മുണ്ടക്കയത്തിനടുത്ത് വനത്തില്‍ ശബരിമല തീര്‍ത്ഥാടകനെ കാട്ടാന കുത്തിക്കൊന്നു. ആളെ തിരിച്ചറിഞ്ഞിട്ടില്ല. തീര്‍ത്ഥാടകനോടൊപ്പം ഉണ്ടായിരുന്ന അയ്യപ്പന്‍മാരാണ് വിവരം ഫോറസ്റ്റ് അധികൃതരെ അറിയിച്ചത്. പരമ്പരാഗത കാനന പാതയാണിത്.

കഴിഞ്ഞ വര്‍ഷം ജനുവരി ഒമ്പതിന് കാനനപാതയില്‍ വെച്ച് കാട്ടാനയുടെ ആക്രമണത്തില്‍ തമിഴ്നാട് സേലം സ്വദേശി പരമശിവം എന്ന തീര്‍ഥാടകന്‍ മരിച്ചിരുന്നു.എരുമേലി പമ്പ കാനന പാതയില്‍ മുക്കുഴിക്കടുത്ത് വള്ളിത്തോട് വെച്ചായിരുന്നു സംഭവം. 

സംഭവത്തെ തുടര്‍ന്ന് സുരക്ഷ മുന്‍നിര്‍ത്തി തീര്‍ഥാടകരെ മുക്കുഴിയില്‍ നിന്നും കടത്തി വിടുന്നില്ല. സംഭവ സ്ഥലത്ത് നിന്നും കാട്ടാനകൂട്ടം പിന്‍മാറാത്തതിനാല്‍ പൊലീസിനോ വനപാലകര്‍ക്കോ മുക്കുഴിയില്‍ എത്താന്‍ കഴിഞ്ഞിട്ടില്ല. പെരുവന്താനം പൊലീസ് സ്ഥലത്ത് ക്യാമ്പ് ചെയ്യുന്നു.