മഹാരാഷ്ട്ര ഭരണത്തെ ചൊല്ലി ബിജെപിയും ശിവസേനയും. തമ്മിലടിച്ച് ശിവസേന രഹുല്‍ ഗാന്ധിയോടൊപ്പം ചേര്‍ന്നെങ്കിലും ഒരു സന്നിദ്ധ ഘട്ടത്തില്‍ രാഹുല്‍ ഗന്ധിയെ ശിവസേന തള്ളിപ്പറഞ്ഞിരിക്കുകയാണ്. ഹിന്ദുത്വ പ്രത്യയശ്‌സ്ത്ര വിശ്വാസങ്ങളില്‍ ഒരു വിട്ടുവീഴ്ചയുമില്ലെന്നും വീര സവര്‍ക്കര്‍ രാജ്യത്തിന്റെ ദൈവമാണെന്നും ശിവസേന നേതാവ് സഞ്ജയ് റാവത്ത്. റേപ്പ് ഇന്‍ ഇന്ത്യ പരാമര്‍ശത്തില്‍ മാപ്പ് പറയാന്‍ തന്റെ പേര് വീര സവര്‍ക്കറെന്നല്ലെന്നുമായിരുന്നു രഹുലിന്റെ പ്രസ്താവന. ഇതിനെതിരെയാണ് ശിവസേന രംഗത്ത് വന്നത്.

സവര്‍ക്കറെ അപമാനിക്കരുത്. മഹാരാഷ്ട്ര മാത്രമല്ല, രാജ്യം മുഴുവന്‍ ദൈവതുല്യനായി കരുതുന്ന ആളാണ് അദ്ദേഹം. ഗാന്ധിയേയും നെഹ്‌റുവിനേയും പോലെ സവര്‍ക്കറേയും ബഹുമാനിക്കണമെന്ന് സഞ്ജയ് റാവത്ത് ട്വിറ്ററിലൂടെ വ്യക്തമാക്കി.

നെഹ്‌റുവിനേയും ഗാന്ധിയേയും പോലെ രാജ്യത്തിനായി അദ്ദേഹവും ജീവന്‍ ത്യാഗം ചെയ്തു. അത്തരത്തിലുള്ള എല്ലാവരും ആദരിക്കപ്പെടുന്നു. അതിലൊന്നും വീട്ടുവീഴ്ചയില്ലെന്നും റാവത്ത് കൂട്ടിച്ചേര്‍ത്തു.

രാഹുല്‍ ഗാന്ധി നടത്തിയ പരാമര്‍ശത്തിനെതിരെ വിമര്‍ശനവുമായി മധ്യപ്രദേശ് മുന്‍ മുഖ്യമന്ത്രി ശിവരാജ് സിങ് ചൗഹാനും രംഗത്തെത്തി. ആര്‍ക്കെങ്കിലും പേരിനൊപ്പം സവര്‍ക്കര്‍ എന്ന് ചേര്‍ക്കണമെങ്കില്‍ അയാള്‍ വീര്‍ അഥവാ ധൈര്യമുള്ളവന്‍ ആയിരിക്കണമെന്ന് ചൗഹാന്‍ ട്വിറ്ററിലൂടെ തുറന്നടിച്ചു.

വീര സവര്‍ക്കര്‍ക്കെതിരായ കോണ്‍ഗ്രസ് നേതാവ് രാഹുല്‍ ഗാന്ധിയുടെ പരാമര്‍ശത്തെ വിമര്‍ശിച്ച് കേന്ദ്ര മന്ത്രി രവി ശങ്കര്‍ പ്രസാദും രംഗത്തെത്തി. രാഹുലിന്റെ ഇത്തരത്തിലുള്ള പരാമര്‍ശം അഹംഭാവം കാരണമാണ്. രാഹുല്‍ ഗാന്ധിക്ക് വീര സവര്‍ക്കറെ കുറിച്ചോ ഇന്ത്യയുടെ ചരിത്രത്തെ പറ്റിയോ അറിയില്ലെന്നും കേന്ദ്ര മന്ത്രി പരിഹസിച്ചു.

