ഐസലേഷനിലെ ആരോഗ്യകരമായ ആഹാരത്തിന് പരക്കെ അഭിനന്ദനം
എറണാകുളം കളമശേരി മെഡിക്കല്‍ കോളജില്‍ ഐസലേഷന്‍ വാര്‍ഡില്‍ നിരീക്ഷണത്തില്‍ കഴിയുന്നവര്‍ക്കു നല്‍കുന്ന ഭക്ഷണത്തിന്റെ മെനു ജില്ലാ ഇന്‍ഫോര്‍മേഷന്‍ ഓഫിസര്‍ പ്രസിദ്ധീകരിച്ചു. മലയാളികള്‍ക്കും വിദേശികള്‍ക്കും പ്രത്യേക ഭക്ഷണക്രമമാണ് ഒരുക്കിയിരിക്കുന്നത്. മലയാളികള്‍ക്ക് രാവിലെ ഏഴരയ്ക്ക് ദോശ, സാമ്പാര്‍, രണ്ടു മുട്ട, രണ്ടു ഓറഞ്ച്, ചായ, മിനറല്‍ വാട്ടര്‍ എന്നിവ അടങ്ങുന്ന് പ്രഭാതഭക്ഷണം.
പത്തരയ്ക്കു വീണ്ടും ജ്യൂസ് നല്‍കും. വിദേശികള്‍ക്കു സൂപ്പും പഴങ്ങളും അടങ്ങുന്നതാണ് പ്രഭാതഭക്ഷണം. രണ്ടു പുഴുങ്ങിയ മുട്ടയും ഒപ്പമുണ്ട്. 11 മണിക്കു പൈനാപ്പിള്‍ ജ്യൂസ്.
ചപ്പാത്തി, ചോറ്, മീന്‍ വറുത്തത്, തോരന്‍, തൈര്, മിനറല്‍ വാട്ടര്‍ എന്നിവയാണ് ഉച്ചയ്ക്കു 12 മണിക്ക് മലയാളികള്‍ക്കു നല്‍കുന്നത്. ടോസ്റ്റഡ് ബ്രഡ്, ചീസ്, പഴങ്ങള്‍ എന്നിവയാണ് വിദേശികള്‍ക്കു നല്‍കുന്നത്. മലയാളികള്‍ക്കു വൈകിട്ട് ചായക്കൊപ്പം പലഹാരവും നല്‍കും. ജ്യൂസാണ് വിദേശികള്‍ക്ക്.
അപ്പത്തിനൊപ്പം വെജിറ്റബിള്‍ കറിയും രണ്ടു ഏത്തപ്പഴവുമാണ് മലയാളികള്‍ക്ക് രാത്രിഭക്ഷണം. വിദേശികള്‍ക്ക് ടോസ്റ്റഡ് ബ്രഡും സ്‌ക്രാമ്പിള്‍ഡ് മുട്ടയും പഴങ്ങളും. കുട്ടികള്‍ക്കു പാലും നല്‍കും. സമൂഹമാധ്യമങ്ങളില്‍ നിരവധി പേര്‍ ഭക്ഷണക്രമത്തെ പ്രകീര്‍ത്തിച്ചു കൊണ്ട് കടന്നുവന്നു.
https://www.facebook.com/Malayalivartha
