പാതി വഴിയിൽ പഠനം ഉപേക്ഷിച്ച പതിനെട്ടുക്കാരൻ ; പെട്ടെന്നായിരുന്നു ആ ഭാഗ്യം സംഭവിച്ചത്; ഇനി സ്വപ്നങ്ങൾ പൂവണിയും
ലോട്ടറി അടിക്കുന്ന നിരവധി ഭാഗ്യവാന്മാരെയും ഭാഗ്യവതികളെയും പറ്റി നാം കേട്ടിട്ടുണ്ട്. അവരിൽ പലരുടെയും ജീവിതം നമുക്ക് വളരെ പ്രചോദനകരമാണ്. അത്തരത്തിൽ സന്തോഷിപ്പിക്കുന്ന ഒരു ലോട്ടറി അടിച്ച കഥയാണ് ഇപ്പോൾ നാം അറിയാൻ പോകുന്നത്. അമൽ എന്ന യുവാവിനായിരുന്നു ഒരു കോടിയുടെ ലോട്ടറി അടിച്ചിരിക്കുന്നത്. അമലിന്റെ ആ കഷ്ടതകള്‍ കണ്ട് കനിഞ്ഞിരിക്കുകയാണ് ദൈവം. പഠിക്കാന്‍ പണമില്ലാത്തതിനാല്‍ പഠനം പാതിവഴിയില്‍ ഉപേക്ഷിച്ച്‌ പണിക്ക് ഇറങ്ങിയ അമലിന് ഇനി ധൈര്യമായി പഠിക്കാം എന്ന നിലയിൽ എത്തിയിരിക്കുകയാണ് .
മാതാപിതാക്കള്‍ക്കും സഹോദരിമാര്‍ക്കും കൈത്താങ്ങാവണമെന്ന പതിനെട്ടുകാരന്റെ സ്വപനം നടപ്പിലാകുകയാണ് ഇതിലൂടെ. കാരുണ്യ ലോട്ടറിയുടെ ഒന്നാംസമ്മാനമായ ഒരുകോടി രൂപയാണ് അമലിന് കിട്ടിയിരിക്കുന്നത്. പയ്യാവൂര്‍ കുന്നത്തൂര്‍പാടിയിലെ ചെരുവുകാലായില്‍ വര്‍ഗീസ്-ലിസി ദമ്ബതിമാരുടെ മകനാണ് അമൽ. ചന്ദനക്കാംപാറ ചെറുപുഷ്പം ഹയര്‍ സെക്കന്‍ഡറിയിലെ പ്ലസ് ടു പഠനശേഷം എറണാകുളം കാക്കനാട്ടെ കൈരളി ബേക്കറിയില്‍ ജോലിക്കുപോയതാണ് അമല്‍. ശനിയാഴ്ച അവിടെനിന്നുമെടുത്ത കെ.എ. 478912 എന്ന നമ്ബര്‍ ടിക്കറ്റിലൂടെയാണ് ഒരുകോടിയുടെ ഭാഗ്യം അമലിനെത്തേടിയെത്തിയത്.കുടുംബത്തിന്റെ കടങ്ങള്‍ തീര്‍ത്ത് നല്ലൊരു വീട് വെക്കണമെന്നാണ് അമലിന്റെ ആഗ്രഹം. അഞ്ജലി വര്‍ഗീസ്, ആര്യ വര്‍ഗീസ് (തലശ്ശേരി ബ്രണ്ണന്‍ കോളേജ് ബിരുദവിദ്യാര്‍ത്ഥി) എന്നിവരാണ് സഹോദരങ്ങള്‍.
https://www.facebook.com/Malayalivartha
