എല്ലാം കേന്ദ്രത്തിന്റെ കളികൾ; പന്തീരാങ്കാവ് യുഎപിഎ കേസില് വിദ്യാര്ത്ഥികളായ അലന്, താഹ എന്നിവരെ യു.എ.പി.എ ചുമത്തി അറസ്റ്റ് ചെയ്ത സംഭവത്തില് കേസ് എന്.ഐ.എ ഏറ്റെടുത്തത് കേന്ദ്രസര്ക്കാരിന്റെ നിര്ദേശ പ്രകാരം
പന്തീരാങ്കാവ് യുഎപിഎ കേസില് വിദ്യാര്ത്ഥികളായ അലന്, താഹ എന്നിവരെ യു.എ.പി.എ ചുമത്തി അറസ്റ്റ് ചെയ്ത സംഭവത്തില് കേസ് എന്.ഐ.എ ഏറ്റെടുത്തത് കേന്ദ്രസര്ക്കാരിന്റെ നിര്ദേശ പ്രകാരം. യു.എ.പി.എ. ചുമത്തിയതിനാല് കേസ് എന്.ഐ.എ നിയമത്തിന്റെ പരിധിയില് വരുമെന്ന് കേന്ദ്ര ആഭ്യന്തരമന്ത്രാലയം വ്യക്തമാക്കുന്നു.
ഡിസംബര് 16-ന് കേസ് എന്.ഐ.എ ഏറ്റെടുക്കേണ്ടതാണെന്ന് ചൂണ്ടിക്കാണിച്ച് കേന്ദ്ര ആഭ്യന്തര മന്ത്രാലയം അണ്ടര് സെക്രട്ടറി ധര്മേന്ദ്ര കുമാര് ഡി.ജി.പിക്കും ചീഫ് സെക്രട്ടറിക്കും എന്.ഐ.എ ഡയറക്ടര് ജനറലിനും കത്തയച്ചു. 2008ലെ എന്.ഐ.എ നിയമത്തിലെ വ്യവസ്ഥകള് ചൂണ്ടിക്കാണിച്ചു കൊണ്ട് കേസ് എന്.ഐ.എ അന്വേഷിക്കണമെന്ന് കത്തില് പറയുന്നു. എന്.ഐ.എ നിയമപ്രകാരം ഷെഡ്യൂള്ഡ് ക്രൈമില് ഉള്പ്പെടുന്നതാണ് അലന് ഷുഹൈബിനും താഹയ്ക്കും എതിരെ ചുമത്തിയിരിക്കുന്ന യു.എ.പി.എ.
കേസ് അന്വേഷണം എന്.ഐ.എയ്ക്കു വിടുന്നത് കേന്ദ്രസര്ക്കാരിന് നേരിട്ട് ലഭിച്ചവിവരങ്ങളുടെ അടിസ്ഥാനത്തിലാണെന്നും കേന്ദ്ര ആഭ്യന്തര മന്ത്രാലയം പറയുന്നു. ഇതിന്റെ അടിസ്ഥാനത്തിലാണ് കേസിന്റെ അന്വേഷണം സംസ്ഥാന പോലീസില്നിന്ന് എന്.ഐ.ഐ ഏറ്റെടുത്തിരിക്കുന്നത്. കൊച്ചി സൗത്ത് എസ്.പിയില്നിന്ന് എന്.ഐ.എ ഡി.വൈ.എസ്.പി എത്തി കേസ് അന്വേഷണം സംബന്ധിച്ച ഫയലുകള് നേരിട്ട് ഏറ്റെടുക്കുകയും ചെയ്തിട്ടുണ്ട്.
സി.പി.എം പ്രവര്ത്തകര്ക്കെതിരെ യു.എ.പി.എ ചുമത്തുകയും കേസ് സംസ്ഥാന സര്ക്കാരിന്റെ അറിവോടെ ദേശീയ അന്വേഷണ ഏജന്സിക്ക് കൈമാറുകയും ചെയ്തിട്ട് മുഖ്യമന്ത്രി പിണറായി വിജയന് ഒന്നും അറിഞ്ഞില്ലെന്ന മട്ടില് പീലാത്തോസിനെ പോലെ കൈ കഴുകുന്നെന്ന് ആക്ഷേപം. എന്.ഐ.എ കേസ് ഏറ്റെടുക്കുകയായിരുന്നെന്ന് സി.പി.എം വിശദീകരണക്കുറിപ്പ് ഇറക്കിയെങ്കിലും വിമര്ശനങ്ങള് തുടരുകയാണ്. സര്ക്കാരിന്റെ അറിവില്ലാതെ ഇത്തരത്തിലൊരു തീരുമാനം നടപ്പാകില്ലെന്ന് സാമാന്യബോധമുള്ള ആര്ക്കും അറിയാമെന്ന് രാഷ്ട്രീയ നിരീക്ഷകനായ ഉമോഷ്ബാബു കെ.സി ആരോപിക്കുന്നു. അദ്ദേഹം അടക്കം നിരവധി രാഷ്ട്രീയ, സാമൂഹ്യ, സാംസ്കാരിക പ്രവര്ത്തകര് സര്ക്കാര് നിലപാടിനെതിരെ രംഗത്തെത്തിയിരിക്കുകയാണ്.
