അച്ഛൻ ഓട്ടോറിക്ഷ ഓടിക്കാൻ പോയിരിക്കുകയല്ലേ? അമ്മയെന്തിനാണ് കരയുന്നത്; ആ വാക്കുകൾക്ക് മുന്നിൽ പകച്ച് നിൽക്കുന്ന ബന്ധുക്കൾ; ജപ്തി ഭയത്താൽ ഗൃഹനാഥൻ ആത്മഹത്യ ചെയ്തു
13 FEBRUARY 2020 05:11 PM IST
മലയാളി വാര്‍ത്ത
മൂന്നു സെന്റിൽ ഒരു കൊച്ചു വീടായിരുന്നു ഇവർക്കുള്ളത്. വിനു ഓട്ടോറിക്ഷ തൊഴിലാളിയാണ്. 2016ൽ അഞ്ചു ലക്ഷം രൂപ ബാങ്ക് ലോണെടുത്തായിരുന്നു വീടുപണി പൂർത്തിയാക്കിയത്. മൂന്നു സെന്റ് ഭൂമി ഈടു നൽകിയായിരുന്നു ലോണെടുത്തത്. 14 കാരനായ മകൻ അർജുൻ സെറിബ്രൽ പാൾസി ബാധിതനാണ്. ചെറിയ വരുമാനത്തിനിടെ മകന്റെ ചികിത്സയ്ക്കായി വലിയ ചെലവുകളാണ് ഉണ്ടായിട്ടുള്ളത്. ഇതിനിടെ ലോണടവുകൾ പലതവണ മുടങ്ങുകയും ചെയ്തു . മകൾ ആറാം ക്ലാസിൽ പഠിക്കുന്നു. ലോൺ തിരിച്ചടയ്ക്കാൻ സാധിക്കാതെ വന്നതോടെ വീടു ജപ്തി ചെയ്യുമെന്ന സ്ഥിതി വന്നു. ഇതോടെയാണ് ബാങ്കുകാരുടെ മുന്നറിയിപ്പ് പലതവണ വന്നതും കേസായതും. ഇതിനിടെ വീട് വിൽക്കാൻ ശ്രമമുണ്ടായെങ്കിലും സാധിച്ചില്ല.
ജപ്തി നടപടിയുടെ അവസാന ഘട്ടമായി കഴിഞ്ഞ ഏഴിന് കോടതി നിയോഗിച്ച അഭിഭാഷക കമ്മിഷനും ബാങ്ക് റിക്കവറി ഓഫിസറും വീട്ടിൽ വന്നു. വായ്പ തിരിച്ചടയ്ക്കാൻ മൂന്നുമാസം അവധി വേണമെന്ന ആവശ്യം അംഗീകരിക്കാൻ ബാങ്കുകാരും തയാറായില്ല. ഈ 22ന് മുമ്പ് വീട്ടിൽനിന്ന് ഇറങ്ങണമെന്നായിരുന്നു നിർദേശം. ഈ വിഷമത്തിലായിരുന്നു കുറച്ചു നാളായി വിനു എന്നാണ് ബന്ധുക്കളും അടുപ്പമുള്ളവരും പറയുന്നത്. കേസ് അവസാനമായി ഇന്നലെ കോടതി കേൾക്കാനിരിക്കെയാണ് അതിനു മുമ്പു തന്നെ ഇദ്ദേഹം ലോകത്തോടു വിടപറയുകെയും ചെയ്തു . മകന് സുഖമില്ലാത്തതിനാൽ ജോലിക്കു പോകാൻ സാധിക്കാത്ത സാഹചര്യമായിരുന്നു ദീപയ്ക്ക്. അതുകൊണ്ടു തന്നെ ഈ കുടുംബത്തിന്റെ ഏക ആശ്രയവും വിനുവായിരുന്നു.
ലോണെടുത്ത പീപ്പിൾസ് സഹകരണ അർബൻ ബാങ്ക് നിയമപരമായ നടപടികൾ സ്വീകരിക്കുകയായിരുന്നു. മകന്റെ സാഹചര്യം അറിയുന്നതുകൊണ്ടു തന്നെ ഒരു ഘട്ടത്തിലും വീട്ടുകാരെ ഭീഷണിപ്പെടുത്തുന്ന സാഹചര്യം ഇവരിൽനിന്ന് ഉണ്ടായിട്ടില്ലെന്നാണ് ബന്ധുക്കളും പറയുന്നത്. നിയമപരമായ നടപടികൾ മാത്രമായിരുന്നു സ്വീകരിച്ചതെന്ന് ബാങ്ക് ഉദ്യോഗസ്ഥരും പറയുന്നു. ബാങ്കുകാർ തുടർ നടപടികളുമായി മുന്നോട്ടു പോയാൽ മകളും ഭിന്നശേഷിക്കാരനായ മകനുമായി എവിടേക്കു പോകുമെന്ന് അറിയാതെ ആശങ്കയിലാണ് ദീപ.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