വീര സവര്‍ക്കര്‍ ഇന്ത്യയില്‍ ജനിച്ചതില്‍, രാജ്യത്തെ ജനങ്ങള്‍ അഭിമാനം കൊള്ളുന്നു. ജനങ്ങള്‍ ഒരിക്കലും രാഹുലില്‍ നിന്നും മാപ്പ് അപേക്ഷ പ്രതീക്ഷിക്കുന്നില്ല. അത്രത്തോളമുണ്ട് അഹംഭാവം നിറഞ്ഞ സംസാരമെന്നും രവി ശങ്കര്‍ പ്രസാദ് കൂട്ടിച്ചേര്‍ത്തു.

അതേസമയം രാഹുല്‍ ഗാന്ധിക്ക് ഉപദേശവുമായി പാക് മന്ത്രി നേരത്തെ രംഗത്തെത്തിയത് വീണ്ടും ചര്‍ച്ചയാകുകയാണ്. രാഹുല്‍ അദേഹത്തിന്റെ മുത്തച്ഛനെ കണ്ടുപഠിക്കാനാണ് മന്ത്രി സിഎച്ച് ഫവാദ് ഹുസൈന്‍ ഉപദേശിച്ചിരിക്കുന്നത്. കശ്മീരില്‍ അക്രമസംഭവങ്ങള്‍ അരങ്ങേറുകയാണെന്നും ജനങ്ങള്‍ മരിക്കുകയാണെന്നുമുള്ള രാഹുലിന്റെ പൊള്ളവാദത്തെ കൂട്ടുപിടിച്ച് പാക്കിസ്ഥാന്‍ യുഎന്നിന് കത്തെഴുതിയിരുന്നു. പാക് മനുഷ്യാവകാശ കമ്മീഷന്‍ ഷിറീന്‍ മസാരി ട്വിറ്ററിലൂടെയാണ് ഇക്കാര്യം അറിയിച്ചത്. തുടന്ന് ഇത് തിരിച്ചടിയാകുമെന്ന് മനസിലായ രാഹുല്‍ ഗാന്ധി പാകിസ്താനെതിരെ രൂക്ഷ വിമര്‍ശനം നടത്തിയിരുന്നു. സര്‍ക്കാരിനോട് എനിക്ക് പലവിഷയങ്ങളിലും എതിര്‍പ്പുണ്ട് എന്നത് ശരിയാണ്. കശ്മീര്‍വിഷയം ഇന്ത്യയുടെ ആഭ്യന്തര പ്രശ്‌നമാണെന്നും അതില്‍ പാകിസ്ഥാനടക്കം ആരും ഇടപെടേണ്ടതില്ലെന്നും രാഹുല്‍പറഞ്ഞു. ലോകമെമ്പാടുമുള്ള ഭീകരതയുടെ പ്രധാന പിന്തുണക്കാരായി അറിയപ്പെടുന്ന പാകിസ്ഥാനാണ് കശ്മീരിലെയും സംഘര്‍ഷങ്ങള്‍ക്ക് പ്രേരണ നല്‍കുന്നതെന്ന് രാഹുല്‍ ട്വിറ്ററിലൂടെ അറിയിച്ചു.

ഇതിനുപിന്നാലെയാണ് രാഹുലിനോട് പാകിസ്ഥാന്‍ ശാസ്ത്ര സാങ്കേതിക വകുപ്പ് മന്ത്രി ഫവാദ് ഹുസൈന്‍ ട്വിറ്ററിലൂടെ മറുപടി നല്‍കിയത്. ആശയകുഴപ്പമാണ് രാഹുലിന്റെ രാഷ്ട്രീയത്തിലെ പ്രധാനപ്രശ്‌നം. മുത്തച്ഛനെ പോലെ ഏതെങ്കിലും ഒരു നിലപാട് ഉയര്‍ത്തിപ്പിടിക്കാന്‍ രാഹുലിനാകണമെന്ന് അദ്ദേഹം പരിഹസിച്ചു. സവര്‍ക്കര്‍ പരാമര്‍ശവും രാഹുലിന് വിനയായി മാറുകയാണ്. അതില്‍ മാപ്പ് പറയുമോന്ന് കണ്ടറിയാം.