സുരേന്ദ്രന് കീ ജയ്... കെ. സുരേന്ദ്രന്റെ ആദ്യ ദൗത്യം തദ്ദേശ തെരഞ്ഞെടുപ്പില്‍ ബിജെപി ഭരണം ഉറപ്പാക്കുക; അദ്ധ്യക്ഷ പദവി കൊതിച്ചിരുന്നവര്‍ പോരിനിറങ്ങിയാല്‍ അവരെ വെട്ടാന്‍ ദേശീയ നേതൃത്വം; കരുത്തനായ സുരേന്ദ്രന് കുതിക്കുമ്പോള്‍
സംസ്ഥാന ബി.ജെ.പി. അധ്യക്ഷനായി നിയോഗിക്കപ്പെട്ട കെ. സുരേന്ദ്രന് മുന്നില്‍ വെല്ലുവിളികള്‍ ഏറെയാണ്. കരുതലോടെ പ്രവര്‍ത്തിച്ച് അത്ഭുതം കാട്ടാനാണ് സുരേന്ദ്രന് ശ്രമിക്കുന്നത്. അതിന് ബിജെപി കേന്ദ്ര നേതൃത്വത്തിന്റെ പിന്തുണയുമുണ്ട്. ഇതിനായി കേന്ദ്ര നേതൃത്വം പുതിയ കോര്‍ ഗ്രൂപ്പ് സജ്ജമാക്കും. യുവാക്കള്‍ക്കു പ്രാമുഖ്യം നല്‍കുന്ന ഗ്രൂപ്പില്‍ പലരും പുതുമുഖങ്ങളായിരിക്കും. തദ്ദേശ തെരഞ്ഞെടുപ്പു കഴിയുമ്പോള്‍ ബി.ജെ.പി. ഭരിക്കുന്ന ത്രിതല പഞ്ചായത്തുകള്‍ ഉണ്ടാകണമെന്ന വലിയ ലക്ഷ്യമാണു സുരേന്ദ്രനു നല്‍കിയിരിക്കുന്നത്. അതിനായി ആെരയൊക്കെയാണ് ആവശ്യമെന്ന് അറിയിക്കാനും നിര്‍ദേശിച്ചു.
പാര്‍ട്ടിയില്‍ ചേരിപ്പോരിനു തുനിയുന്നവര്‍ എത്ര വലിയവരാണെങ്കിലും പാര്‍ട്ടിയിലുണ്ടാകില്ലെന്നു ദേശീയ നേതൃത്വം വ്യക്തമാക്കിയിട്ടുണ്ട്. പ്രവര്‍ത്തന പാരമ്പര്യം അവകാശപ്പെട്ട് ഗ്രൂപ്പ് പ്രവര്‍ത്തനത്തിനു തുനിഞ്ഞാല്‍ മുഖം നോക്കാതെ നടപടി വരും. വിഭാഗീയ നീക്കങ്ങള്‍ കണ്ടെത്താന്‍ ആര്‍.എസ്.എസിനു പുറമേ ബി.ജെ.പി. ദേശീയ നേതൃത്വവും പ്രത്യേക സംഘത്തെ നിയോഗിച്ചു. അധ്യക്ഷപദവി കൊതിച്ചിരുന്ന നേതാക്കളില്‍ പലരും സുരേന്ദ്രനുമായി നിസഹകരിച്ചേക്കുമെന്ന സൂചന ലഭിച്ചതോടെയാണു ഡല്‍ഹിയില്‍നിന്നുള്ള ഇടപെടല്‍.
ശബരിമല വിഷയമടക്കം അനുകൂല ഘടകങ്ങള്‍ നിരവധിയുണ്ടായിട്ടും പ്രയോജനപ്പെടുത്താന്‍ കഴിഞ്ഞിട്ടില്ലെന്നും പാര്‍ട്ടിയിലെ ചേരിപ്പോരാണ് അതിനു പ്രധാന കാരണമെന്നും ആര്‍.എസ്.എസും ബി.ജെ.പി. നേതൃത്വവും വിലയിരുത്തുന്നു. അതിനാല്‍ത്തന്നെ, പ്രവര്‍ത്തകര്‍ക്കും അനുഭാവികള്‍ക്കും പൊതുജനങ്ങള്‍ക്കുമിടയില്‍ അഭിപ്രായസര്‍വേ നടത്തിയതിനു ശേഷമാണു സുരേന്ദ്രനെ അധ്യക്ഷനായി നിശ്ചയിച്ചത്.
