ദേശീയപാതയില് കാറിടിച്ചു പരുക്കേറ്റ് പതിനെട്ടുകാരന് ദാരുണാന്ത്യം
ദേശീയപാതയില് കാറിടിച്ചു പരുക്കേറ്റ് ചോരവാര്ന്ന് പതിനെട്ടുകാരന് ദാരുണാന്ത്യം. ചേമഞ്ചേരി കാപ്പാട് റെയിഷാസില് ഫൈസല് അഹമ്മദിന്റെ മകന് ഫര്സീന് അഹമ്മദ് ആണ് മരിച്ചത്. അപകടത്തില് പരുക്കേറ്റ് ഫര്സീന് 25 മിനിറ്റോളം റോഡില് കിടന്നെങ്കിലും ആരും കുട്ടിയെ ആശുപത്രിയിലെത്തിച്ചില്ല. ഈ സമയം ദേശീയപാതയിലൂടെ ഒട്ടേറെ വാഹനങ്ങള് കടന്നുപോയെങ്കിലും ഒന്നും നിര്ത്തുകയോ ഫര്സീനെ ആശുപത്രിയിലെത്തിക്കാന് തയാറാകുകയോ ചെയ്തില്ല. ഈ സമയമത്രയും ചോര വാര്ന്ന് റോഡില് കിടക്കുകയായിരുന്നു കുട്ടി.തൊഴിലാളികളും യാത്രക്കാരും അറിയിച്ചതിനെ തുടര്ന്ന് ഏകദേശം അരമണിക്കൂര് കഴിഞ്ഞ്, ആംബുലന്സെത്തിയാണ് ഫര്സീനെ മെഡിക്കല് കോളജ് ആശുപത്രിയിലെത്തിച്ചത്. എന്നാല്, ഉച്ചയോടെ മരിച്ചു. ഫര്സീനെ ഇടിച്ച കാര് ഇതുവരെ കണ്ടെത്തിയിട്ടില്ല.
അത്തോളിയിലെ ദന്താശുപത്രിയില് ചികിത്സ കഴിഞ്ഞു മടങ്ങവേയാണ് അപകടമുണ്ടായത്. ഫര്സീന് സഞ്ചരിച്ച ബൈക്കില് അതേ ദിശയില് വന്ന കാറിടിക്കുകയായിരുന്നു. ഇടിയേറ്റു റോഡിലേക്ക് തെറിച്ചുവീണ ഫര്സീന് എതിര്ദിശയില്വന്ന മറ്റൊരു കാറിനടിയിലേക്ക് വീണു. റോഡിലൂടെ കടന്നുപോയവരാരും കുട്ടിയെ സഹായിക്കാന് ശ്രമിച്ചില്ല, പകരം അപകടത്തിന്റെ ദൃശ്യങ്ങള് ഫോണില് പകര്ത്തുകയും ചെയ്തു.
https://www.facebook.com/Malayalivartha
