ഒരിക്കല്‍ കൂടി സരിതാ നായരും സോളാര്‍ കേസുമെല്ലാം സജീവമാകുന്നു. സോളാര്‍ കേസിലെ പ്രതിക്കായി മുഖ്യമന്ത്രി ഇടപെട്ടു എന്നതിന്റെ തെളിവ് പുറത്തുവിട്ടയാള്‍ക്കാണ് സരിതാ എസ് നായരുടെ ഭീഷണി വന്നത്. കേസില്‍ ജയിലില്‍ കഴിയുന്ന മണിലാലിന്റെ സഹോദരന്‍ റിജീഷിനെയാണ് സരത ഭീഷണിപ്പെടുത്തുന്നത്. റിജീഷിനെ ഫോണ്‍ വിളിച്ചാണ് സരിത ഭീഷണിപ്പെടുത്തിയതെന്ന് പുറത്തുവന്ന ഓഡിയോവില്‍ വ്യക്തമാണ്. നിന്റെ രണ്ട് കാലേ ഒടിഞ്ഞിട്ടുള്ളൂ. എന്നോട് കളിച്ചാല്‍ കൊന്ന് കളയുമെന്നാണ് സരിതയുടെ ഭീഷണി. 

സോളാര്‍ കേസിലെ പ്രതിക്കായി മുഖ്യമന്ത്രി ഇടപെട്ടുവെന്ന് തെളിയിക്കുന്ന ഫോണ്‍ സംഷഭാണം മീഡിയ വണ്‍ ചാനലാണ് പുറത്തുവിട്ടത്. പ്രതിയുടെ സഹോദരനും മുഖ്യമന്ത്രിയും തമ്മിലുള്ള സംഭാഷണങ്ങളാണ് പുറത്തായത്.
മണിലാല്‍ എന്ന പ്രതിയുടെ ബന്ധുക്കള്‍ക്കാണ് മുഖ്യമന്ത്രി ഉറപ്പ് നല്‍കിയത്. മണിലാലിന്റെ സഹോദരന്‍ റിജേഷുമായാണ് മുഖ്യമന്ത്രി സംസാരിച്ചത്. പി എ മാധവന്‍ എംഎല്‍എയുമായി ബന്ധപ്പെട്ടാല്‍ മതിയെന്ന് മുഖ്യമന്ത്രി പറഞ്ഞു. മാധവനോട് പറഞ്ഞിട്ടുണ്ടെന്ന് മുഖ്യമന്ത്രി ഫോണില്‍ പറയുന്നു. പണം നല്‍കാന്‍ മുഖ്യമന്ത്രിയുടെ നിര്‍ദ്ദേശ പ്രകാരം പി എ മാധവന്‍ എംഎല്‍എ ഇടപെട്ടുവെന്നാണ് ആക്ഷേപം.
മണിലാലിനെ രക്ഷിക്കാമെന്ന് ഉമ്മന്‍ ചാണ്ടി നേരിട്ട് ഉറപ്പ് നല്‍കുന്നുണ്ട്. തൃശൂരില്‍ യുഡിഎഫ് കണ്‍വന്‍ഷനിടെ ഉമ്മന്‍ ചാണ്ടിയുടെ തന്നെ നിര്‍ദ്ദേശപ്രകാരം അദ്ദേഹത്തെ നേരില്‍ കണ്ടപ്പോഴാണ് മണിലാലിനെ പുറത്തിറക്കാമെന്ന് മുഖ്യമന്ത്രി വാക്കാല്‍ ഉറപ്പ് നല്‍കിയതെന്നാണ് റിജേഷിന്റെ ബന്ധുക്കള്‍ പറയുന്നത്. സാമ്പത്തിക സഹായമായി പിഎ മാധവന്‍ വഴി 50,000 രൂപ എത്തിച്ചു നല്‍കുകയും ചെയ്തു. സരിതക്കും മറ്റും വ്യാജ െ്രെഡവിങ് ലൈസന്‍സ് ഉള്‍പ്പെടെ സംഘടിപ്പിച്ച് നല്‍കിയത് മണിലാലാണ്. ബിജു രാധാകൃഷ്ണനും ഉമ്മന്‍ ചാണ്ടിയുമായി നടത്തിയ വിവാദ കൂടിക്കാഴ്ചയില്‍ ബിജുവിനെ അനുഗമിച്ചത് മണിലാലായിരുന്നു.
ടീം സോളാറിന്റെ സാങ്കേതിക വിഭാഗത്തില്‍ ജീവനക്കാരനായിരുന്നു മണിലാല്‍. മുഖ്യമന്ത്രിയുടെ ഉറപ്പ് ലഭിച്ചിട്ടും മണിലാലിന്റെ മോചനം സാധ്യമാകാഞ്ഞതിനെ തുടര്‍ന്ന് റിജേഷും മുഖ്യമന്ത്രിയും തമ്മില്‍ നടത്തിയ ടെലിഫോണ്‍ സംഭാഷണത്തിന്റെ ശബ്ദരേഖയാണ് മീഡിയവണിന് ലഭിച്ചത്. പ്രതികള്‍ക്ക് ആവശ്യമായ സാമ്പത്തിക സഹായം ആസൂത്രണം ചെയ്യുന്നത് മണലൂര്‍ എംഎല്‍എയായ പിഎ മാധവനാണെന്ന് ബിജു രാധാകൃഷ്ണന്‍ നേരത്തെ ആരോപിച്ചിരുന്നു.
കേസില്‍ കഴിഞ്ഞ മണിലാല്‍ ഇരുപത് മാസമായി ജയിലിലാണ്. തെളിവുകള്‍ പുറത്ത് വിട്ടാല്‍ കൊല്ലുമെന്ന് സരിത ഭീഷണിപ്പെടുത്തിയെന്ന് റിജേഷ് വെളിപ്പെടുത്തി. അതിനിടെ സോളാര്‍ കേസില്‍ താന്‍ ഇടപെട്ടില്ലെന്ന് മാധവന്‍ വ്യക്തമാക്കി. ആര്‍ക്കും പണം നല്‍കിയിട്ടില്ലെന്നും മാധവന്‍ പറഞ്ഞു. സോളാര്‍ കേസില്‍ സരിത നായരുടെ കൂട്ടുപ്രതിയായ മണിലാലിന്റെ കേസ് നടത്താന്‍ മുഖ്യമന്ത്രി ഇടപെട്ടതായി വി എസ് സുനില്‍ കുമാര്‍ എംഎല്‍എ ഇന്നലെ സോളാര്‍ കമ്മീഷന് മൊഴി നല്‍കിയിരുന്നു.
മണിലാലിന്റെ സഹോദരന്‍ മുഖ്യമന്ത്രിയുമായി നടത്തുന്ന ഫോണ്‍ സംഭാഷണത്തിന്റെ ശബ്ദരേഖ തന്റെ കൈയിലുണ്ടെന്നും കമ്മീഷണനെ അറിയിച്ചു. ഈ ശബ്ദരേഖയാണ് മിഡിയോവണ്‍ പുറത്ത് വിട്ടത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha