എറണാകുളം തൃപ്പൂണിത്തുറയിൽ വെച്ച് നടന്ന സംസ്ഥാന ജൂനിയർ ഗുസ്തി ചാമ്പ്യൻഷിപ്പിൽ ഒളവട്ടൂർ യതീംഖാന സ്‌കൂൾ കരസ്ഥമാക്കിയത് മികച്ച നേട്ടം. 61 കിലോഗ്രാം താഴെ ഉള്ളവരുടെ വിഭാഗത്തിൽ പ്ലസ് വൺ കോമേഴ്‌സ് വിദ്യാർത്ഥി പി മുഹമ്മദ്‌ രിഫാൻ സ്വർണ്ണ മെഡൽ നേടുകയുണ്ടായി . ഹിമാചൽ പ്രദേശിൽ വെച്ച് നടക്കുന്ന ദേശീയ ജൂനിയർ ഗുസ്തി ചാമ്പ്യൻഷിപ്പിൽ കേരളത്തെ പ്രതിനിധീകരിച്ചു പങ്കെടുക്കാനുള്ള യോഗ്യത മുഹമ്മദ്‌ രിഫാൻ കരസ്ഥമാക്കുകയും ചെയ്തു . ദേശീയ സ്കൂൾ ഗെയിംസ് റസ്ലിങ് ചാമ്പ്യൻഷിപ്പിൽ പങ്കെടുത്ത രിഫാൻ സംസ്ഥാന സീനിയർ റസ്ലിങ് ചാമ്പ്യൻഷിപ്പിൽ വെങ്കല മെഡൽ ജേതാവ് കൂടിയാണ്.

പ്ലസ് ടു കൊമേഴ്‌സ് വിദ്യാർത്ഥി ടി വി താജുദ്ധീൻ രിഫായി 90 കിലോഗ്രാം മുകളിലുള്ളവരുടെ വിഭാഗത്തിൽ വെങ്കല മെഡൽ കരസ്ഥമാക്കി .ദേശീയ യങ് മൂഡോ ചാമ്പ്യൻഷിപ്പിൽ സ്വർണ്ണമെഡൽ ജേതാവാണ് താജുദ്ധീൻ രിഫായി എന്ന ഈ മിടുക്കൻ . ദേശീയ അമേച്ചർ ജൂഡോ,ദേശീയ സ്കൂൾ ഗെയിംസ് ജൂഡോ ചാമ്പ്യൻഷിപ്പിലും കേരളത്തെ പ്രതിനിധീകരിച്ചു താജുദ്ധീൻ പങ്കെടുത്തിട്ടുണ്ട്. 74 കിലോഗ്രാം താഴെ ഉള്ളവരുടെ വിഭാഗത്തിൽ പ്ലസ് ടു കൊമേഴ്‌സ് വിദ്യാർത്ഥി ആഷിക് മുഹ്സിൻ അഞ്ചാം സ്ഥാനവും നേടി.കായികാദ്ധ്യാപകൻ ടി പി അബ്ദുൽ ഗഫൂർ നേതൃത്വം നൽകുന്ന സ്കൂളിലെ ജൂഡോ റസ്ലിങ് അക്കാദമിയിൽ ശിഹാൻ സിദ്ധിഖ്അലി മുണ്ടുമുഴി, ഫവാസ് മുണ്ടുമുഴി എന്നിവരുടെ കീഴിലാണ് വിദ്യാർത്ഥികൾ പരിശീലനം നേടുന്നത്.സ്കൂളുകൾ വളരെ മികച്ച കായിക താരങ്ങളെ വാർത്തെടുക്കുന്നതിൽ മുൻപന്തിയിലാണ് നിൽക്കുന്നത്.