പി.എസ്. ശ്രീധരന്‍ പിള്ളയെ പൊടുന്നനെ മിസോറം ഗവര്‍ണറാക്കിയ ഒഴിവാണ് ഏറെക്കാലത്തിനു ശേഷം സുരേന്ദ്രനു നിയമനം നല്‍കിയ നികത്തിയത്. ഈ സ്ഥാനത്തേക്കു പരിഗണിക്കപ്പെട്ടിരുന്ന എം.ടി.രമേശും എ.എന്‍. രാധാകൃഷ്ണനും സുരേന്ദ്രനുമായി സഹകരിക്കില്ലെന്ന പ്രചാരണ ശ്രദ്ധയില്‍പ്പെട്ടതിനെത്തുടര്‍ന്നാണ് കേന്ദ്ര നേതൃത്വം പുതിയ വഴിക്കു നീങ്ങിയത്. നിലവില്‍ ജനറല്‍ സെക്രട്ടറിമാരായ ഇരുവരും ഈ പ്രചാരണം നിഷേധിച്ചു.
മുന്‍ സംസ്ഥാന അധ്യക്ഷന്‍ കുമ്മനം രാജശേഖരനൊപ്പം സംസ്ഥാന ജനറല്‍ സെക്രട്ടറിമാരിലൊരാളായ ശോഭാ സുരേന്ദ്രനും േദശീയ നേതൃത്വത്തില്‍ സ്ഥാനം കിട്ടിയേക്കും. പക്ഷേ, കേരളം തന്നെയാകും പ്രവര്‍ത്തന മണ്ഡലം. മുഴുവന്‍ സമയവും പാര്‍ട്ടിക്കായി പ്രവര്‍ത്തിക്കാന്‍ തയാറുള്ളവരെയാകും സുരേന്ദ്രനെ സഹായിക്കാനുള്ള കോര്‍ കമ്മിറ്റിയിലേക്കു നിയോഗിക്കുക. ഇതോടൊപ്പം, കേന്ദ്ര സര്‍ക്കാരിന്റെ ജനക്ഷേമ പദ്ധതികളുടെ പ്രചാരകരായി പുതു സംഘത്തെയും നിയോഗിച്ചേക്കും.
കഴിഞ്ഞ ദിവസമാണ് ബിജെപി സംസ്ഥാന അധ്യക്ഷനായി കെ. സുരേന്ദ്രനെ പ്രഖ്യാപിച്ചത്. നിലവില്‍ സംസ്ഥാന ജനറല്‍ സെക്രട്ടറിയാണു സുരേന്ദ്രന്. ശബരിമല യുവതീ പ്രവേശത്തിനെതിരായ സമരത്തിന്റെ ഭാഗമായി 22 ദിവസം ജയില്‍ശിക്ഷ അനുഭവിച്ചിരുന്നു. 2019ല്‍ ലോക്‌സഭാ തിരഞ്ഞെടുപ്പില്‍ പത്തനംതിട്ട മണ്ഡലത്തില്‍നിന്നു മത്സരിച്ച സുരേന്ദ്രന് മൂന്നു ലക്ഷത്തോളം വോട്ട് നേടിയിരുന്നു. ആറു മാസം കഴിഞ്ഞു നടന്ന കോന്നി ഉപതിരഞ്ഞെടുപ്പില്‍ നാല്‍പതിനായിരത്തോളം വോട്ട് നേടി.
ഗുരുവായൂരപ്പന്‍ കോളജില്‍നിന്ന് രസതന്ത്രത്തില്‍ ബിരുദം നേടിയ സുരേന്ദ്രന് എബിവിപിയിലൂടെയാണു രാഷ്ട്രീയ പ്രവേശം നടത്തിയത്. യുവമോര്‍ച്ച സംസ്ഥാന അധ്യക്ഷപദവിയില്‍ ഏറെ ശ്രദ്ധേയനായി. 3 തവണ ലോക്‌സഭയിലേക്കും 3 തവണ നിയമസഭയിലേക്കും മത്സരിച്ചു.
L
https://www.facebook.com/Malayalivartha
