ചെയ്യുന്നവന് കാലമില്ലെന്ന് ഒരു ചൊല്ലുണ്ട്. ഇതേ അവസ്ഥയിലാണ് ഇപ്പോള് തൃശൂര് കമ്മീഷണറായ ആര്. നിശാന്തിനി. കൊച്ചി സിറ്റി പോലീസില് ഡിസിപിയായിരുന്ന നിശാന്തിനിയുടെ ശക്തമായ നിലപാടുകളാണ് അവര്ക്ക് ശത്രുക്കള് ഉണ്ടാക്കിയത്.
കൊച്ചിയില് യുവനടന് ഷൈന് ടോം ചാക്കോ ഉള്പ്പെട്ട കൊക്കെയ്ന് കേസ് അന്വേഷണ ചുമതലയില് ശക്തമായ നടപടികളുമായി നിശാന്തിനി മുന്നോട്ടുപോയതാണു നിശാന്തിനിയെ കൊച്ചിയില് നിന്നും നീക്കം ചെയ്യാന് കാരണമായത്. കൊക്കെയ്ന് കേസുമായി ബന്ധപ്പെട്ട നിശാന്തിനി മലയാള സിനിമയിലെ പ്രമുഖനായ യുവനടന്റെ തൃപ്പൂണിത്തുറയിലുള്ള ഫ്ളാറ്റില് റെയ്ഡ് നടത്തിയിരുന്നു. ഇത് കൂടാതെ കൊക്കെയ്ന് കേസില് ഉള്പ്പെട്ട മുഴുവന് വമ്പന്മാരേയും പിടിക്കാനുള്ള തന്ത്രവും നിശാന്തിനി ആവിഷ്കരിച്ചിരുന്നു.
കൊച്ചിയില് പ്രമുഖ നക്ഷത്ര ഹോട്ടലിലും ആഡംബര നൗകയിലും മേലുദ്യോഗസ്ഥരെ അറിയിക്കാതെ റെയ്ഡ് നടത്തി പ്രമുഖരെ വെട്ടിലാക്കി. ആ അന്വേഷണം ഇപ്പോഴത്തെ വിവാദ വ്യവസായി മുഹമ്മദ് നിസാമിലേക്കാണ് എത്തിയത്. തുടര്ന്നാണ് നിശാന്തിനിയെ നാടു കടത്താന് തീരുമാനിച്ചത്. നാടുകടത്തല് വിവാദം ഉണ്ടാക്കാതിരിക്കാന് പ്രമോഷനും നല്കി.
എന്നാല് നാടു കടത്തി നിശാന്തിനി എത്തിയപ്പോള് തന്നെ നിസാം പ്രശ്നവും വന്നു. മുഹമ്മദ് നിസാമിനെതിരേയുള്ള കൊലക്കേസിന്റെ അന്വേഷണ ചുമതല നിശാന്തിനിക്കാണ്. ചന്ദ്രബോസിന്റെ കൊലപാതകത്തില് നിസാമിന് രക്ഷപ്പെടാന് കഴിയാത്ത വിധം നിശാന്തിനി ജാഗ്രത പുലര്ത്തി. ഇതോടൊപ്പം കൊക്കെയ്ന് കേസും ഉയര്ത്തി കൊണ്ടു വന്നു. തുടര്ന്നാണ് തൃശൂര് കമ്മീഷണര് സ്ഥാനത്തു നിന്നും നിശാന്തിനിയെ നീക്കാനുള്ള അണിയറയില് ശ്രമങ്ങളാരംഭിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
