മുഖ്യമന്ത്രി വിജയ്യെ അതിരുവിട്ട് പ്രശംസിക്കുന്നത് വിലക്കി സ്പീക്കറും മന്ത്രിയും
മുഖ്യമന്ത്രി വിജയ്യോട് നന്ദി പറഞ്ഞുകൊണ്ട് ടിവികെ എംഎല്എ സിന്ധു നിയമസഭയില് എംജിആറിന്റെ 'കൊടുത്തതൊക്കെ കൊടുത്താന്' എന്ന ഗാനം ആലപിച്ചതിന് പിന്നാലെ മുഖ്യമന്ത്രിയെ അതിരുവിട്ട് പ്രശംസിക്കുന്നത് വിലക്കി സ്പീക്കറും മന്ത്രിയും. പ്രശംസ അനുവദിക്കരുതെന്ന് മുഖ്യമന്ത്രി എഴുതി നല്കിയതായി സ്പീക്കര് ജെ സി ഡി പ്രഭാകര് അറിയിച്ചു. നിയമസഭയില് വിഷയത്തില് ഒതുങ്ങി പ്രസംഗിച്ചാല് മതിയെന്നും സ്പീക്കര് നിര്ദേശം നല്കി. മുഖ്യമന്ത്രിയെ അമിതമായി പ്രശംസിക്കരുതെന്ന് മന്ത്രി ആധവ് അര്ജുനയും പറഞ്ഞു.
ഉയര്ന്ന പാല് സംഭരണ വില, എല്ലാ എംഎല്എമാര്ക്കും കാര് എന്നിവയുള്പ്പെടെ വിവിധ പ്രഖ്യാപനങ്ങള് നടത്തിയതിന് മുഖ്യമന്ത്രി വിജയ്യോട് നന്ദി പറഞ്ഞുകൊണ്ട് ടിവികെ എംഎല്എ സിന്ധു നിയമസഭയില് എംജിആറിന്റെ 'കൊടുത്തതൊക്കെ കൊടുത്താന്' എന്ന ഗാനം ആലപിച്ചിരുന്നു.
ഇതേത്തുടര്ന്നാണ് മുഖ്യമന്ത്രിയെ പ്രശംസിക്കുന്നത് അമിതമാകരുതെന്ന് മന്ത്രി ആധവ് അര്ജുന എംഎല്എമാരെ ഉപദേശിച്ചത്. അമിതമായ മുഖസ്തുതിക്കെതിരെ മുന്നറിയിപ്പ് നല്കിയ മന്ത്രി, അത്തരം പ്രവൃത്തികള് മുഖ്യമന്ത്രിക്ക് ഇഷ്ടപ്പെടില്ലെന്ന് സൂചിപ്പിക്കുകയും ചെയ്തു.
സംസ്ഥാനത്തെ എല്ലാ എംഎല്എമാര്ക്കും മണ്ഡലങ്ങളില് യാത്ര ചെയ്യുന്നതിനായി പുതിയ കാറുകള് അനുവദിക്കുമെന്നാണ് മുഖ്യമന്ത്രി വിജയ് പ്രഖ്യാപിച്ചത്. ജനങ്ങളുടെ ആവശ്യങ്ങള് നേരിട്ട് മനസിലാക്കാനും മണ്ഡലങ്ങളില് സ്ഥിരമായി സന്ദര്ശനം നടത്താനും എംഎല്എമാര്ക്ക് വാഹന സൗകര്യം അനിവാര്യമാണെന്ന് അദ്ദേഹം വ്യക്തമാക്കി.
പുതിയ കാറുകള് അനുവദിക്കുന്നതിന് പുറമെ െ്രെഡവറുടെ ശമ്പളത്തിനും മറ്റ് അനുബന്ധ ചെലവുകള്ക്കുമായി ഓരേ എംഎല്എയ്ക്കും മാസം 75,000 രൂപ വീതം നല്കാനും സര്ക്കാര് തീരുമാനിച്ചിരിക്കുകയാണ്. കൂടാതെ എംഎല്എ ഓഫീസില് അസിസ്റ്റന്റുമാരെ നിയമിക്കുന്നതിനായി മാസം 25,000 രൂപ അധികമായി അനുവദിക്കാനും വിജയ് സര്ക്കാര് തീരുമാനിച്ചിട്ടുണ്ട്.
https://www.facebook.com/Malayalivartha
