രജിത് കുമാര്‍ കസ്റ്റഡിയില്‍; കോവിഡ് 19 പശ്ചാത്തലത്തില്‍ സര്‍ക്കാര്‍ നിര്‍ദേശം മറികടന്ന് നെടുമ്ബാശ്ശേരി വിമാനത്താവളത്തില്‍ സ്വീകരണം നല്‍കിയ സംഭവത്തില്‍ ഒളിവിലായിരുന്ന രജിത് കുമാറിനെ പൊലീസ് കസ്റ്റഡിയിലെടുത്തത് ആറ്റിങ്ങലിലെ വീട്ടില്‍ നിന്ന്
കോവിഡ് 19 പശ്ചാത്തലത്തില്‍ സര്‍ക്കാര്‍ നിര്‍ദേശം മറികടന്ന് നെടുമ്ബാശ്ശേരി വിമാനത്താവളത്തില്‍ സ്വീകരണം നല്‍കിയ സംഭവത്തില്‍ ബിഗ്‌ബോസ് താരവും അധ്യാപകനുമായ രജിത് കുമാര്‍ കസ്റ്റഡിയില്‍. ആറ്റിങ്ങലിലെ വീട്ടില്‍ നിന്നാണ് രജിത് കുമാറിനെ പൊലീസ് കസ്റ്റഡിയിലെടുത്തത്. കേസില്‍ ഒന്നാം പ്രതിയാണ് രജിത് കുമാർ. രജിത്തിന്റെ ആലുവയിലേയും ആറ്റിങ്ങലിലെയും വീടുകളില്‍ പോലീസ് റെയ്ഡ് നടത്തിയിരുന്നു.
തനിക്ക് സ്വീകരണം ഒരുക്കണമെന്ന് രജിത് കുമാര്‍ തെന്‍റ വിദ്യാര്‍ഥികളോട് ആവശ്യപ്പെട്ടിരുന്നു. ഇതേ തുടര്‍ന്ന് ചില വിദ്യാര്‍ഥികള്‍ ഇടപെട്ടാണ് സ്വീകരണം സംഘടിപ്പിച്ചത്. തുടര്‍ന്ന് നിരവധി പേര്‍ വിമാനത്താവളത്തില്‍ തടിച്ചു കൂടിയിരുന്നു.
ഞായറാഴ്ച രാത്രിയാണ് ചെന്നൈയില്‍നിന്നെത്തിയ രജിത് കുമാറിന് കൊച്ചി വിമാനത്താവളത്തില്‍ കൂട്ടംകൂടി ആരാധകര്‍ സ്വീകരണമൊരുക്കിയത്. പരിപാടിയുടെ ദൃശ്യങ്ങള്‍ സാമൂഹികമാധ്യമങ്ങളില്‍ തരംഗമായതിന് പിന്നാലെ ശക്തമായ വിമര്‍ശനം ഉയര്‍ന്നിരുന്നു. ഇതിന് പിന്നാലെ എറണാകുളം ജില്ലാ കളക്ടറും മന്ത്രി കടകംപള്ളി സുരേന്ദ്രനും കഴിഞ്ഞ ദിവസം ഇതിനെതിരേ ശക്തമായ വിമര്‍ശനവുമായി രംഗത്തെത്തിയിരുന്നു.
സംഭവത്തില്‍ പേരറിയാവുന്ന നാല് പേര്‍ക്കെതിരേയും കണ്ടാല്‍ അറിയാവുന്ന 75 പേര്‍ക്കെതിരേയുമാണ് പോലീസ് കേസെടുത്തിരുന്നത്. വിമാനത്താവളത്തിന് 500 മീറ്റര്‍ പരിധിയില്‍ പ്രകടനമോ സംഘംചേരലോ പാടില്ലെന്ന ഹൈക്കോടതിയുടെ ഉത്തരവ് ലംഘിച്ചതിനും സംഘംചേര്‍ന്ന് മുദ്രവാക്യം മുഴക്കിയതിനുമാണ് ഇവര്‍ക്കെതിരേ കേസെടുത്തത്.
https://www.facebook.com/Malayalivartha