കുറഞ്ഞ് എട്ട് വര്ഷമെങ്കിലും കഴിയാതെ അലനും താഹയ്ക്കും പുറത്തിറങ്ങാന് കഴിയില്ലെന്നാണ് നിയമവിദഗ്ധര് പറയുന്നത്. പഠിക്കാനും എക്സ്ട്രാ കരിക്കുലര് ആക്ടിവിറ്റീസിലും മിടുക്കരായ രണ്ട് ചെറുപ്പക്കാരെ കൊലയ്ക്ക് കൊടുത്തൂ എന്നാണ് അവരുമായി അടുപ്പമുണ്ടായിരുന്ന അധ്യാപകര് അടക്കം ആരോപിക്കുന്നത്. ഇരുവരെയും പാര്ട്ടിയില് നിന്ന് പുറത്താക്കിയിരുന്നെങ്കിലും പാര്ട്ടിയെ തള്ളിപ്പറയാന് അവര് തയ്യാറായില്ല. പ്രാദേശിക ഘടകങ്ങള് ഇവരെ എങ്ങനെയും യു.എ.പി.എയില് നിന്ന് ഒഴിവാക്കാന് ശ്രമിക്കുന്നുണ്ടായിരുന്നു. അലനും താഹയും മാവോയിസ്റ്റുകളാണെന്ന് മുഖ്യമന്ത്രി പിണറായി വിജയന് പരസ്യമായി പ്രതികരിച്ചതോടെ അവരും പ്രതിരോധത്തിലായി. 24 വയസ്സിന് താഴെയുള്ള രണ്ട് ചെറുപ്പക്കാര് വിചാരിച്ചാല് ഈനാട്ടില് എന്ത് മാവോയിസ്റ്റ് വിപ്ലവമാണ് നടക്കുന്നതെന്ന ആക്ഷേപം സി.പി.ഐ ചോദിക്കുന്നുണ്ട്.
സി.പി.എമ്മിന്റെ കേരളഘടകത്തിലെ ചിലരും കേന്ദ്രസര്ക്കാരിലെ ഉന്നത ഉദ്യോഗസ്ഥരും ഡി.ജി.പി ലോക്നാഥ് ബഹ്റയും അറിഞ്ഞുകൊണ്ടുള്ള കളിയാണ് സംസ്ഥാനത്തെ മാവോയിസ്റ്റ് വേട്ടയ്ക്കും വ്യാജഏറ്റുമുട്ടലിനും യു.എ.പി.എ അടക്കമുളള കേസുകള്ക്കും പിന്നിലെന്ന് വ്യാപകമായ ആക്ഷേപമുണ്ട്. സി.പി.എമ്മില് ബഹ്റഫാന്സ് അസോസിയേഷന് പ്രവര്ത്തിക്കുന്നുണ്ടെന്ന് പ്രമുഖമാധ്യമപ്രവര്ത്തകനായ ഷാജഹാന് അടുത്തിടെ പരിഹസിച്ചിരുന്നു. കേന്ദ്രസര്ക്കാരില് നിന്ന് ആഭ്യന്തരവകുപ്പിന് ഉള്പ്പെടെയുള്ള ഫണ്ടുകള് പെട്ടെന്ന് ലഭ്യമാക്കുന്നതിനാണ് ബഹ്റയെ ഡി.ജി.പിയായി വച്ചിരിക്കുന്നതെന്ന ആക്ഷേപം സി.പി.എമ്മിനുള്ളില് തന്നെ ശക്തമാണ്. സര്ക്കാരാകുമ്പോള് ഇത്തരം ചില വിട്ടുവീഴ്ചകള് ചെയ്തേ മുന്നോട്ട് പോകാനാകൂ അതുകൊണ്ട് പാര്ട്ടി ഈ വിഷയത്തില് കണ്ണടയ്ക്കുകയാണ്.
https://www.facebook.com/Malayalivartha
