ഉത്സവ കെട്ടുകാഴ്ച കണ്ടുനിന്ന യുവാവിനെ സൗഹൃദം നടിച്ചെത്തിയ സംഘം കൂട്ടിക്കൊണ്ടുപോയി കുത്തിക്കൊലപ്പെടുത്തി... കൂടെയുണ്ടായിരുന്ന സുഹൃത്തിന് കുത്തേറ്റ് ഗുരുതരാവസ്ഥയില്
ഉത്സവ കെട്ടുകാഴ്ച കണ്ടുനിന്ന യുവാവിനെ സൗഹൃദം നടിച്ചെത്തിയ സംഘം കൂട്ടിക്കൊണ്ടുപോയി കുത്തിക്കൊലപ്പെടുത്തി. ഒപ്പമുണ്ടായിരുന്ന സുഹൃത്തിനും കുത്തേറ്റു. ഇയാള് ഗുരുതരാവസ്ഥയില് ചികിത്സയിലാണ്. മൈലാപ്പൂര് മെഡിസിറ്റി ആശുപത്രിക്ക് പിറകില് നാസിലാ മന്സിലില് നവാസിന്റെയും സജീനയുടെയും മകന് നൗഫല് (19) ആണ് മരിച്ചത്. ഒപ്പമുണ്ടായിരുന്ന മൈലാപ്പൂര് മേലേവിളയില് വീട്ടില് മിഥിലാജിന്റെ മകന് ഫവാസ്(18) ആണ് കുത്തേറ്റ് ചികിത്സയിലുള്ളത്.സംഭവവുമായി ബന്ധപ്പെട്ട് രണ്ടുപേരെ പൊലീസ് കസ്റ്റഡിയിലെടുത്തു.
തഴുത്തല ശ്രീ മഹാഗണപതി ക്ഷേത്രത്തിലെ അവിട്ടം തിരുനാള് മഹോത്സവത്തോടനുബന്ധിച്ചുള്ള കെട്ടുകാഴ്ചകള് നടക്കവെ ഞായറാഴ്ച രാത്രി ഏഴരയോടെയായിരുന്നു സംഭവം.കെട്ടുകാഴ്ചകള് ദേശീയപാതയോരത്ത് കൊട്ടിയം ജങ്ഷെന്റ പടിഞ്ഞാറ് ഭാഗത്തുള്ള ലോഡ്ജിനു സമീപത്തെത്തിയപ്പോഴാണ് നൗഫലിനെയും ഫവാസിനെയും സൗഹൃദം നടിച്ച് റോഡിനടുത്തുള്ള ഇടവഴിയിലേക്ക് കൂട്ടിക്കൊണ്ടുപോയി കുത്തിയത്.
തിങ്കളാഴ്ച വൈകീട്ടോടെ വീട്ടിലെത്തിച്ച മൃതദേഹം വന് ജനാവലിയുടെ സാന്നിധ്യത്തില് തട്ടാമല മുസ്ലിം ജമാഅത്ത് ഖബര്സ്ഥാനില് ഖബറടക്കി.
"
https://www.facebook.com/Malayalivartha
