ക്വട്ടേഷന് സംഘങ്ങളെ പൊക്കാന് \'ഓപ്പറേഷന് സുരക്ഷ\'
അക്രമികളെയും ഗുണ്ടകളെയും അമര്ച്ച ചെയ്ത് ജനങ്ങള്ക്ക് സൈ്വര്യ ജീവിതം ഉറപ്പാക്കാനായി \'ഓപ്പറേഷന് സുരക്ഷ\' പദ്ധതി സര്ക്കാര് തുടങ്ങി. സംസ്ഥാനത്തെ എല്ലാ ഗുണ്ടകളെയും അമര്ച്ച ചെയ്യും വരെ ഇതു തുടരുമെന്ന് ആഭ്യന്തര മന്ത്രി രമേശ് ചെന്നിത്തല വാര്ത്താസമ്മേളനത്തില് പറഞ്ഞു. ഇതിന്റെ ഭാഗമായി കഴിഞ്ഞ ദിവസം രാത്രി മുതല് ഇന്നലെ വരെ 1769 പേരെ വിവിധ ഭാഗങ്ങളില് നിന്നായി അറസ്റ്റു ചെയ്തു.
ഗുണ്ടകള് അടക്കം എല്ലാത്തരം കുറ്റവാളികളെയും അറസ്റ്റു ചെയ്യും. ഇതില് ഒരു തരത്തിലുള്ള രാഷ്ട്രീയ ഇടപെടലും അനുവദിക്കില്ലെന്നും മന്ത്രി പറഞ്ഞു. ഗുണ്ടകളെ ഏതെങ്കിലും തരത്തില് പോലീസ് സഹായിച്ചാല് അവര് സര്വീസില് കാണില്ല.
പോലീസും ഇന്റലിജന്സ് വിഭാഗവും ഏകോപിപ്പിച്ച് നടത്തുന്ന പദ്ധതിയുടെ ചുമതല എ.ഡി.ജി.പി അരുണ് കുമാര് സിന്ഹയ്ക്കാണ്. 1090 എന്ന ക്രൈം സ്റ്റോപ്പര് നമ്പരില് വിളിച്ച് ഗുണ്ടകളെ കുറിച്ചുളള വിവരം നല്കാന് ജനങ്ങള് തയ്യാറാവണമെന്നും ചെന്നിത്തല അഭ്യര്ത്ഥിച്ചു. വിളിച്ച ആളിന്റെ നമ്പര് ഇതില് അറിയാന് കഴിയില്ല. വിളിക്കുന്ന ആളിന്റെ വിവരങ്ങള് വെളിപ്പെടുത്തേണ്ടതുമില്ല. സ്ത്രീകള്ക്കും കുട്ടികള്ക്കും എതിരെ അക്രമം നടത്തുന്നവരെ പിടികൂടുന്നതിന് മുന്ഗണന നല്കും.
ക്വട്ടേഷന് സംഘങ്ങള്, വിവിധ മാഫിയകള്, സാമൂഹിക വിരുദ്ധര്, സ്ഥിരം കുറ്റവാളികള്, സാമ്പത്തിക കുറ്റവാളികള്, ജാമ്യം എടുത്ത് മുങ്ങി നടക്കുന്നവര്, പിടികിട്ടാപ്പുള്ളികള് തുടങ്ങിയവരെയെല്ലാം അറസ്റ്റു ചെയ്ത് നിയമത്തിന്റെ മുന്നില് കൊണ്ടുവരുമെന്ന് ആഭ്യന്തര മന്ത്രി പറഞ്ഞു.ബ്ലേഡ് മാഫിയക്കെതിരെ മുമ്പ് സംസ്ഥാന പോലീസ് നടത്തിയ \'ഓപ്പറേഷന് കുബേര\' ഏറെ ശ്രദ്ധ നേടിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
